பாலிவுட் நடிகைகள் சன்னி லியோன், கத்ரீனா கைப் மற்றும் பிரியங்கா சோப்ரா ஆகியோரை ஓரம் கட்டி கூகுள் தேடலில் மலையாள நடிகை பிரியா பிரகாஷ் வாரியர் முதலிடத்தில் உள்ளார்.
கடந்த வெள்ளியன்று மலையாளத்தில் ‘ஒரு அடார் லவ்’ என்ற படத்திற்காக எடுக்கபட்ட மாணிக்ய மலரேயா பூவி என்ற பாடல் யூடியூபில் வெளியிடப்பட்டு உள்ளது. ஒமர் லுலு இயக்கத்தில் ஒரு அடார் லவ் படத்தில் முற்றிலும் புதுமுகங்கள் நடித்துள்ளனர்.
இந்த பாடலுக்கும் ஷான் ரஹ்மான் இசை அமைத்து உள்ளார். நடிகர்-தயாரிப்பாளர் - இயக்குனர் வினீத் ஸ்ரீனிவாசன் இந்த பாடலைப் பாடி உள்ளார். இந்த பாடலை விட இந்த பாடலில் நடித்து உள்ள பிரியா பிரகாஷ் வாரியரின் கண் அசைவுகள் சமூக வலைதளங்களில் கண்ணாபிண்ணாவென வைரல் ஆனது.
கேரளாவின் திருச்சூரை சொந்த ஊராக கொண்ட பிரியா பிரகாஷ் வாரியர் அங்குள்ள விமலா கல்லூரியில் பி.காம் முதலாமாண்டு படித்து வருகிறார். அவர், ஏற்கனவே மோகினியாட்டம் பயின்றுள்ளார். மேலும், பாடுவதிலும் ஆர்வம் கொண்ட அவர் ஓவர் நைட்டில் பிரபலம் ஆகியுள்ளார்.
இதனால் அவரது இன்ஸ்டாகிராம் வீடியோ அப்லோடு செய்த 24 மணி நேரத்தில் 6 லட்சத்திற்கும் அதிகமான பாலோவர்களை பெற்றது. கேரளா மட்டும் இன்றி நாடு முழுவதும் ஒரே நாளில் பிரபலமாகிவிட்டார் பிரியா வாரியர். அதேபோல, தற்போது வரை 30 லட்சம் பேர் பின் தொடர்பவர்களாக உள்ளனர்.
இந்நிலையில், தற்போது கூகுள் தேடலில் பிரபலமாகி உள்ளார் பாலிவுட் நடிகைகள் சன்னி லியோன், கத்ரீனா கைப் மற்றும் பிரியங்கா சோப்ரா ஆகியோரை ஓரம் கட்டி உச்சத்தைத் தொட்டுள்ளார். இதே போன்று யூடியூப் தேடலிலும் பிரியா வாரியர் முன்னிலையில் உள்ளார்.
