`நான் மட்டும் என்னத்துக்கு இங்க இருக்கணும்? -ஹெச்.ராஜா தொல்லையால் கதறும் பாஜக தலைமை

by Sasitharan, Jul 30, 2020, 14:02 PM IST

OBC இட ஒதுக்கீடு குறித்து சமீபத்தில் சென்னை உயர் நீதிமன்றம் தீர்ப்பளித்தது. மத்திய அரசு உடனே இட ஒதுக்கீட்டை அமல்படுத்த வேண்டும் என அத்தீர்ப்பில் குறிப்பிடப்பட்டது. மத்திய அரசுக்கு எதிராகப் பார்க்கப்படும் இந்தத் தீர்ப்பை அதிமுக, திமுக போன்ற கட்சிகள் வரவேற்றும், வரலாற்றுச் சிறப்புமிக்க இந்தத் தீர்ப்பு தங்களால் தான் கிடைத்தது முழங்கிவருகின்றனர்.இந்நிலையில் தான் இந்தத் தீர்ப்பை வரவேற்றுப் பேசினார் பாஜக செய்தித்தொடர்பாளர் நாராயணன்.

மேலும் ``கல்விக் கொள்கையில் உள்ளவைகள் பொதுவானது.பாடத்திட்டங்கள் உள்ளிட்ட விஷயங்களில் மாநில அரசுகள் தான் முடிவெடுக்க வேண்டும். இந்த வருடம் முதல் ஆயிரக்கணக்கான கேந்திர வித்யாலயா பள்ளிகளில் ஒன்றாம் வகுப்பிலிருந்தே ஓ பி சி இட ஒதுக்கீடு அளித்திருக்கிறோம். தனியார் பங்களிப்பு கூடாது என்று சொல்லும் தமிழக அரசியல்வாதிகள், தனியாரிடம் கல்வியைக் கொடுத்து எத்துணையோ வருடங்களாகி விட்டது. முற்போக்கு , பிற்போக்கு என்றால் என்ன?. உயர் நீதிமன்றத்தில் ஓ பி சி இட ஒதுக்கீடு குறித்த வழக்கில் மத்திய அரசின் நிலைப்பாட்டின் அடிப்படையிலேயே தீர்ப்பு அளிக்கப்பட்டுள்ளது. இது வரை பொய் சொல்லி மக்களை ஏமாற்றிக் கொண்டிருந்தன எதிர்க் கட்சிகள். மோசடியான சதிச் செயல்." என்று விவாதங்களில் பங்கேற்றுப் பேசினார்.

ஆனால் நாராயணனின் பேச்சை பாஜகவின் மற்ற நிர்வாகிகள் ரசிக்கவில்லை எனப் பேச்சு அடிபடத் தொடங்கியுள்ளது. காரணம், மத்திய அரசை எதிர்த்துத் தான் தமிழக அரசு, தமிழக அரசியல் கட்சிகள் இந்த வழக்கைத் தொடுத்தன. இந்த தீர்ப்பே மத்திய அரசுக்கு எதிராகத் தான் பார்க்கின்றனர் தமிழக அரசியல்வாதிகள். தேர்தல் வரவுள்ள சூழ்நிலையில் இந்த தீர்ப்பை மத்திய அரசுக்கு எதிராகத் திருப்பி OBC பிரிவு மக்களை பாஜகவுக்கு எதிராகத் திசைத் திருப்பும் முயற்சியாகத் தான் ஆளும் அதிமுக உட்படத் தமிழக கட்சிகள் செயல்படத் துவங்கியுள்ளன. இப்படிப்பட்ட நிலையில், நாராயணன் தீர்ப்பை வரவேற்றுப் பேசியிருப்பது புகைச்சலை ஏற்படுத்தியிருக்கிறது" என்கின்றன கமலாலய வட்டாரங்கள்.

இதனால் நாராயணனுக்கு, அக்கட்சியில் கடுமையான எதிர்ப்பு கிளம்பியிருக்கிறது. இதைத் தொடர்ந்து அரசகுமார் பாணியில் அவர் திமுகவில் இணையப் போகிறார் என்று கமலாலயத்தில் பரபரப்பாகப் பேசப்படுகிறது. சமீபத்தில்தான் வேதாரண்யம் முன்னாள் எம்.எல்.ஏ வேதரத்தினம், கடந்த வாரம் திமுகவில் இணைந்தார். பாஜக துணைத்தலைவர் நயினார் நாகேந்திரனும் திமுகவில் இணைய விருப்பம் தெரிவித்து அதற்கான தேதி குறித்து வருகிறாராம். இப்படி பாஜக கூடாரம் அடுத்தடுத்து காலியாகிக் கொண்டிருப்பதால் அதிர்ச்சியின் உச்சத்தில் உறைந்துபோயிருக்கிறாராம் அக்கட்சியின் மாநிலத் தலைவர் எல்.முருகன். அடுத்தடுத்து ஏன் இத்தனை பேர் விலகுகிறார்கள் என்று முருகன் விசாரணை நடத்தியிருக்கிறார். அதில், பெரும்பாலானோர் ஹெச்.ராஜாவின் தொல்லை தாங்க முடியாமலே கட்சி தாவிவருவதாக தெரிய வந்திருக்கிறது. இதனால், நான் மட்டும் என்னத்துக்கு இங்கே இருக்கணும்? என்று முருகன் புலம்பி வருகிறாராம்.


Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More Tamilnadu News