ஐ.என்.எக்ஸ் மீடியா வழக்கில் சிதம்பரத்துடன் சிக்கும் பெண் ஐ.ஏ.எஸ் அதிகாரி

by எஸ். எம். கணபதி, Aug 27, 2019, 11:38 AM IST

முன்னாள் மத்திய அமைச்சர் ப.சிதம்பரம் கைது செய்யப்பட்ட ஐ.என்.எக்ஸ் மீடியா வழக்கில், ஓய்வு பெற்ற பெண் ஐ.ஏ.எஸ். அதிகாரி சிந்துஸ்ரீ குல்லார் சிக்குகிறார். அவரிடம் சி.பி.ஐ. அதிகாரிகள் விசாரித்து வருகின்றனர்.

ஐ.என்.எக்ஸ். மீடியா நிறுவனத்திற்கு மொரிசீயஸ் நாட்டு கம்பெனிகளிடம் இருந்து ரூ.305 கோடி முதலீடு வந்ததில் நடந்த முறைகேடு தொடர்பாக சி.பி.ஐ மற்றும் அமலாக்கத் துறையினர் வழக்கு பதிவு செய்து விசாரித்து வருகின்றனர். ரூ.305 கோடி முதலீடு பெற்றதை அன்னிய முதலீடு மேம்பாட்டு வாரியத்தின் அனுமதியை முறைகேடாக பெற்றுத் தந்தது சிதம்பரம் என்றும், இதற்காக சிதம்பரத்தின் மகன் கார்த்தி சிதம்பரம் நடத்தும் கம்பெனிகளுக்கு ஐ.என்.எக்ஸ் மீடியா நிறுவனம் லஞ்சப் பணத்தை அனுப்பியுள்ளது என்றும் வழக்கில் குற்றம்சாட்டப்பட்டுள்ளது.

இந்த வழக்கில் கடந்த 21ம் தேதி கைது செய்யப்பட்ட ப.சிதம்பரம், சி.பி.ஐ. காவலில் வைக்கப்பட்டு விசாரிக்கப்பட்டு வருகிறார். ஏற்கனவே 5 நாட்கள் சி.பி.ஐ. காவல் முடிந்த நிலையில், வரும் 30ம் தேதி வரை காவலை நீட்டித்து சிறப்பு நீதிமன்றம் உத்தரவிட்டிருக்கிறது.

இந்நிலையில், ஓய்வு பெற்ற பெண் ஐ.ஏ.எஸ். அதிகாரி சிந்துஸ்ரீ குல்லார் நேற்று சி.பி.ஐ. தலைமை அலுவலகத்திற்கு வரவழைக்கப்பட்டார். 1975ம் ஆண்டு யூனியன் பிரதேச ஒதுக்கீட்டில் ஐ.ஏ.எஸ். பணிக்கு வந்த குல்லார், ஐ.என்.எக்ஸ் மீடியா முதலீடுக்கு முறைகேடாக அனுமதி தரப்பட்ட சமயத்தில் நிதியமைச்சகத்தில் கூடுதல் செயலாளராக இருந்துள்ளார். அதனால், அவரும் சிதம்பரத்தின் ஊழலுக்கு உடந்தை என்று சி.பி.ஐ. குற்றம்சாட்டுகிறது. அவரை இந்த ஊழல் வழக்கில் சேர்ப்பதற்காக மத்திய அரசின் அனுமதியை சி.பி.ஐ. கோரியுள்ளது.

சிந்துஸ்ரீ குல்லாரிடம் சி.பி.ஐ. அதிகாரிகள் விசாரணை நடத்திய போது, சிதம்பரமும் அருகில் இருந்ததாகவும், இருவரிடமும் சேர்த்து விசாரணை நடத்தப்பட்டது என்றும் சி.பி.ஐ. வட்டாரங்கள் தெரிவிக்கின்றன. மேலும், சிதம்பரத்தை நீதிமன்றத்திற்கு கொண்டு செல்ல வேண்டியிருந்ததால், பாதியில் விசாரணை நிறுத்தப்பட்டது என்றும் மீண்டும் ஒரு குல்லாரிடம் விசாரணை நடத்தப்பட்டு, அவரை கைது செய்வது பற்றி முடிவெடுக்கப்படும் என்றும் அந்த வட்டாரங்கள் தெரிவிக்கின்றன.

பொருளாதா விவகாரங்கள் துறையில் சிறப்பு செயலாளராகவும் பணியாற்றிய சிந்துஸ்ரீ குல்லார், கடந்த 2015ம் ஆண்டில் நிதிஆயோக்கின் முதல் தலைமை செயல் அலுவலராகவும் பணியாற்றினார் என்பது குறிப்பிடத்தக்கது.

ப.சிதம்பரத்தின் முன் ஜாமீன் மனு ; உச்ச நீதிமன்றம் தள்ளுபடி


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST