எடப்பாடியால் ஓரங்கட்டப்பட்ட செங்கோட்டையன்..

by எஸ். எம். கணபதி, Dec 4, 2019, 13:40 PM IST

அதிமுக கட்சியிலும், ஆட்சியிலும் கல்வி அமைச்சர் செங்கோட்டையனை, எடப்பாடி மற்றும் ஓ.பி.எஸ். அணிகள் ஓரம்கட்டி வைத்துள்ளன.

தமிழகத்தில் ஆளும் அதிமுக கட்சியிலும், அமைச்சரவையிலும் முக்கியமான சீனியர்களில் ஒருவர் பள்ளிக் கல்வித் துறை அமைச்சர் செங்கோட்டையன். ஆனால், இப்போது அவரது நிலைமை நாளுக்கு நாள் பரிதாபமாக மாறி வருகிறது.

பள்ளிக் கல்வித் துறையின் முதன்மை செயலாளராக பிரதீப் யாதவ் பொறுப்பேற்றது முதல் அவருக்கும், அமைச்சருக்கும் ஏழாம் பொருத்தம்தான். ஆசிரியர் பணியிட மாறுதல் கலந்தாய்வில் துவங்கி, 5, 8ம் வகுப்புகளுக்கு பொதுத் தேர்வு நடத்துவது வரை இரண்டு பேரும் வெவ்வேறு நிலைப்பாட்டில் இருப்பதால், கல்வித் துறை அதிகாரிகள் படும்பாடு சொல்லி மாளாது.

சமீபத்தில் ஆசிரியர் பணியிட மாறுதல் கலந்தாய்வு நடைபெற்றது. அதில் அனைத்து காலி பணியிடங்களையும் வெளிப்படையாக காட்டி நடத்தினர். எதிர்க்கட்சியான திமுகவுக்கு ஆதரவான சில ஆசிரியர் சங்க தலைவர்கள் கூட அதற்்கு வரவேற்பு தெரிவித்தனர். அதேசமயம், கட்சிக்காரர்கள் கேட்கும் இடமாறுதலை செய்து தர முடியாமல் அமைச்சர் செங்கோட்டையன் திணறினார். கலந்தாய்வுக்கு பின்னர், காலியாக உள்ள இடங்களிலாவது கட்சியினர் கேட்கும் மாறுதல்களை செய்யுமாறு அமைச்சர் கூறியிருக்கிறார். ஆனால் செயலாளர் பிரதீப் யாதவோ, முடியாது என்று ஒற்றைக்காலில் நிற்கிராராம்.

அமைச்சர் மற்றும் செயலர் இடையே ஏற்பட்ட விரிசல் நாளுக்கு நாள் அதிகமாகி வருகிறது. இதை வெளிப்படுத்தும் விதத்தில் ஒரு சம்பவம் சமீபத்தில் அரங்கேறியது. சென்னையில் அரசு பள்ளி மாணவர்களுக்கு ஆங்கில பேச்சு பயிற்சிக்கான புத்தகம் வெளியிடப்பட்டது. இதை வெளியிட்ட அமைச்சர் செங்கோட்டையன், தொடர்ந்து செய்தியாளர்களுக்கு பேட்டியளித்தார்.

அப்போது அவர், 5, 8ம் வகுப்பு மாணவர்களுக்கு பொதுத் தேர்வு நடத்துவது அவசியமில்லை என்ற ரீதியில் பதிலளித்து கொண்டிருந்தார். உடனே டென்ஷனாகி விட்ட பிரதீப் யாதவ், 5, 8ம் வகுப்பு மாணவர்களுக்கு பொதுத் தேர்வு நடத்தப்பட வேண்டும் என்பதுதான் எனது நிலைப்பாடு. அதற்கு பிறகு உங்கள் இஷ்டம் என்று செய்தியாளர்கள் முன்பாகவே ஓங்கிப் பேசினார். இதனால், என்ன பேசுவதென்றே தெரியாமல் விழிபிதுங்கினார் அமைச்சர்.

இது பற்றி அதிகாரி ஒருவர் கூறுகையில், அமைச்சரை ஆளும்கட்சி ஒரம்கட்டி வைத்திருக்கிறது. சமீபத்தில் நடந்த தேர்தல் பேச்சுவார்த்தைகள் உள்பட கட்சியின் முக்கிய நிகழ்வுகள் எதிலுமே இவருக்கு எந்த பங்கும் கொடுக்கப்படவில்லை. அரசு நிகழ்ச்சிகளிலும் அப்படித்தான். கோட்டையிலும் முக்கியத்துவம் கொடுப்பதில்லை. அதனால்தான், அவரது துறை செயலாளரே அவருக்கு கட்டுப்படுவதில்லை.

1991ம் ஆண்டில் ஜெயலலிதா அமைச்சரவையில் முக்கியமான அமைச்சராக வலம் வந்த இவர் தற்போது டம்மி அமைச்சராகவே இருக்கிறார். இதற்கு காரணம், இவர் இன்னமும் சசிகலா விசுவாசியாக இருக்கலாமோ என்ற சந்தேகம் சி.எம், துணை முதல்வர் டீமுக்கு இருக்கிறது. அதனால், இரண்டு அணிகளுமே இவரை ஓரம்கட்டி விட்டார்கள் என்றார்.


Leave a reply

Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST

More Tamilnadu News