மேற்கு நாடுகளை ஏன் பார்க்கிறீர்கள்.. தொழிலதிபர் பஜாஜ் கேள்வி..

by எஸ். எம். கணபதி, Jun 4, 2020, 14:19 PM IST

கொரோனா வைரஸ் தாக்கத்தில், நாம் மேற்கு நாடுகளையே ஏன் ஒப்பிட வேண்டும்?. கிழக்கு நாடுகளைத்தான் கவனித்திருக்க வேண்டும் என்று தொழிலதிபர் ராஜீவ் பஜாஜ் கூறியுள்ளார்.நாடு முழுவதும் கொரோனா பரவியுள்ள நிலையில், இதைத் தடுப்பதற்கான வழிமுறைகள் மற்றும் மத்திய அரசின் செயல்பாடுகள் குறித்து பல்வேறு கட்சித் தலைவர்களிடமும் வீடியோகான்பரன்சில் காங்கிரஸ் தலைவர் சோனியா காந்தி ஆலோசனை நடத்தினார்.

இதன்பிறகு, பல்வேறு பரிந்துரைகளை மத்திய அரசுக்கு அனுப்பினார். ஆனால், அவற்றை மத்திய அரசு பொருட்படுத்தியதாகத் தெரியவில்லை.இதே போல், ரிசர்வ் வங்கி முன்னாள் கவர்னர் ரகுராம் ராஜன் உள்படப் பொருளாதார நிபுணர்கள், தொழிலதிபர்களிடம் வீடியோ கான்பரன்சில் காங்கிரஸ் முன்னாள் தலைவர் ராகுல்காந்தி ஆலோசனை நடத்தி அந்த கருத்துக்களை வெளியிட்டு வருகிறார். இன்று அவர் பிரபல தொழிலதிபர் ராஜீவ் பஜாஜுடன் வீடியோ கான்பரன்சில் ஆலோசனை நடத்தினார்.

அப்போது ராஜீவ் பஜாஜ் கூறுகையில், அமெரிக்கா, ஐரோப்பிய நாடுகளைப் போன்ற வளர்ந்த நாடுகளில் ஒரு பாதிப்பு என்றால், அது உலகம் முழுவதும் தலைப்புச் செய்தியாகிறது. கொரோனாவால் அந்நாடுகள் பாதித்ததால், அது உலகம் முழுவதும் பேசப்படுகிறது. அதே சமயம், ஆப்ரிக்க நாடுகளில் பசிப்பிணியால் தினமும் 8 ஆயிரம் குழந்தைகள் இறக்கின்றன. இதை யார் கண்டு கொள்கிறார்கள்? கொரோனா தாக்கத்தின் ஆரம்பத்தில் இருந்தே நாம் அமெரிக்கா போன்ற மேற்கத்திய நாடுகளையே ஒப்பிட்டு வருகிறோம். இது தவறு. நான் கிழக்கு நாடுகளைத்தான் கவனித்திருக்க வேண்டும். அந்த நாடுகளின் நிலைமைகள், நமது நாட்டு தட்பவெப்ப நிலைகள், உணவுப் பழக்க வழக்கங்கள் போன்றவை குறித்துத்தான் நாம் கவனித்து முன்னேற்பாடுகளைச் செய்திருக்க வேண்டும் என்றார்.

மேலும் அவர் கூறுகையில், ஊரடங்கிற்கு பிறகும் வைரஸ் பரவல் அதிகரித்து வருகிறது. ஊரடங்கின் மூலம் நாம் வைரஸ் பாதிப்பு உயர்வைத் தடுத்து நிறுத்தவில்லை. மாறாக, உற்பத்தி உயர்வு விகித வளர்ச்சியை(ஜி.டி.பி.) நாம் நிறுத்தி விட்டோம் என்றும் குறிப்பிட்டார்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST