தினகரன் ஆதரவு எம்எல்ஏக்களுக்கு திமுக வக்காலத்து ... சபாநாயகருக்கு எதிராக உச்ச நீதிமன்றத்தில் வழக்கு

by Nagaraj, May 3, 2019, 11:42 AM IST

டிடிவி தினகரன் ஆதரவு எம்எல்ஏக்கள் 3 பேர் மீது சட்டப் பேரவை சபாநாயகர் நடவடிக்கை எடுக்க தடை விதிக்கக் கோரி திமுக சார்பில் உச்ச நீதிமன்றத்தில் அவசர வழக்கு தொடரப்பட்டுள்ளது. இந்த வழக்கில் திங்கட்கிழமை விசாரணை நடைபெறும் என்றும் அறிவிக்கப்பட்டுள்ளதால் 3 எம்எல்ஏக்கள் விவகாரத்தில் சூடு பிடித்துள்ளது.

22 சட்டப்பேரவைத் தேர்தல் முடிவுகள் பாதகமாக வந்து விட்டால் ஆட்சியைத் தக்க வைக்க பல அதிரடி வியூகங்களை வகுத்து வருகிறது அதிமுக அரசு .அதன் ஒரு கட்டமாக தினகரன் ஆதரவு எம்எல்ஏக்களாக உள்ள அறந்தாங்கி ரத்தினசாமி, கள்ளக்குறிச்சி பிரபு, விருத்தாச்சலம் கலைச்செல்வன் ஆகிய 3 எம்எல்ஏக்களுக்கு சபாநாயகர் மூலம் நெருக்கடி கொடுக்கப்பட்டு, விளக்கம் கேட்டு நோட்டீசும் அனுப்பப்பட்டுள்ளது. அதிமுக தரப்பின் சூழ்ச்சியை தெரிந்து கொண்ட திமுகவும் உஷாராகி, எம்எல்ஏக்களுக்கு நோட்டீஸ் கொடுத்த அன்றே, சபாநாயகர் மீது நம்பிக்கை இல்லாத் தீர்மானத்தை கொடுத்துவிட்டது திமுக தரப்பு.

நம்பிக்கை இல்லாத் தீர்மானம் நிலுவையில் இருக்கும் போது சபாநாயகர் தனது அதிகாரத்தை பயன்படுத்த முடியாது. 3 எம்எல்ஏக்கள் மீதும் நடவடிக்கை எடுக்க முடியாது என்பது திமுக போடும் கணக்கு . ஆனாலும் இதையெல்லாம் கணக்கில் கொள்லாமல், சபாநாயகர் தனது அதிகாரத்தை பயன்படுத்தப் போகிறார் என்ற தகவல் கிடைத்துள்ளதால், இன்று உச்சநீதிமன்றத்தில் திமுக தரப்பில் அவசர வழக்கு தொடரப்பட்டுள்ளது.

சபாநாயகர் மீது நம்பிக்கை இல்லாத் தீர்மானம் கொடுக்கப்பட்டுள்ளதால், 3 எம்எல்ஏக்கள் மீது நடவடிக்கை எடுக்கக் கூடாது என்பது மரபு. அவ்வாறு மரபுகளை மீறி சபாநாயகர் நடவடிக்கை முயன்றால் அதற்கு தடை விதிக்க வேண்டும் எனவும், இந்த வழக்கை அவசர வழக்காக விசாரிக்க வேண்டும் என்றும் திமுக தரப்பில் முறையிடப்பட்டது. இதை ஏற்றுக் கொண்ட உச்சநீதிமன்ற தலைமை நீதிபதி, வழக்கு விசாரணை வரும் திங்கட்கிழமை (6-ந்தேதி) நடைபெறும் என அறிவித்துள்ளார்.

ஏற்கனவே அதிமுக எம்எல்ஏக்கள் மீது நடவடிக்கை எடுத்தால் திமுக தரப்பு கொந்தளிப்பது ஏன்?, திமுகவுக்கும் அமமுகவுக்கும் இடையே உள்ள உறவு வெளிப்பட்டு விட்ட என்று முதல்வர் எடப்பாடி பழனிச்சாமி குற்றம் சாட்டி வருகிறார். இந்நிலையில் தினகரன் ஆதாவு எம்எல்ஏக்கள் மீது நடவடிக்கை கூடாது என வக்காலத்து வாங்கி திமுக தரப்பு உச்ச நீதிமன்றத்திற்கு சென்றுள்ள விவகாரம் தமிழக அரசியலில் மேலும் விறு விறுப்பை அதிகரிக்கச் செய்துள்ளது.

30 திமுக எம்.எல்.ஏ-க்களை திருப்பிய அந்த 6 பேர்..! அடுத்த நோட்டீஸ் தமிமுன் அன்சாரிக்கு..!


Speed News

  • சென்னை ராயபுரத்தில்

    3717 பேருக்கு கொரோனா

    தமிழகத்தில் சென்னையில்தான் அதிக அளவில் கொரோனா பாதிப்பு ஏற்பட்டுள்ளது. குறிப்பாக, ராயபுரம் மண்டலத்தில் அதிக அளவாக 3,717 பேருக்கு கொரோனா உறுதி செய்யப்பட்டுள்ளது. அடுத்து, தண்டையார்பேட்டை 2,646, தேனாம்பேட்டை 2,374, கோடம்பாக்கம் 2,323, திரு.வி.க. நகர் 2,073, அண்ணாநகர் 1,864, அடையாறு 1,153, வளசரவாக்கம் 1,043 பேருக்கும்  கொரோனா பாதிப்பு கண்டறியப்பட்டுள்ளது.


     
    Jun 7, 2020, 13:30 PM IST
  • ஜெ.அன்பழகன் உடல்நிலையில்

    ஓரளவு முன்னேற்றம்..

    திமுக மாவட்டச் செயலாளரும், எம்.எல்.ஏ.வுமான ஜெ.அன்பழகனுக்கு கடந்த 2ம் தேதி திடீரென உடல்நலக் குறைவு ஏற்பட்டது. அவர் ரேலா மருத்துவமனையில் சேர்க்கப்பட்டார். அவருக்கு கொரோனா பரிசோதனை செய்ததில், அந்த நோய் பாதிப்பு கண்டறியப்பட்டது. 

    இந்நிலையில், அவருக்கு மூச்சுத்திணறல் ஏற்பட்டதால் வென்டிலேட்டர் பொருத்தப்பட்டது. ஆரம்பத்தில் 80 சதவீதம் வென்டிலேட்டர் உதவியால் மூச்சு விட்ட அன்பழகன், நேற்று 67 சதவீத வென்டிலேட்டர் உதவியுடன் சுவாசித்தார். இந்நிலையில், அவருக்கு சுவாசிப்பதற்கு வெறும் 29 சதவீத அளவே வென்டிலேட்டர் உதவி தேவைப்படுவதாகவும், அவரது உடல்நிலையில் ஓரளவு முன்னேற்றம் ஏற்பட்டுள்ளதாகவும் மருத்துவமனை நிர்வாகம் இன்று தெரிவித்துள்ளது. 

    Jun 7, 2020, 13:24 PM IST
  • மகாராஷ்டிராவில் 
    82,968 பேருக்கு கொரோனா..
     
    மகாராஷ்டிராவில் இது வரை 82,968 பேருக்கு கொரோனா தொற்று உறுதியாகி உள்ளது. இதில், 37,390 பேர் குணம் அடைந்துள்ளனர். கொரோனா பாதிப்புக்கு பலியானவர் எண்ணிக்கை 2,969 ஆக அதிகரித்துள்ளது. நாட்டில் கொரோனா பாதிப்பு மற்றும் பலி எண்ணிக்கையில் மகாராஷ்டிராவே முதல் இடத்தில் உள்ளது.
     
     
    Jun 7, 2020, 13:21 PM IST
  • டெல்லியில் நாளை

    ஓட்டல், கோயில்கள் திறப்பு

    டெல்லியில் நாளை முதல் ஓட்டல்கள், கோயில்கள், வணிக வளாகங்கள் திறக்கப்படும் எ்னறு முதல்வர் அரவிந்த் கெஜ்ரிவால் தெரிவித்துள்ளார். டெல்லியில் கொரோனா ஊரடங்கு கட்டுப்பாடுகள் கடந்த மாதமே தளர்த்தப்பட்டாலும், வெளி மாநிலங்களில் இருந்து இ-பாஸ் பெற்ற வாகனங்கள் மட்டுமே அனுமதிக்கப்பட்டு வந்தன. நாளை முதல் இந்த கட்டுப்பாடும் நீக்கப்படுகிறது. 

    டெல்லியில் கொரோனா பரவல் இன்னும் குறையவில்லை. இது வரை 27,654 பேருக்கு கொரோனா தொற்று பரவியுள்ளது. எனினும், நாளை முதல் டெல்லி இயல்பு வாழ்க்கைக்கு திரும்புகிறது. 

    Jun 7, 2020, 13:17 PM IST
  • டெல்லி குடிகாரர்களுக்கு

    ஒரு நல்ல செய்தி..

    டெல்லியில் கடந்த மாதம் கொரோனா ஊரடங்கு கட்டுப்பாடுகள் தளர்த்தப்பட்ட போது, மதுபானக் கடைகள் திறக்கப்பட்டன. அப்போது மதுபானங்கள் மீது அதிகபட்ச சில்லரை விற்பனை விலையில்(எம்.ஆர்.பி), 70 சதவீதம் கூடுதல் வரி விதிக்கப்பட்டது. கொரோனா தடுப்பு பணிக்கு நிதி சேர்ப்பதற்காக இந்த ‘கொரோனா வரி’ விதிக்கப்பட்டது.

    இந்நிலையில்,  வரும் 10ம் தேதி முதல் இந்த கொரோனா வரி வாபஸ் பெறப்படும் என்று டெல்லி முதல்வர் அரவிந்த் கெஜ்ரிவால் அறிவித்துள்ளார். 

    Jun 7, 2020, 13:10 PM IST