திரிணாமுல் கட்சிக்கு பிரச்சாரம் துரத்தப்பட்ட வங்கதேச நடிகர்!

by எஸ். எம். கணபதி, Apr 17, 2019, 08:53 AM IST

நாடு முழுவதும் மக்களவைத் தேர்தல் ஏழு கட்டமாக நடைபெற்று வருகிறது. இந்த தேர்தலில் மோடி மீண்டும் பிரதமராக வேண்டுமா, வேண்டாமா என்ற ஒரே காரணியைக் கொண்டுதான் பிரச்சாரக் களம் அமைந்துள்ளது. 

மேற்கு வங்கத்தில் முதலமைச்சர் மம்தா பானர்ஜி தலைமையிலான திரிணாமுல் கட்சி ஆட்சி செய்கிறது. இங்கு அந்த கட்சிக்கும், பா.ஜ.க.வுக்கும் இடையேதான் கடும் போட்டி நிலவுகிறது. இந்நிலையில், திரிணாமுல் கட்சிக்கு ஆதரவாக பிரச்சாரம் செய்வதற்காக வங்கதேசம் நாட்டில் இருந்து நடிகர் பெர்டாஸ் அகமது கடந்த 2 நாட்களுக்கு முன்பு வந்திருந்தார்.

அவர் ராய்கஞ்ச் மக்களவைத் தொகுதியில் திரிணாமுல் வேட்பாளர் கன்னையாலால் அகர்வாலுக்கு ஆதரவாக ஜீப்பில் ஊர்வலமாகச் சென்று பிரச்சாரம் மேற்கொண்டார். வங்கதேச நடிகர் என்பதால், அவருக்கு கூட்டம் சேர்ந்தது. இதைக் கவனித்த பா.ஜ.க.வினர், ‘வெளிநாட்டுக்காரர் எப்படி பிரச்சாரம் செய்யலாம்?’ என்று கேள்வி எழுப்பி, தேர்தல் அதிகாரிகளிடம் புகார் கொடுத்தனர்.

தேர்தல் நடைமுறைகள் தொடர்பான மக்கள் பிரதிநிதித்துவச் சட்டம்-1951ல் வெளிநாட்டுக்காரர் பிரச்சாரம் செய்வது பற்றி எதுவுமே குறிப்பிடவில்லை. அதேசமயம், இந்திய விசா சட்டத்தில், வெளிநாட்டுக்காரர்கள் இந்தியாவுக்கு வரும் போது எந்தவிதமான அரசியல் நிகழ்விலும் அனுமதியின்றி பங்கேற்கக் கூடாது என்று தெளிவாக கூறப்பட்டுள்ளது.

இந்த விதியின் அடிப்படையில் மத்திய உள்துறை அமைச்சகம் உடனடியாக செயல்பட்டு, அந்த நடிகர் பெர்டாஸ் அகமதுவின் விசாவை ரத்து செய்து, அவரை இந்தியாவை விட்டு வெளியேறுமாறு நேற்று உத்தரவிட்டது. அகமது, பிசினஸ் விசாவில் இந்தியாவுக்கு வந்திருந்தார். அவர் விசா விதிகளை மீறியதாக குற்றம்சாட்டப்பட்டு, அவரது விசா ரத்து செய்யப்பட்டுள்ளதால் இனி வருங்காலத்தில் அவர் இந்தியாவுக்கு வர இயலாது என்று உள்துறை அமைச்சக அதிகாரிகள் தெரிவித்தனர்.

இதற்கிடையே, வங்கதேசத்தின் இன்னொரு நடிகர் காஜி அப்துன் நூர் என்பவரும் திரிணாமுல் கட்சிக்கு பிரச்சாரம் செய்வதற்காக மேற்கு வங்கத்திற்கு வந்திருக்கிறார். அவர் கர்மாஹாட்டி பகுதியில் திரிணாமுல் வேட்பாளர் மதன்மித்ராவுக்கு ஆதரவாக நேற்று பிரச்சாரம் செய்ததாக பா.ஜ.க.வினர் குற்றம்சாட்டியுள்ளனர். எனவே, அவரும் இன்று நாட்டை விட்டு வெளியேற்றப்படுவார் என தெரிகிறது.

 

ஹிட்லர் உயிரோடு இருந்திருந்தால் மோடியின் சர்வாதிகாரத்தை பார்த்து தூக்கில் தொங்கியிருப்பார் – மம்தா கடும் தாக்கு


Speed News

  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST