இயற்கை பேரிடர் காலத்தில் பரவும் பொய் செய்திகள்: கட்டுப்படுத்த முடியும் என்கிறது ஐ.ஐ.டி.

by SAM ASIR, Nov 20, 2018, 18:57 PM IST

வெள்ளம், புயல் போன்ற பேரிடர் நேரங்களில் வாட்ஸ் அப், டுவிட்டர் மற்றும் ஃபேஸ்புக் போன்ற சமூக ஊடகங்களில் பொய் செய்திகளை பரவுவதை தடுப்பதற்கு எளிதான வழி இருப்பதாக காரக்பூரில் உள்ள இந்திய தொழில் நுட்ப கழகத்தினர் (Indian Institute of Technology) தெரிவித்துள்ளனர்.

மேற்கு வங்காளத்தில் உள்ள காரக்பூரில் இந்திய தொழில் நுட்ப கழகம் ஒன்று இயங்கி வருகிறது. இதன் கணினி அறிவியல் மற்றும் பொறியியல் துறையைச் சேர்ந்த சப்தகிரி கோஷ் என்ற உதவி பேராசிரியரின் தலைமையின் கீழ் இயங்கும் குழுவினர், செயற்கை நுண்ணறிவை (artificial intelligence) பயன்படுத்தி இதற்கென ஒரு படிமுறையை (Algorithm) உருவாக்கியுள்ளனர்.

சமூக ஊடகங்களில் பரவும் பொய் செய்திகளை யாராவது உட்கார்ந்து பார்த்து கட்டுப்படுத்துவது இயலாத ஒன்று. செயற்கை நுண்ணறிவை பயன்படுத்தி, சமூக ஊடகங்களில் வரும் பதிவுகளின் உண்மைத்தன்மையை அறிந்து நடவடிக்கை எடுக்க இயலும். உண்மையான தகவல்களாக இருப்பின் நிவாரணம் மற்றும் மீட்புப் பணிகளில் ஈடுபட்டிருப்போருக்கு அவற்றை தெரிவிக்க முடியும்.

இந்த படிமுறை மூலம் 90 விழுக்காடு பொய் தகவல்களை அறிந்து கொள்ள முடியும் என்றும், பேரிடர் நேரங்களில் பரிமாறப்படும் டுவிட்டர் தகவல்களில் 2 விழுக்காடு மட்டுமே துல்லியமான தகவல்கள் உள்ளன. ஏனையவை பாதிக்கப்பட்டோர் மீது கரிசனை காட்டும் உணர்ச்சிகர ரகத்தை சார்ந்தவை மட்டுமே என்றும் கோஷ் கூறியுள்ளார்.

இதன் பரிசோதனை கட்டம் நேபாளத்தில் 2015ம் ஆண்டு ஏற்பட்ட நிலநடுக்கம் மற்றும் சென்னையில் 2016ம் ஆண்டு ஏற்பட்ட வெள்ளம் ஆகியவற்றின்போது ஆரம்பமானது என்று கூறப்படுகிறது. சென்னை வெள்ளத்தின்போது, முதலை பண்ணையிலிருந்து முதலைகள் தப்பி வெள்ள நீரில் வருவதாக வதந்தி பரவியது. அப்போது உரிய நிர்வாகத்திடம் தகவல் பெற்று, அது வதந்தி என்று ஐஐடி மூலம் உறுதி செய்யப்பட்டது. வதந்தியை உரிய விதத்தில் கையாளவும், பரப்புவோரை அடையாளம் காணவும் இந்த செயற்கை நுண்ணறிவு படிமுறை உதவும். இயற்கை பேரிடரின்போது மட்டுமே இது உதவக்கூடும்.

இதற்கான முன்மொழிவு மைக்ரோசாஃப்ட் இந்திய ஆராய்ச்சி நிறுவனத்திடம் சமர்ப்பிக்கப்பட்டுள்ளதாகவும், அது ஏற்றுக்கெள்ளப்பட்டால் மைக்ரோசாஃப்ட் ஆராய்ச்சி நிறுவனமும் கத்தார் கணினி செயல்பாட்டு ஆராய்ச்சி நிறுவனமும் இணைந்து பேரிடருக்கு பிந்தைய மீட்பு செயல்பாடு குறித்த பணியில் பயன்படுத்துவதற்கு ஏற்ப முழுமையாக வடிவமைப்பார்கள் என்றும் அவர் தெரிவித்துள்ளார்.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST