அலுவலக ஊழியருடன் செக்ஸ்.. யு.எஸ். பெண் எம்பி ராஜினாமா..

by எஸ். எம். கணபதி, Oct 28, 2019, 11:59 AM IST

நாடாளுமன்ற ஊழியருடன் செக்ஸ் வைத்து கொண்டதாக புகார் எழுந்ததால், அமெரிக்க பெண் எம்.பி. பதவியை ராஜினாமா செய்தார்.

அமெரிக்காவில் மக்கள் தாங்கள் என்ன தவறு செய்தாலும் சரி, தங்களை ஆள்பவர்கள் தவறு செய்யக் கூடாது என்று எண்ணுபவர்கள். குறிப்பாக, அதிபர் முதல் சாதாரண கவுன்சிலர் வரை புகார்களில் சிக்கினால் கடுமையாக விமர்சிப்பார்கள். அதிலும் செக்ஸ் புகார் என்றால் விட மாட்டார்கள்.

தற்போது கலிபோர்னியாவில் ஒரு பெண் எம்.பி. மீது செக்ஸ் புகார் வந்துள்ளது. பிரதிநிதிகள் சபையின் ஜனநாயக கட்சி உறுப்பினரான காட்டீ கில், நாடாளுமன்ற(காங்கிரஸ்) ஊழியருடன் செக்ஸ் வைத்து கொண்டிருப்பதாக புகார்கள் எழுந்தன. அமெரிக்க நாடாளுமன்ற உறுப்பினர்களுக்கு பல நன்னடத்தை நெறிமுறைகள் உள்ளது. இந்த விதிகளை மீறினால் அவர்கள் மீது நடவடிக்கை எடுக்கப்படும். காட்டீ கில் மீது எழுந்துள்ள செக்ஸ் புகார்கள் குறித்து விசாரணைக்கு நாடாளுமன்ற நெறிமுறைகள் கமிட்டி உத்தரவிட்டது. இது டொனால்ட் டிரம்பின் குடியரசு கட்சியினருக்கு எதிர்ப்பு பிரசாரம் செய்வதற்கு வசதியாக போய் விட்டது.

இந்நிலையில், காட்டீ கில் தனது பதவியை ராஜினாமா செய்வதாக நேற்று (அக்.27) ட்விட்டர் பக்கத்தில் தெரிவித்துள்ளார். மேலும், தனது ராஜினாமா கடிதத்தையும் இணைத்துள்ளார். அதில், நான் கனத்த இதயத்துடன் எனது எம்.பி. பதவியை ராஜினாமா செய்கிறேன். இது வரை நான் செய்திராத மிகவும் மனத்துயரத்தை அளிக்கும் காரியம் இது. ஆனால் எனது செயல், தொகுதி மக்களுக்கும், சமுதாயத்திற்கும், இந்த நாட்டிற்கும் நன்மை செய்யும் என்று நம்புகிறேன்.

எதிர்க்கட்சியினர் (குடியரசு கட்சி) மோசமான பிரச்சாரம் செய்வதற்கு வாய்ப்பு அளிக்காமலும், எனக்கு வாக்களித்த நல்ல மனிதர்களின் மனதை நோகடிக்காமலும் இருப்பதற்காக நான் எனது பதவியை ராஜினாமா செய்கிறேன் என்று கூறியிருக்கிறார்.

இந்த ராஜினாமா விவகாரம், அமெரிக்க நாடாளுமன்ற அரசியலில் பரபரப்பை ஏற்படுத்தியுள்ளது. மேலும், ட்விட்டரில் ஆதரவு மற்றும் எதிர்ப்பு கமென்ட்ஸ் வைரலாகி வருகிறது. அதில் டொனால்டு டிரம்ப் மீது இல்லாத செக்ஸ் குற்றச்சாட்டுகளா? என்றும் பலர் கேட்டிருக்கிறார்கள்.


Leave a reply

Speed News

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

  • டெல்லி, மும்பை, சென்னையில் கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More World News