யூடியூப் டிரெண்டிங்கில் முதலிடம் பிடித்த ஜிப்ஸி டிரைலர்!

ராஜூ முருகன் இயக்கத்தில் ஜீவா நடிப்பில் உருவாகியுள்ள ஜிப்ஸி படத்தின் பாடல்கள் மற்றும் டிரைலர் நேற்று வெளியாகின. இந்நிலையில், தற்போது யூடியூப் டிரெண்டிங்கில் ஜிப்ஸி டிரைலர் முதலிடத்தை பிடித்துள்ளது.

ஜீவா நடிப்பில் சமீபத்தில் வெளியான கீ படம் படுதோல்வியை சந்தித்துள்ள நிலையில், ஜிப்ஸி படத்தை பெரிதாக எதிர்பார்த்துள்ளார் நடிகர் ஜீவா. குக்கூ, ஜோக்கர் படங்களை இயக்கிய ராஜூ முருகன் இயக்கத்தில் ஜீவா, நடாஷா சிங் நடிப்பில் உருவாகியுள்ள ஜிப்ஸி படம், இந்தியாவில் நடந்து வரும் சமகால அரசியலை பேசும் படமாக உருவாகி உள்ளது, அதன் டிரைலர் மூலமாகவே வெட்ட வெளிச்சமாக தெரிகிறது.

சந்தோஷ் நாராயணன் இசையமைப்பில் வெளியான வெரி வெரி பேட் சாங் இளைஞர்கள் மத்தியில் பெரும் வரவேற்பை பெற்றுள்ள நிலையில், நேற்று வெளியான டிரைலரும் சமூக வலைதளத்தில் பெரும் தாக்கத்தை ஏற்படுத்தியுள்ளது.

டிரைலர் வெளியீட்டு விழாவில் பேசிய கரு.பழனியப்பன், விரைவில் ராஜூமுருகன் சட்டமன்றம் செல்ல வேண்டும் என வாழ்த்தினார்.

ஜிப்ஸி படம் குறித்து பேசிய ராஜூமுருகன் அரசியலை தாண்டி ஜிப்ஸி ஒரு நல்ல இசைப் படமாக இருக்கும் என கூறினார்.

கருத்துக் கணிப்புகள் பொய்யாகிவிடும்... அதிமுக அமோக வெற்றி பெறும்...! எடப்பாடி பழனிச்சாமி நம்பிக்கை

You'r reading யூடியூப் டிரெண்டிங்கில் முதலிடம் பிடித்த ஜிப்ஸி டிரைலர்! Originally posted on The Subeditor Tamil