லோக்சபா தேர்தலில் 10 தொகுதிகளை ஒதுக்க வேண்டும் அல்லது 2 ராஜ்யசபா சீட்டுகள் தரப்பட வேண்டும் என்பதில் தேமுதிக பிடிவாதமாக இருப்பதால் அதிமுக- பாஜக கட்சிகள் விழிபிதுங்கி உள்ளன.
அதிமுக தலைமையிலான கூட்டணியில் பாமக இடம்பெற்றுவிட்டது. இதையடுத்து தேமுதிகவை வளைக்கும் வேலைகளை அதிமுக, பாஜக மேற்கொண்டு வருகின்றன.
தேமுதிகவோ, பாமகவை விட பெரிய கட்சி நாங்கள்.. அவர்களுக்கு 7 தொகுதிகள் எனில் எங்களுக்கு குறைந்தபட்சம் 10 தொகுதிகள் வேண்டும்; அதேபோல் 2 ராஜ்யசபா சீட்டுக்கு உத்திரவாதம் தர வேண்டும் என அடம்பிடிக்கிறார்களாம்
ஆனால் தற்போதைய நிலையில் 10 தொகுதிகள் சாத்தியமே இல்லை; அதிகபட்சம் 3 தான் தர முடியும் என்கிறதாம் அதிமுக. தேமுதிகவின் பிடிவாதத்துக்கு பதிலளிக்க முடியாமல் பாஜக விழிபிதுங்கி கிடக்கிறதாம்.
இந்நிலையில் தொகுதி உடன்பாடு தொடர்பாக இன்று கட்சி நிர்வாகிகளுடன் விஜயகாந்த் ஆலோசனை நடத்தினார். மேலும் அதிமுக தரப்பும் நேரடியாக விஜயகாந்துடன் ஆலோசனை நடத்துகிறது.
