தடம் மாறிய முல்லைவேந்தன்! தி,மு.க.வை விட்டு சென்றது ஏன்?

by எஸ். எம். கணபதி, Apr 16, 2019, 12:51 PM IST

அதிருப்தியாளர்கள் யாராக இருந்தாலும் அவர்களை அரவணைத்து அருகில் வைத்துக் கொண்டு அரசியல் செய்வதுதான் திமுக தலைவர் கருணாநிதியின் அரசியல் பலம். ஸ்டாலின் திமுக தலைவரானதும் முதலில் அனைவரையும் அரவணைத்தே சென்றார். திமுகவில் இருந்து விலகிச் சென்ற பலரையும் அழைத்து பேசினார். அதிருப்தியாளர்களை அழைத்து உற்சாகப்படுத்தினார். அப்படித்தான் கட்சியை விட்டு விலகியிருந்த முல்லைவேந்தனை அழைத்து மீண்டும் கட்சியில் இணைத்து உற்சாகப்படுத்தினார்.

முல்லைவேந்தன் முன்னாள் அமைச்சர் திமுகவின் தருமபுரி பகுதியில் பலமான நிர்வாகி. திமுகவில் மீண்டும் இணைந்த பின்பு அவரால் தலைமையோடு முன்பு போல கட்சி நி்ர்வாகிகளிடம் எளிதாக பழகவோ, அணுகவோ முடியவில்லையாம். காரணம், அவர் ஸ்டாலின் எடுக்கும் முடிவுகளைப் பற்றி வெளிப்படையாக கட்சிக்காரர்கள் முன்னிலையில் விமர்சித்து பேசியிருக்கிறார். மேலும், ஸ்டாலினுக்கு சுத்தமாக பிடிக்காத அவரது அண்ணன் அழகிரியோடு முல்லைவேந்தன் தொடர்பில் இருந்தாராம்.

இதெல்லாம் தெரியவந்ததால் கட்சியில் சேர்ந்த முல்லை வேந்தனை ஸ்டாலின் கண்டு கொள்ளவில்லை. இதனால், அதிருப்தியடைந்த முல்லைவேந்தன் அமைதியாக இருந்த நிலையில், தருமபுரி நாடாளுமன்றத் தொகுதி திமுக வேட்பாளராக டாக்டர் செந்தில்குமார் அறிவிக்கப்பட்டார். 18 தொகுதிகளுக்கு இடைத்தேர்தல் நடைபெறும் தொகுதியில் அரூர் சட்டமன்ற தொகுதியில் கிருஷ்ணகுமாரையும், பாப்பிரெட்டிப்பட்டி தொகுதிக்கு மணியும் திமுக சார்பில் வேட்பாளராக அறிவிக்கப்பட்டார்கள். ஆனால், பாப்பிரெட்டிப்பட்டி தொகுதியில் போட்டியிட விரும்பிய முல்லைவேந்தன் விருப்பமனு கூட கொடுக்க முடியாத அளவுக்கு கசப்பு வளர்ந்து சென்றது. கட்சியில் சீனியரான அவருக்கு தேர்தல் பொறுப்புகளிலும் அந்த பணியும் தரப்படவில்லை.

இந்நிலையில், தருமபுரி வந்த உதயநிதி, அதிருப்தியில் உள்ள முல்லைவேந்தன் கட்சி மாறப் போவதாக தகவல் கேள்விப்பட்டு, அவரை சமாதானம் செய்தார். உதயநிதி சொல்லி ஸ்டாலினும் முல்லைவேந்தனுடன் தொலைபேசியில் பேசியதாக தெரிகிறது. ஆனாலும், சமாதானம் அடையாத முல்லைவேந்தன், பாட்டாளி மக்கள் கட்சி வேட்பாளர் அன்புமணியைச் சந்தித்தார். அடுத்த சில மணி நேரங்களில் திமுகவில் இருந்து நீக்கப்பட்டார் முல்லைவேந்தன்.

முல்லை வேந்தன் கொங்குவேளாளர் சாதியைச் சேர்ந்தவர். தருமபுரி நாடாளுமன்ற தொகுதியில் வன்னியர்களுக்கு அடுத்த வாக்குவங்கியைக் கொண்ட இந்த சாதியினரிடம் முல்லைவேந்தனுக்கு ஓரளவுக்கு செல்வாக்கு உண்டு. முல்லை வேந்தன் பாமக பக்கம் சாய்ந்திருப்பது தருமபுரியில் அன்புமணிக்கு கூடுதல் பலத்தை தந்துள்ளது. இது திமுகவுக்கு பின்னடைவாக கருதப்படுகிறது.

தங்களுடன் தொகுதி பேரத்தில் ஈடுபட்டுக் கொண்டே அதிமுகவுடனும் பேரம் பேசிய பாமக தோற்க வேண்டும். குறிப்பாக அன்புமணி தருமபுரியில் தோற்க வேண்டும் என்று திமுக தீவிரமாக இருந்தது. அதனால்தான், ஸ்டாலின் தனது பிரச்சாரத்தில் பா.ம.க, மற்றும் ராமதாசை கடுமையாக விமர்சித்து வந்தார். இந்நிலையில், முல்லைவேந்தன் பாமகவுடன் போனது திமுகவுக்கு பலவீனம்தான் என்கிறார்கள்.


Speed News

  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST