இங்கிலாந்தின் கொடுமை.. பிரதமருக்கும், சுகாதாரச் செயலருக்கும் கொரோனா தொற்று பாதிப்பு..

by எஸ். எம். கணபதி, Mar 28, 2020, 10:12 AM IST
இங்கிலாந்தில் பிரதமர் போரிஸ் ஜான்சன் மற்றும் சுகாதாரத் துறை செயலாளர் மேட் ஹான்காக் ஆகியோருக்கும் கொரோனா நோய்த் தொற்று பாதித்துள்ளது.
சீனாவில் தோன்றி உலகை ஆட்டிப்படைக்கும் கொரோனா வைரஸ், இங்கிலாந்திலும் ஆயிரத்திற்கும் மேற்பட்டோருக்குத் தொற்றியுள்ளது. இங்கிலாந்து இளவரசர் சார்லஸ் ஏற்கனவே பரிசோதனை செய்த போது அவருக்கு கொரோனா தொற்று பாதிக்கவில்லை என்று கூறப்பட்டது. கடந்த 2 நாட்களுக்கு முன்பு, மீண்டும் சார்லிக்குச் சோதனை செய்யப்பட்டதில் அவருக்கு கொரோனா தொற்று உறுதி செய்யப்பட்டிருக்கிறது.
இந்நிலையில், இளவரசர் சார்லசை தொடர்ந்து பிரதமர் போரிஸ் ஜான்சனுக்கும் கொரோனா வைரஸ் பாதித்திருப்பது உறுதியானது.
அவர் தனது டிவிட்டர் பக்கத்தில் ஒரு வீடியோ வெளியிட்டார். அதில் அவர் கூறியிருப்பதாவது :எனக்கு கொரோனா வைரஸ் பாதிப்புக்கான லேசான அறிகுறி காணப்பட்டதால், தலைமை மருத்துவ அதிகாரியான பேராசிரியர் கிறிஸ்விட்டி என்னைப் பரிசோதனை செய்ய ஆலோசனை கூறினார். அதன்படி, பரிசோதனை செய்து கொண்டதில் எனக்கு கொரோனா வைரஸ் இருப்பது உறுதி செய்யப்பட்டுள்ளது. எனவே வீட்டிலேயே நான் என்னைத் தனிமைப்படுத்திக் கொண்டு, வேலைகளைத் தொடர்ந்து செய்வேன்.என்னால் வீட்டிலிருந்தபடியே நன்கு செயல்பட முடியும். நவீனத் தொழில்நுட்ப உதவிகளின் மூலம் நான் சிறப்பாகச் செயல்படமுடியும். கொரோனா வைரசுக்கு எதிராகப் போராடுவதில் அரசு குழுவை வழி நடத்திச் செல்வேன்.
இவ்வாறு அதில் அவர் கூறியிருந்தார்.
இதைத் தொடர்ந்து, அந்நாட்டின் சுகாதாரத் துறை செயலாளர் மேட் ஹான்காக்கிற்கும் கொரோனா நோய்த் தொற்று பாதித்திருப்பது உறுதியானது.


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST