மீண்டும் முதலிடத்தை பிடிக்க கத்ரீனா கைஃப் தீவிரம் பி.டி. உஷா பயோபிக்கில் நடிக்க திட்டம்!

by Mari S, Apr 26, 2019, 11:28 AM IST

இந்தியாவின் முன்னாள் தடகள வீராங்கனை பி.டி.உஷாவின் பயோபிக்கில் பிரியங்கா சோப்ராவுக்கு பதில் கத்ரீனா கைஃப் நடிக்க உள்ளார் என்ற தகவல் வெளியாகியுள்ளது.

பாலிவுட்டின் முன்னணி நடிகையாக இருந்த கத்ரீனா கைஃப் சமீப காலமாக அந்த இடத்தை தீபிகா படுகோனே, பிரியங்கா சோப்ரா, ஆலியா பாட் போன்ற நடிகைகளின் வசம் செல்ல விட்டு விட்டார்.

இந்நிலையில், மீண்டும் பாலிவுட்டின் முன்னணி நடிகை அந்தஸ்த்தை பிடிக்க போராடி வருகிறார் கத்ரீனா கைஃப். ஆமீர்கானுடன் அவர் நடித்த தக்ஸ் ஆஃப் இந்தோஸ்தான் மற்றும் ஷாரூக்கானுடன் அவர் நடித்த ஜீரோ படங்கள் படு தோல்வியடைந்துள்ளன.

இந்நிலையில், வரும் ஈகைத் திருநாளில் வெளியாகும் சல்மான் கானின் பாரத் படத்தை பெரிதும் நம்பியுள்ளார். அந்த படமும் தன்னை ஏமாற்றினால், என்ன செய்வது என்ற குழப்பத்தில் இருந்த கத்ரீனா கைஃப், தற்போது பயோபிக் படத்தில் நடித்தால் தான் டாப்புக்கு வர முடியும் என்ற ஃபார்முலாவை முயற்சித்து பார்க்க முடிவு செய்துள்ளார்.

பி.டி. உஷாவின் பயோபிக் படத்தை இயக்கும் முயற்சியில் இறங்கியுள்ள ரேவதி வர்மா, அந்த படத்தில் பிரியங்கா சோப்ராவை நடிக்க வைக்க முயற்சி செய்தார். முன்னதாக மேரி கோம் பயோபிக்கில் பிரியங்கா சோப்ரா நடித்திருந்த நிலையில், இந்த படத்தையும் அவரை வைத்து எடுத்தால் வெற்றி பெறலாம் என்று நினைத்துக் கொண்டிருந்த நிலையில், பிரியங்கா சோப்ரா ஹாலிவுட்டில் அதிக கவனம் செலுத்த துவங்கியுள்ளார்.

அதனால், அந்த படத்தின் கதையை கத்ரீனா கைஃப் இடம் ரேவதி வர்மா, கூற கத்ரீனா கைஃப் உடனடியாக சம்மதம் தெரிவித்துள்ளதாக தகவல்கள் வெளியாகி உள்ளன.

சூர்யவன்ஷி படத்தை முடித்த கையுடன் அதிகாரப்பூர்வமாக பி.டி. உஷா பயோபிக்கில் நடிப்பது குறித்து கத்ரீனா கைஃப் அறிவிப்பார் என எதிர்பார்க்கப்படுகிறது.

இன்றுடன் 70 நாட்கள்…! முகிலன் எங்கே...? வருவார் என்ற நம்பிக்கையில் மனைவி பூங்கொடி!


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST