யார் துரோகி, நீங்களா, நானா? டி.டி.வி.க்கு ஓ.பி.எஸ். பதில்!!

by எஸ். எம். கணபதி, Apr 16, 2019, 09:51 AM IST

தமிழகத்தில் வரும் 18ம் தேதி 39 மக்களவைத் தொகுதி தேர்தலும், 18 சட்டசபைத் தொகுதி இடைத் தேர்தலும் நடைபெறவுள்ளது. இதைத் தொடர்ந்து மே 18ம் தேதி அரவக்குறிச்சி உள்பட 4 சட்டசபைத் தொகுதி இடைத்தேர்தலும் நடைபெறவிருக்கிறது. அ.தி.மு.க, தி.மு.க., அ.ம.மு.க. கட்சிகளிடையே மும்முனைப் போட்டி நிலவுகிறது. அனல் பறக்கும் பிரச்சாரம் முடியும் தருவாயில், துணை முதலமைச்சர் ஓ.பன்னீர்செல்வம், தினமணி நாளிதழுக்கு அளித்துள்ள பேட்டியில் கூறியிருப்பதாவது:

* அ.தி.மு.க.வுக்கு துரோகம் செய்து விட்ட நீங்கள் எல்லோரும் துரோகிகள் என்று டி.டி.வி. தினகரன் கடுமையாக விமர்சிக்கிறாரே?


தன் மீதுள்ள ஊழல் கறையில் இருந்து தப்பிப்பதற்காக ஸ்டாலின், எங்கள் மீது ஊழல் குற்றம் சுமத்துகிறார். அதே போல, தனது துரோகத்தை மறைப்பதற்காக டி.டி.வி. தினகரன் எங்களை துரோகிகள் என்கிறார். உண்மையில் யார் துரோகி?


அ.தி.மு.க., எம்.ஜி.ஆரின் கட்சி. இரட்டை இலை அவரது சின்னம். அவர் மறைந்த போது இந்த கட்சி ஜா, ஜெ என்று பிரிந்தது. அதன்பின், எம்.ஜி.ஆரின் இந்த கட்சியைக் காப்பாற்ற ஜானகி அம்மையாரும், ஜெயலலிதாவும் தனிப்பட்ட விருப்பு வெறுப்புகளை துறந்து இணைந்தார்கள். அதற்குப் பிறகு ஜெயலலிதா வலிவூட்டிய இந்த கட்சியை இப்போது அழிக்கத் துடிப்பவர் துரோகியா? கட்சியையும் ஆட்சியையும் காப்பாற்றும் நாங்கள் துரோகிகளா?

* நீங்களும்தான் இதே ஆட்சிக்கு எதிராக தர்மயுத்தம் தொடங்கினீர்கள்? சட்டசபையில் எதிர்த்து வாக்களித்தீர்களே?
உண்மைதான். ஆனால், எனக்கு பெரும்பான்மை எம்.எல்.ஏ.க்களின் ஆதரவு இல்லை என்று நான் உணர்ந்ததுமே, கட்சி பிளவுபடக் கூடாது என்பதற்காக இணைந்து விட சம்மதித்தேன். முதலமைச்சராக இருந்த நான் இதற்காக துணை முதல்வராகவும் தயங்கவில்லை. டி.டி.வி. தினகரன், ஜெயலலிதாவில் ஒதுக்கி வைக்கப்பட்டவர் என்பதையும் மறக்கக் கூடாது.

* அ.ம.மு.க.வால் அ.தி.மு.க.வின் வெற்றிவாய்ப்பு பாதிக்குமே?
அ.மு.மு.க. உள்பட எந்த கட்சி வந்தாலும் அ.தி.மு.க.வை பாதிக்காது. எல்லா கட்சியிலும் அதிருப்தியாளர்கள் இருப்பார்கள். அதே போல், அ.தி.மு.க.வில் உள்ள அதிருப்தியாளர்கள் சிலர் தினகரன் கட்சியில் இணைந்துள்ளனர். ஆனால், தொண்டர்கள் அவருக்கு ஆதரவாக இல்லை.

இவ்வாறு ஓ.பி.எஸ். பதிலளித்துள்ளார்.
ஜெயலலிதா ஆட்சியில் இருந்தவரை எம்.ஜி.ஆரைப் பற்றி ஓ.பி.எஸ். பேசியதே இல்லை என்பதும், அ.தி.மு.க.வை எம்.ஜி.ஆரின் கட்சி என்று சொன்னதே இல்லை என்பதும்தான் அந்த கட்சித் தொண்டர்களின் மைன்ட் வாய்ஸ் ஆக உள்ளது!


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST