நீதித்துறையில் சீர்கேடுகள்.. தானே சுட்டுக் கொண்ட நீதிபதி.. தாய்லாந்தில் பரபரப்பு சம்பவம்

by எஸ். எம். கணபதி, Oct 6, 2019, 08:52 AM IST

தாய்லாந்து நாட்டில் ஒரு நீதிபதி தீர்ப்பு கூறியதும் தன்னைத் தானே சுட்டுக் கொண்டது பெரும் பரபரப்பை ஏற்படுத்தியது. சிகிச்சைக்குப் பின், அந்த நீதிபதி பிழைத்து கொண்டார்.

தாய்லாந்தில் பணக்காரர்களும், அரசியல் செல்வாக்கு உள்ளவர்களும் பெரிய குற்றத்தில் ஈடுபட்டாலும் தப்பி விடுகிறார்கள். ஆனால், சாதாரண மக்கள் சிறிய குற்றத்தில் ஈடுபட்டாலும் கடும் தண்டனைக்கு உள்ளாகிறார்கள் என்று மக்களிடையே பேசப்படுகிறது. (பல நாடுகளில் இப்படித்தான்) இந்நிலையில், நீதித்துறையின் சீர்கேடுகளை சுட்டிக் காட்டி நீதிமன்றத்திற்குள்ளேயே ஒரு நீதிபதி தன்னைத் தானே சுட்டுக் கொண்டார்.

தெற்கு தாய்லாந்தில் யாலா நீதிமன்றத்தில் நீதிபதி கானகோர்ன் பியான்சனா ஒரு வழக்கில் நேற்று தீர்ப்பு கூறினார்.

துப்பாக்கியால் சுட்டு கொலை செய்யப்பட்டது தொடர்பான வழக்கில் 5 முஸ்லிம் இளைஞர்கள் மீது குற்றம்சாட்டப்பட்டிருந்தது. அவர்களை விடுதலை செய்து நீதிபதி பியான்சனா தீர்ப்பு கூறினார். அப்போது அவர் கூறுகையில், நீதித்துறையின் சீர்கேடுகளை களைந்து சுத்தப்படுத்த வேண்டும்.

ஒவ்வொரு வழக்கிலும் வெளிப்படையாக விசாரணை நடத்தி, நம்பக் கூடிய ஆதாரங்களை கொண்டு வர வேண்டும். நீங்கள்(விசாரணை ஏஜென்சி) ஒரு வழக்கில் உறுதியாக இல்லாவிட்டால், யாரையும் தண்டிக்காதீர்கள். இந்த வழக்கில் 5 பேரும் குற்றமே புரியவில்லை என்று நான் சொல்ல மாட்டேன். அவர்கள் செய்திருக்கலாம். ஆனால், விசாரணை என்பது வெளிப்படையாகவும், நம்பக் கூடியதாகவும் இருக்க வேண்டும். இல்லாவிட்டால், அவர்களை பலியாடுகளாக ஆக்க வேண்டியிருக்கும் என்று குறிப்பிட்டார்.

நீதித்துறையின் சீர்கேடுகளை சுட்டிக் காட்டிய நீதிபதி பியான்சனா, தாய்லாந்து அரசரின் படத்திற்கு முன்பாக நின்று சட்டத்தைக் காப்பதாக உறுதி ஏற்றார். பிறகு துப்பாக்கியால் தன்னை தானே சுட்டுக் கொண்டார். அவர் தீர்ப்பு கூறும் காட்சிகள் வரை அவரது மொபைல் மூலம் பேஸ்புக்கில் நேரலையாக காட்டினார்.

துப்பாக்கிச் சூட்டை பார்த்ததும் அனைவரும் ஓடி வந்து அவரை தூக்கிச் சென்று மருத்துவமனையில் சேர்த்தனர். அங்கு அவருக்கு சிகிச்சை அளிக்கப்பட்டதில் உயிர் பிழைத்து கொண்டார். அந்த வழக்கில் விடுவிக்கப்பட்ட 5 பேருக்கு எதிராக அரசு தரப்பு மேல்முறையீடு செய்கிறதா என்பதை உறுதி செய்த பின்புதான் விடுதலை செய்யப்படுவார்கள் என்று அரசு தரப்பு வழக்கறிஞர் தெரிவித்தார்.


Speed News

  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST