வட்டி கொடுக்காத தலைமை ஆசிரியை சரமாரியாக அறைந்த பாஜக பிரமுகர் [வீடியோ]

பெங்களூரில் தனியார் பள்ளி ஒன்றின் தலைமை ஆசிரியை ஆஷாவை பாஜக பிரமுகர் ஒருவர் கொடூரமாக தாக்கும் வீடியோ காட்சிகள் வெளியாகி பரபரப்பை ஏற்படுத்தியுள்ளது.

பெங்களூரு சிங்கநாயகனஹள்ளியில் உள்ள தனியார் பள்ளியில் தலைமை ஆசிரியையாக பணியாற்றி வருபவர் ஆஷா. இவர் பாஜக பிரமுகரும், ரியல் எஸ்டேட் அதிபருமான ராமகிருஷ்ணப்பாவிடம் கடந்த சில மாதங்களுக்கு முன் பள்ளி நிர்வாகத்துக்காக ரூ.70 ஆயிரம் வட்டிக்கு கடன் வாங்கியுள்ளார்.

இந்த மாத வட்டியை அஷா செலுத்தாததால் ராமகிருஷ்ணப்பா, ஆஷாவின் பள்ளிக்கு சென்று அவரிடம் வட்டி பணத்தை கேட்டுள்ளார். அப்போது, அவர்களுக்குள் திடீரென்று வாக்குவாதம் ஏற்பட்டுள்ளது.

இதனால் ஆத்திரமடைந்த ராமகிருஷ்ணப்பா தலைமை ஆசிரியை ஆஷாவின் கன்னத்தில் சரமாரியாக அறைந்தார். மேலும் ஆஷாவை பெல்ட்டாலும் தாக்கியுள்ளார். ஆஷாவின் அறையில் இருந்த சிசிடிவி கேமராவில் இந்த காட்சிகள் அனைத்தும் பதிவாகியுள்ளாது.

இந்த சம்பவம் தொடர்பாக ஆஷா அளித்த புகாரின் அடிப்படையில் காவலர்கள் தலைமறைவான ராமகிருஷ்ணப்பா தேடி வருகின்றனர்.

வீடியோ இங்கே:

நன்றி : NEWS NATION