நீட் தேர்வு ஆள்மாறாட்ட வழக்கு.. சி.பி.ஐ. விசாரணைக்கு மாற்றம்?

by எஸ். எம். கணபதி, Oct 2, 2019, 09:18 AM IST

நீட் தேர்வில் ஆள்மாறாட்டம் செய்த மோசடியில் ஏராளமான மாணவர்கள் ஈடுபட்டிருப்பதாலும், பல மாநிலங்களில் விசாரணை நடத்த வேண்டியுள்ளதாலும் வழக்கை சி.பி.ஐ. விசாரணைக்கு மாற்ற தமிழக அரசு யோசித்து வருகிறது.

சென்னை அரசு ஸ்டான்லி மருத்துவமனையில் பணியாற்றி வந்த டாக்டர் வெங்கடேசன் என்பவரின் மகன் உதித் சூர்யா, தேனி மருத்துவக் கல்லூரியில் முதலாமாண்டு எம்.பி.பி.எஸ் சேர்ந்துள்ளார். இவர் மருத்துவப் படிப்புக்கான நீட் தேர்வில் ஆள் மாறாட்டம் செய்து தேர்ச்சி பெற்றிருப்பது கண்டுபிடிக்கப்பட்டது. இதையடுத்து, கல்லூரி முதல்வர் ராஜேந்திரன் புகாரின் பேரில் வழக்கு பதிவு செய்யப்பட்டது. இதன்பின், நீட் தேர்வில் மேலும் பலரும் ஆள் மாறாட்டம் செய்து மருத்துவக் கல்லூரிகளில் சேர்ந்திருப்பது தெரிய வந்தது.

இதனால், வழக்கு சி.பி.சி.ஐ.டி போலீஸ் விசாரணைக்கு மாற்றப்பட்டது. தற்போது, சி.பி.சி.ஐ.டி. டி.ஜி.பி. ஜாபர்சேட்டின் நேரடி மேற்பார்வையில், தேனி மாவட்ட சி.பி.சி.ஐ.டி. போலீசார் இந்த வழக்கை விசாரித்து வருகிறார்கள். இது வரை மாணவர் உதித்சூர்யா, அவரது தந்தை வெங்கடேசன். மாணவர் பிரவீன், அவரது தந்தை சரவணன். மாணவர் ராகுல், அவரது தந்தை ஜெகதீஷ். மாணவர் இர்பான், அவரது தந்தை முகம்மது சபி ஆகியோர் கைது செய்யப்பட்டு சிறையில் அடைக்கப்பட்டுள்ளனர். மாணவி அபிராமி, அவரது தந்தை மாதவன் ஆகியோர் ஜாமீனில் விடுவிக்கப்பட்டுள்ளனர்.

மேலும், சிபிசிஐடி போலீசாரால் தேடப்பட்ட மாணவன் இர்பான் நேற்று சேலம் கோர்ட்டில் சரணடைந்தார் அவரை வருகிற 9ம் தேதி வரை சிறையில் அடைக்க சேலம் 2வது நடுவர் நீதிமன்ற நீதிபதி சிவா உத்தரவிட்டார். இதன்படி அவர் சேலம் சிறையில் அடைக்கப்பட்டார். அவரை காவலில் எடுத்து விசாரிக்க சிபிசிஐடி போலீசார் திட்டமிட்டுள்ளனர்

இர்பானின் தந்தை முகமது சபி இந்த ஆள் மாறாட்ட மோசடியில் மூளையாக செயல்பட்டுள்ளார். அவர் மூலம்தான் நீட் ஆள்மாறாட்ட புரோக்கர்கள், மாணவர்களை பிடித்துள்ளனர். முகமது சபி தெரிவித்த தகவலின்படி, திருப்பத்தூரை சேர்ந்த கோவிந்தராஜ் என்ற புரோக்கர் நேற்று(அக்.1) கைது செய்யப்பட்டார். மேலும், வேதாச்சலம், முகமது ரஷீத் என்ற 2 புரோக்கர்களை போலீசார் வலைவீசி தேடி வருகின்றனர்.

இந்தநிலையில், நீட் தேர்வு முறைகேட்டில் மேலும் 25 மாணவர்கள் சம்பந்தப்பட்டிருப்பதாக அதிர்ச்சி தகவல் சி.பி.சி.ஐ.டி. போலீசாருக்கு கிடைத்துள்ளது. சென்னை கிழக்கு கடற்கரை சாலையில் உள்ள மருத்துவக்கல்லூரியின் அங்கீகாரத்தை அகில இந்திய மருத்துவக் கவுன்சில் ரத்து செய்து விட்டது. அந்தக் கல்லூரியில் நிர்வாக ஒதுக்கீட்டில் படித்த 30 மாணவர்கள் வேறு எந்த கல்லூரியிலும் சேர்க்கப்படவில்லை. அவர்கள்தான் நீட் தேர்வில் ஆள் மாறாட்ட மோசடியில் ஈடுபட்டிருப்பதாக தெரிய வந்துள்ளது. மேலும், பல மாநிலங்களில் இந்த நீட் தேர்வு ஆள்மாறாட்ட மோசடி நடைபெற்றுள்ளது என்றும், மோடியில் ஈடுபட்டவர்கள் நெட்வொர்க் அமைத்து முறைகேடு செய்துள்ளனர் என்பதும் சி.பி.சி.ஐ.டி விசாரணையில் தெரிய வந்துள்ளது. அதாவது, ஆள் மாறாட்டம் செய்பவர்கள் நீட் தேர்வில் அதிக மதிப்பெண் பெற்று கொடுத்தால், அதற்கேற்ப அவர்களுக்கு லட்சக்கணக்கில் பணம் தரப்பட்டிருக்கிறது. முறைகேட்டில் சம்பந்தப்பட்ட ஒவ்வொரு மாணவரும் ஒரு கோடிக்கும் மேல் பணம் கொடுத்துள்ளனர். நீட் தேர்வில் பங்குபெறும் மாணவர்கள் எந்த மாநிலத்திலும் தேர்வு எழுதலாம் என்ற விதியை பயன்படுத்தி இந்த முறைகேடு அரங்கேற்றப்பட்டுள்ளது.

இந்த ஆள் மாறாட்ட மோசடிக்கு ஓய்வு பெற்ற ஐ.ஏ.எஸ். அதிகாரி ஒருவரும் உடந்தையாக இருந்துள்ளதாக போலீசாரின் விசாரணையில் தெரியவந்துள்ளது. மேலும், இந்த மோசடி வழக்கில் பல மாநிலங்களில் விசாரணை நடத்த வேண்டியுள்ளதால், வழக்கை சி.பி.ஐ. விசாரணைக்கு மாற்றலாமா என்று தமிழக அரசு பரிசீலித்து வருகிறது. விரைவில் இது தொடர்பான உத்தரவு வெளியாகும் என்று எதிர்பார்க்கப்படுகிறது.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST