ஜானி படத்தில் நான் எழுதிய க்ளைமாக்ஸ் வைக்க சொல்லி கெஞ்சினேன்! - மகேந்திரன் பகிர்ந்த கசப்பு அனுபவங்கள்

by Sakthi, Apr 2, 2019, 17:17 PM IST

தமிழகத்தின் மூத்த இயக்குநர்களில் ஒருவரான மகேந்திரன் மறைவு தமிழ் திரையுலகினர் பெரும் துயரத்தை ஏற்படுத்தியுள்ளது. நடிகர்கள், இயக்குநர்கள் என அனைவரும் மகேந்திரன் பற்றிய தங்கள் நினைவுகளை பகிர்ந்து வருகின்றனர்.

ஜானி

அப்படியாக பத்திரிகையாளர் பெ. கருணாகரன் பகிர்ந்து கொண்ட நினைவுகள் இதோ..

``இருபத்தைந்தாண்டுகளுக்கு முன்  ஒருநாள் மாலை நேரம். இயக்குநர் மகேந்திரனின் மந்தைவெளி இல்லம். அவரை ஒரு சிறுகதைக்காகச் சந்தித்தேன். நீண்டநேரம் பேசிக்கொண்டிருந்தோம். சத்ய ஜித்ரே, அன்றைய இயக்குநர்கள், சினிமா போக்கு என்றெல்லாம் நிறைய பேசினார். பேச்சு தயாரிப்பாளர்களைப் பற்றித் திரும்பியது. மிகவும் உணர்ச்சிவசப்பட்டுப் பேசினார் மகேந்திரன்.

ஒரு நல்ல இயக்குநருக்குத் தயாரிப்பாளர் அமைவது பெரிய வரம். படைப்பாளியின் கற்பனைக்கு உயிரூட்டுவதே பட்ஜெட்தான். தயாரிப்பாளர் சிக்கனம் என்ற பெயரில் செலவிட தயங்கவோ மறுக்கவோ செய்தால் அந்தப் படைப்பு முழுமையடையாமல் போய்விடும் என்றவர் தன்னுடைய அனுபவங்கள் சிலவற்றைச் சொன்னார். நினைவில் நின்றது மட்டும் இங்கே.

ஜானி படம். இரட்டை வேடத்தில் ரஜினி. இளையராஜா பாடல்களிலும் பின்னணி இசையிலும் ராஜாங்கமே நடத்தியிருந்தார். அந்தப் படத்தின் க்ளைமேக்ஸில் ஸ்ரீதேவி புயல், மழை நடுவே காற்றில் எந்தன் கீதம் பாடலைப் பாடுவார். நாம் படத்தில் பார்க்கும் காட்சிப்படி ஸ்ரீதேவி பாட வருவார். மழை பெய்த காரணத்தால் பார்வையாளர்கள் யாரும் வந்திருக்க மாட்டார்கள். ஆனால், மகேந்திரனின் ஒரிஜினல் கதைப்படி ஆயிரக்கணக்கான ரசிகர்கள் கையில் குடை பிடித்தபடி ஸ்ரீதேவி பாடுவதைக் கேட்க வந்திருப்பார்கள். தயாரிப்பாளர் இந்த க்ளைமேக்ஸ் வேண்டாம். ஆயிரம் குடைகள் வாங்க லட்ச ரூபாய் ஆகும். நிறைய ஜூனியர் ஆர்ட்டிஸ்ட்கள் வேண்டும். அதனால் சாதாரணமாவே எடுத்துடுங்க… என்றாராம்.

ஜானி

மகேந்திரன் தயாரிப்பாளரிடம் ஆயிரம் குடை வாங்குவதுதான் உங்களுக்குப் பிரச்னை என்றால் நான் வீடு வீடாகப் போய் என் ரசிகர்களிடம் குடை இரவல் கேட்டு வாங்கி வருகிறேன். குடைக்கு நீங்கள் செலவு செய்ய வேண்டாம் என்று கெஞ்சினாராம். தயாரிப்பாளர் விடாப்பிடியாக மறுத்துவிட்டார்.

இதை வேதனையுடன் சொன்ன மகேந்திரன் நான் நினைத்தபடி அந்தக் காட்சி வந்திருந்தால் எவ்வளவு நன்றாக இருந்திருக்கும். ஆயிரம் வண்ண வண்ண குடையோடு மக்கள் நிற்பது எவ்வளவு பெரிய விஷுவல் இம்பேக்டை ஏற்படுத்தியிருக்கும் என்று கூறி பெருமூச்சு விட்டார்.

அடுத்து முள்ளும் மலரும். ரஜினி ஃபார்முலாவுக்குள் அடங்காத படம். படம் வளர வளர தயாரிப்பாளருக்கு அந்தப் படம் வெற்றி பெறும் என்ற நம்பிக்கை குறைய ஆரம்பித்துவிட்டதாம். படத்துக்கு விளம்பரமே தரவில்லை. பட ரிலீஸ் சமயத்தில் மகேந்திரன் தயாரிப்பாளரிடம் படத்துக்கு விளம்பரம் தரச்சொன்னாராம். தயாரிப்பாளர் கூலாகச் சொன்னாராம்.

ஓடுற படத்துக்கு விளம்பரம் தேவையில்லை… ஓடாத படத்துக்கு விளம்பரம் கொடுத்தும் பயனில்லை’’ இவ்வாறு பதிவிட்டுள்ளார்.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST