ஆண்டிபட்டியில் அமமுகவினரை அலறவிட்ட அதிகாரிகள் - ரூ.1.5 கோடி பறிமுதல் போலீஸ் துப்பாக்கி சூடு - 150 பேர் மீது கொலை முயற்சி வழக்கு

by Nagaraj, Apr 17, 2019, 08:57 AM IST

ஆண்டிபட்டியில் அம்மா மக்கள் முன்னேற்ற கழகத்தினரை குறிவைத்து வருமான வரித்துறையினர் நடத்திய சோதனையில் ரூ.1.5 கோடி பணம் பறிமுதல் செய்யப்பட்டது.

சோதனைக்கு அமமுகவினர் எதிர்ப்பு தெரிவித்ததால் போலீசார் வானத்தை நோக்கி துப்பாக்கிச் சூடு நடத்தினர். இதனால் ஆண்டிபட்டியில் இரவு முழுவதும் பெரும் பரபரப்பு ஏற்பட்டது. கடைசியில் அமமுகவினர் 150 பேர் மீது கொலை முயற்சி வழக்குப் பதிவு செய்யப் பட்டதால் அக்கட்சியினர் கடும் அதிர்ச்சி அடைந்துள்ளனர்.

தேனி மக்களவைத் தொகுதியுடன் ஆண்டிபட்டி மற்றும் பெரியகுளம் சட்டப்பேரவை தொகுதிகளிலும் இடைத் தேர்தல் நடைபெறுகிறது. இந்த 3 தொகுதிகளிலும் அதிமுக, திமுக கூட்டணிகளுடன் தினகரனின் அமமுகவும் சரிசமமாக மல்லுக்கட்டுவதால் மும்முனைப் போட்டி நிலவுகிறது.தேனி மக்களவைத் தொகுதியில் துணை முதல்வர் ஓ.பி.எஸ்.மகன் ரவீந்திரநாத் போட்டியிடுகிறார். அவரை எப்படியும் வெற்றி பெறச் செய்ய வேண்டும் என்பதில் தீவிரம் காட்டும் அதிமுக, இரு தினங்களுக்கு முன்பே தொகுதி முழுவதும் ஒரே இரவில் ஓட்டுக்கு ரூ 1000 வீதம் பட்டுவாடாவை கச்சிதமாக முடித்து விட்டனர்.

இந்நிலையில் அமமுகவினர் ஆண்டிபட்டியில் நேற்று இரவு பட்டுவாடா செய்ய பணத்தை கட்சி அலுவலகத்தில் பதுக்கி வைத்துள்ளதாக வந்த தகவலையடுத்து போலீசாருடன் வருமான வரித்துறை மற்றும் தேர்தல் பறக்கும் படை அதிகாரிகள் சோதனையிடச் சென்றனர்.

ஆனால் சோதனை நடத்த எதிர்ப்பு தெரிவித்த அமமுகவினர், அதிகாரிகளை அலுவலகத்தில் நுழைய விடாமல் தடுத்ததால் அங்கு தள்ளுமுள்ளு ஏற்பட்டது. அப்போது போலீசார் திடீரென வானத்தை நோக்கி 5 ரவுண்டு துப்பாக்கிச் சூடு நடத்த பெரும் பரபரப்பு ஏற்பட்டது.

தொடர்ந்து அமமுக மாவட்ட துணைச் செயலாளர் பழனி உட்பட 4 பேரை கைது செய்து மற்றவர்களை விரட்டியடித்து விட்டு அலுவலகத்தில் சோதனை நடத்தினர்.

இரவு முதல் இன்று காலை வரை நீடித்த சோதனையில் ரூ.1.48 கோடி பணம் பிடிபட்டதாக வருமான வரித்துறை தரப்பில் தெரிவிக்கப்பட்டுள்ளது. மேலும் சோதனைக்கு எதிர்ப்பு தெரிவித்த அம முகவினர் 150 பேர் மீது கொலை முயற்சி, பணம் கடத்தல் உள்ளிட்ட 7 பிரிவுகளின் கீழ் போலீசார் வழக்குப் பதிவு செய்துள்ளதால் அமமுகவினர் பெரும் அதிர்ச்சி அடைந்துள்ளனர்.

 

வேலூர் தொகுதியில் தேர்தல் ரத்து- தேர்தல் ஆணையத்தின் பரிந்துரையை ஏற்று ஜனாதிபதி உத்தரவு


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST