கோவாவில் நடந்தது அரசியல் விபச்சாரம்: காங்கிரஸ் காட்டம்

கோவாவில் இப்போது நடப்பது அரசியல் விபச்சாரம், இதைப் பற்றி நாம் பேசவே கூடாது என்று காங்கிரஸ் எம்எல்ஏ ரெஜினால்டோ கூறியுள்ளார்.

கோவாவில் முதலமைச்சர் பிரமோத் சாவந்த் தலைமையில் பாஜக ஆட்சி நடைபெற்று வருகிறது. இவருடைய அமைச்சரவையில் கோவா பார்வர்ட் கட்சித் தலைவர் விஜய் சர்தேசாய் துணை முதல்வராக இருந்தார். அந்த கட்சியின் மேலும் 2 எம்எல்ஏக்களும் அமைச்சர்களாக இருந்தனர். கடந்த சில தினங்களுக்கு முன்பு, எதிர்க்கட்சித் தலைவராகவும், காங்கிரஸ் எம்எல்ஏவாகவும் இருந்த சந்திரகாந்த் கவ்லேகர் தலைமையில் அக்கட்சியின் 10 எம்எல்ஏக்கள் பாஜகவில் இணைந்து விட்டனர். இதனால் பாஜக 27 எம்எல்ஏக்களுடன் மெஜாரிட்டி பலம் பெற்றுள்ளது.

இதைத் தொடர்ந்து, கோவா பார்வர்ட் கட்சியை கழட்டி விட பாஜக தீர்மானித்தது. அதன்படி, துணை முதல்வர் விஜய்சர்தேசாய் மற்றும் அக்கட்சியைச் சேர்ந்த வினோதா பலிங்கர், ஜெயஷே் சலோகர் ஆகியோரையும், சுயேச்சை உறுப்பினர் ரோகன் கவுந்தேவையும் அமைச்சர் பதவியில் இருந்து முதலமைச்சர் பிரமோத் சாவந்த் அதிரடியாக நீக்கி விட்டார்.

தற்போது இவர்களுக்கு பதிலாக, இதுவரை எதிர்க்கட்சித் தலைவராக இருந்து காங்கிரசில் இருந்து கட்சி தாவி வந்த சந்திரகாந்த் கவ்லேகர், அட்டானாசியோ பாபுஷ், பிலிப் நேரி ரோட்ரிக்ஸ் ஆகியோரையும், துணை சபாநாயகர் மைக்கேல் லோபோவையும் புதிய அமைச்சர்களாக சாவந்த் நியமித்துள்ளார். இந்த புதிய அமைச்சர்களின் பதவியேற்பு விழா, இன்று மாலை 3 மணியளவில் கோவா கவர்னர் மாளிகையில் நடைபெறவுள்ளது.

இதற்கிடையே, காங்கிரசை விட்டு விலகாத எம்எல்ஏ ரெஜினால்டோ, துணை முதல்வர் பதவியில் இருந்து நீக்கம் செய்யப்பட்ட கோவா பார்வர்ட் கட்சித் தலைவர் விஜய்சர்தேசாயை அவரது இல்லத்தில் நேற்று சந்தித்து பேசினார். பின்னர் அவர் கூறுகையில், ‘‘அரசியலில் இன்பம், துன்பத்திற்கு எதுவும் இல்லை. காங்கிரஸ் வழக்கமான பணிகளை மேற்கொள்கிறது. கோவாவில் இப்போது நடந்திருப்பது அரசியல் விபச்சாரம். இதைப் பற்றி பேசுவதே அசிங்கம்’’ என்று காட்டமாகக் கூறினார்.

தற்போது கோவா பார்வர்ட் கட்சியின் 3 எம்எல்ஏக்களும், சட்டசபையில் காங்கிரசின் 5 எம்எல்ஏக்களுடன் சேர்ந்து எதிர்க்கட்சி கூட்டணியாக செயல்படுவார்கள் எனத் தெரிகிறது.

கர்நாடக விவகாரம் : பாஜகவுக்கு எதிராக சோனியா காந்தி ஆர்ப்பாட்டம்

Get our website tamil news update in your mail inbox: Subscribe to The Subeditor - Tamil news website | RSS by Email

மேலும் செய்திகள்

make-a-policy-decision-on-hydro-carbon-stalin-told-edappadi-government
ஹைட்ரோ கார்பன் திட்ட அனுமதி; அரசு கொள்கை முடிவெடுக்க மு.க.ஸ்டாலின் வலியுறுத்தல்
After-TN-MPs-stalls-Rajya-sabha-proceedings-Central-govt-cancelled-the-Postal-exam-conducted-by-English-and-Hindi
தபால் துறை தேர்வு ரத்து: தமிழக எம்.பி.க்கள் அமளியைத் தொடர்ந்து மத்திய அரசு பணிந்தது
Give-me-names-by-evening-Upset-PM-Modi-on-absentee-BJP-ministers
அவைக்கு வராத அமைச்சர்கள்; கடும் கோபத்தில் பிரதமர் மோடி
amma-government-will-gone-aadi-wind-dmk-says-assembly
ஆடிக்காற்றில் அம்மாவின் ஆட்சி பறந்து போய் விடும்: திமுக
local-body-Election-not-conducted-central-govt-fund-not-allotted-to-TN-union-minister-Narendra-Singh-Tomar
'உள்ளாட்சி தேர்தலை நடத்தாவிட்டால் நிதி கிடையாது...!' மத்திய அமைச்சர் கறார்
Dropping-Tamil-from-Postal-exam-issue-admk-mps-stalls-Rajya-sabha-proceedings
தமிழுக்காக குரல் கொடுத்து அதிமுக எம்.பி.க்கள் அமளி ; ராஜ்யசபா இருமுறை ஒத்திவைப்பு
Karnataka-political-crisis-rebel-MLAs-may-skip-trust-vote-on-Thursday
கர்நாடகாவில் நம்பிக்கை ஓட்டெடுப்பு ; அதிருப்தி எம்எல்ஏக்கள் பங்கேற்பது சந்தேகம்
dmk-walks-out-in-assembly-on-the-issue-of-Centre-drops-Tamil-in-postal-jobs-test
அஞ்சல் தேர்வில் தமிழ் நீக்கம்; சட்டசபையில் காரசார விவாதம்
state-election-commission-seeks-4-more-months-to-conduct-local-body-election-in-supreme-court
உள்ளாட்சித் தேர்தல் நடக்குமா? தேர்தல் ஆணையம் புதிய மனு
Karnataka-political-crisis-BJP-wants-trust-vote-immediately-house-adjourned-till-tomorrow
குமாரசாமி அரசு இன்றே நம்பிக்கை வாக்கு கோரவேண்டும்; கர்நாடக சட்டப்பேரவையில் பாஜக அமளி - நாளை வரை ஒத்திவைப்பு

Tag Clouds