தமிழக அரசியல் குழப்பம்.. ஆளுநர் பன்வாரிலால் திடீர் டெல்லி பயணம் ஏன்?

by Nagaraj, Jun 10, 2019, 11:24 AM IST

தமிழகத்தில் ஆளும் அதிமுகவில் உள்கட்சி மோதல் பகிரங்கமாக வெடித்துள்ள நிலையில், ஆளுநர் பன்வாரிலால் புரோஹித்தின் திடீர் டெல்லிப் பயணம் பல்வேறு யூகங்களை ஏற்படுத்தியுள்ளது.

முதல்வராக இருந்த ஜெயலலிதாவின் மரணத்திற்குப் பிறகு, அதிமுகவில் பல்வேறு குழப்பங்கள் ஏற்பட்டுவிட்டது. கட்சியையும், ஆட்சியையும் சசிகலா கைப்பற்ற முயல, தர்மயுத்தம் தொடங்கிய ஓபிஎஸ் தனி அணி அமைத்தார். சசிகலா வோ முதல்வராக முடியாமல் சிறைக்கு செல்ல, எடப்பாடி பழனிச்சாமி முதல்வராக்கப்பட்டார். பின்னர் சசிகலா, டிடிவி தினகரன் கூட்டத்தை ஓரம் கட்டி ஓபிஎஸ், இபிஎஸ் இணைந்தனர்.ஆட்சிக்கு எடப்பாடி, கட்சிக்கு ஓபிஎஸ் என்று தலைமை வகித்தாலும், இரு தரப்புமே இதுவரை தனித்தனி குரூப்பாகவே செயல்பட்டு வருவது அம்பலமாகி விட்டது.

இடையிடையே எத்தனை சோதனைகள் வந்தாலும், எப்படி,எப்படியோ சமாளித்து 2 வருடத்திற்கும் மேலாக ஆட்சியை தக்க வைத்து வருகின்றனர். அதிமுக ஆட்சி நீடிக்க, டெல்லி பாஜக தரப்பு முட்டுக் கொடுத்து வந்ததும் ஒரு காரணம்.

ஆனால், பாஜக, பாமக, தேமுதிக கட்சிகளுடன் கூட்டணி வைத்தும் மக்களவைப் பொதுத் தேர்தலில் அதிமுகவுக்கு ஏற்பட்ட படுதோல்வி அக் கட்சிக்குள் மீண்டும் ஒரு பிரளயத்தை ஏற்படுத்திவிட்டது என்றே கூறலாம்.

மத்திய அமைச்சரவையில் அதிமுகவுக்கு அமைச்சர் பதவி ஒதுக்கும் விஷயத்தில் ஓபிஎஸ், இபிஎஸ் இடையே மீண்டும் மோதல் வெடித்து விட்டதாக தெரிகிறது. தனது மகனுக்கு மந்திரி பதவி கேட்டு ஓபிஎஸ், டெல்லியில் தனி லாபி செய்ய, எடப்பாடி முட்டுக்கட்டை போட , இப்போது இருவருமே தனித்தனி ரூட்டில் பயணிக்க ஆரம்பித்துவிட்டனர் என்று கட்சியினரே புலம்பத் தொடங்கி விட்டனர்.

ஏனெனில் டெல்லியில், அதிமுக சார்பில் அமைச்சர் யார்? என்பதில் இரு தரப்புமே பிடிவாதம் காட்ட, யாருக்கும் அமைச்சர் பதவி இல்லை டெல்லி பாஜக கைவிரித்து விட்டது. இதனால் பிரதமர் மோடியின் அமைச்சரவை பதவியேற்பு பிடித்து வெறுங்கையுடன் திரும்பிய ஓபிஎஸ், இபிஎஸ் இருவருமே இப்போது ஒன்று சேராமல் பிரிந்துள்ளனர்.

பல் வலி என காரணம் காட்டி சென்னை வீட்டில் முடங்கிய எடப்பாடி, பின்னர் சேலம் விழாவுக்கு சென்றவர் அங்கேயே கேம்ப் அடித்துள்ளார்.

இதனைப் பயன்படுத்திக் கொண்டு, துணை முதல்வர் ஓ.பன்னீர்செல்வமோ, திடீர் விஸ்வரூபம் எடுத்தது போல் சென்னை தலைமைச் செயலகத்தில் அதிகாரிகள் ஆலோசனைக் கூட்டத்தை அடிக்கடி நடத்த ஆரம்பித்து விட்டார். இந்நிலையில் இவர்கள் இருவருன் தனித்தனி ௹ட்டால் ஏற்பட்ட அதிருப்தி தான் மதுரை எம்எல்ஏ ராசன்செல்லப்பாவின் போர்க்கொடிக்கு காரணம் என்றும் கூறப்படுகிறது. கட்சிக்கு ஒற்றைத் தலைமை வேண்டும் என்ற ராசன்செல்லப்பாவின் கோஷத்திற்கு குன்னம் எம்எல்ஏ ராமச்சந்திரன் ஒருவர் மட்டுமே இப்போதைக்கு ஆதரவுக் குரல் கொடுத்துள்ளார். ஒட்டு மொத்த அமைச்சர்களும் இப்போதைய எடப்பாடி ஆட்சிக்கும், கட்சிக்கும் எந்த ஆபத்தும் இல்லை என்று கூறினாலும், ஏதோ பூகம்பம் வெடிக்கப் போகிறது என்ற பதைபதைப்பில் உள்ளனராம்.

ராசன்செல்லப்பா, ராமச்சந்திரன் ஆகியோர் வரிசையில், அதிமுக தலைமைக்கு எதிராக மேலும் பல எம்எல்ஏக்கள் எந்த நேரத்திலும் போர்க் குரல் உயர்த்தலாம் என்ற தகவல்கள் கசிந்து வருகிறதாம்.இதனாலேயே அவசர, அவசரமாக எம்எல்ஏ ,எம்.பிக்கள், மாவட்டச் செயலாளர்கள் ஆலோசனைக் கூட்டத்தை 12-ந் தேதி அவசரமாக கூட்டியுள்ளதாகவும், இனிமேல் யாரும் பொதுவெளியில் பேசக் கூடாது என கட்டுப்பாட்டை விதித்துள்ளதாகவும் கூறப்படுகிறது.

அதிமுகவில் இப்படிப்பட்ட குழப்பங்கள் நிலவி வரும் சூழ்நிலையில் தான்,தமிழக கவர்னர் பன்வாரிலால் புரோஹித் இன்று காலை திடீரென டெல்லிக்கு பயணமாகியுள்ளார். டெல்லியில் இன்று பிற்பகல் உள்துறை அமைச்சர் அமித்ஷா வை சந்திக்கும் கவர்னர், பின்னர் பிரதமர் மோடியையும் சந்திக்க உள்ளதாக கூறப்படுகிறது. முன்னாள் பிரதமர்
ராஜீவ் காந்தி கொலை வழக்கில் குற்றம் சாட்டப்பட்டு சிறையில் இருக்கும் பேரறிவாளன் உள்பட 7 பேரின் விடுதலை விவகாரம் குறித்து கவர்னர் முக்கிய ஆலோசனை நடத்த உள்ளதாக கூறப்பட்டாலும், தமிழக அரசியல் நிலவரம் குறித்தும் டெல்லியில் கவர்னர் முக்கிய ஆலோசனை நடத்த உள்ளதாக தகவல்கள் வெளியாகி, தமிழக அரசியலில் பெரும் பரபரப்பு ஏற்பட்டுள்ளது.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Politics News