எமர்ஜென்சியின் போது நாட்டில் என்ன நடந்தது? நீதிபதிகள் கேள்வி

by எஸ். எம். கணபதி, Nov 7, 2019, 09:35 AM IST

எமர்ஜென்சி அமல்படுத்தப்பட்ட போது நாட்டில் என்ன நடந்தது என்று காஷ்மீர் வழக்கில் காங்கிரஸ் வழக்கறிஞர் கபில்சிபலிடம் நீதிபதிகள் கேள்வி எழுப்பினர்.

காஷ்மீர் மாநிலத்துக்கு சிறப்பு அந்தஸ்து அளிக்கும் அரசியல் சட்டப்பிரிவு 370ஐ மத்திய அரசு கடந்த ஆகஸ்ட் 5ம் தேதி ரத்து செய்துள்ளது. மேலும், ஜம்மு காஷ்மீர் மற்றும் லடாக் என்று இரு யூனியன் பிரதேசங்களாக அம்மாநிலம் பிரிக்கப்பட்டுள்ளது. இதனால், அம்மாநிலத்தில் அசம்பாவிதம் எதுவும் நடந்து விடக் கூடாது என்று பல்வேறு முன்னெச்சரிக்கை நடவடிக்கைகளை அரசு மேற்கொண்டது.

முன்னாள் முதல்வர்கள் உமர்அப்துல்லா, மெகபூபா முப்தி உள்பட அரசியல் தலைவர்கள் சிறை வைக்கப்பட்டுள்ளனர். மக்கள் நடமாட்டத்திற்கும் பல்வேறு கட்டுப்பாடுகள் விதிக்கப்பட்டுள்ளது. இதை எதிர்த்து காங்கிரஸ் மூத்த தலைவர் குலாம்நபி ஆசாத், சுப்ரீம் கோர்ட்டில் வழக்கு தொடுத்தார். இந்த வழக்கு நீதிபதி ரமணா தலைமையிலான அமர்வு முன்பாக விசாரணைக்கு வந்தது. அப்போது, குலாம்நபி ஆசாத் சார்பில் சீனியர் வழக்கறிஞர் கபில்சிபல் ஆஜரானார். அவர் வாதாடுகையில், அரசியல் சட்டப்பிரிவு 370 ரத்து செய்யப்பட்ட பிறகு காஷ்மீர் மாநிலத்தில் வசிக்கும் 70 லட்சம் மக்களும் முடக்கப்பட்டிருக்கிறார்கள். நாட்டில் இதற்கு முன்பு எப்போதும் இல்லாத அளவுக்கு மக்களின் அன்றாட வாழ்க்கை கடந்த மூன்று மாதங்களாக பாதிக்கப்பட்டிருக்கிறது என்றார்.

அப்போது நீதிபதி ரமணா குறுக்கிட்டு, 1970களில் இந்திராகாந்தி எமர்ஜென்சி அறிவித்த காலத்தில் என்ன நடந்தது? என்று சிரித்து கொண்டே கேட்டார். அதற்கு பதிலளித்த கபில்சிபல், அரசியல்சட்டப்பிரிவு 352ன் கீழ் எமர்ஜென்சி உத்தரவு பிறப்பிக்கப்பட்ட போது கூட மக்களின் அடிப்படை உரிமைகள் பறிக்கப்படவில்லை. இப்போது ஒருவர் மருத்துவமனைக்கு செல்ல வேண்டுமானால் கூட போக முடியாத நிலை உள்ளது.

மருத்துவமனை திறந்திருக்கும். எப்படி போவது? போக்குவரத்து முற்றிலும் முடங்கியுள்ளது. தகவல் தொடர்பு துண்டிக்கப்பட்டுள்ளது. வர்த்தகம் பாதிக்கப்பட்டிருக்கிறது. அரசாங்கமே வர்த்தகம் செய்யலாம், தவறில்லை. ஆனால், வர்த்தகத்தையே அழித்து விட அனுமதிக்க முடியாது என்றார்.

இதை கேட்ட நீதிபதிகள், காஷ்மீரில் இப்போது எத்தனை பஸ்கள் இயக்கப்படுகின்றன? எத்தனை டிரக் வண்டிகள் இயக்கப்படுகின்றன? போக்குவரத்து வசதிகள் என்ன செய்யப்பட்டிருக்கிறது என்று அறிக்கை தாக்கல் செய்யுமாறு அரசுக்கு உத்தரவிட்டு வழக்கை தள்ளி வைத்தனர். இன்று(நவ.7) இந்த வழக்கு மீண்டும் விசாரணைக்கு வருகிறது.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST