தர்பார் சினிமா படத்தில் சசிகலா சர்ச்சை வசனம்.. அ.ம.மு.க, ரஜினி ரசிகர்கள் மோதல்

by எஸ். எம். கணபதி, Jan 11, 2020, 20:39 PM IST

ரஜினி நடித்து வெளியாகியுள்ள தர்பார் படத்தில் சசிகலாவை குறிப்பிடும் வகையில் சர்ச்சையான வசனங்கள் இடம்பெற்றன. இதற்கு சசிகலா தரப்பில் எதிர்ப்பு கிளம்பவே படத்தை தயாரித்த லைக்கா நிறுவனம், அந்த வசனங்களை நீக்குவதாக கூறியுள்ளது. எனினும், அ.ம.மு.க.வினருக்கும், ரஜினி ரசிகர்களுக்கும் இடையே மோதல் ஏற்பட்டிருக்கிறது.

சூப்பர் ஸ்டார் ரஜினி நடித்த தர்பார் படம் மிகுந்த எதிர்பார்ப்புக்கு இடையே வெளியாகியுள்ளது. ரசிகர்கள் எதிர்பார்த்த அளவுக்கு படம் இல்லாவிட்டாலும், முதல் நாளிலேயே ரூ.50 கோடி வரை வசூலாகியுள்ளது. இதற்கிடையே படத்தில் இடம் பெற்ற ஒரு வசனம் சர்ச்சையை கிளப்பி விட்டிருக்கிறது.

அதாவது, இப்போதெல்லாம் சிறையில் இருப்பவர்கள் ஷாப்பிங் செல்கிறார்கள் என்று வசனம் உள்ளது. சில மாதங்களுக்கு முன்பு, பெங்களூரு சிறையில் இருந்து சசிகலா சுரிதார் அணிந்து ஷாப்பிங் சென்றதாக ஒரு பிரச்னை கிளம்பியது. அதை குறிக்கும் வகையில் அந்த வசனம் இடம்பெற்றதாக கூறப்பட்டது.

இதற்கு சசிகலாவின் வழக்கறிஞர் ராஜாசெந்தூர் பாண்டியன் கடும் எதிர்ப்பு தெரிவித்தார். சிறையில் இருந்து சசிகலா வெளியே செல்லவே இல்லை என்று விசாரணை அதிகாரியே சொல்லி விட்டார் என்றும், வேண்டுமென்றே அவரை இழிவுபடுத்தும் வகையில் உள்ள வசனத்தை நீக்காவிட்டால் சட்டப்படி நடவடிக்கை எடுக்கப்படும் என்றும் அவர் கூறியிருந்தார். உடனடியாக, படத்தை தயாரித்த லைக்கா நிறுவனம், அந்த வசனத்தை நீக்குவதாக கூறியுள்ளது. மேலும், யார் மனதையும் புண்படுத்தும் நோக்கில் அந்த வசனம் சேர்க்கப்படவில்லை என்றும் கூறியுள்ளது.
இந்நிலையில், திண்டுக்கல் மாவட்டம், வத்தலக்குண்டில் மக்கள் செல்வன் டி.டி.வி போர் படை என்று குறிப்பிட்டு டி.டி.வி ஆதரவாளர் மணிகண்டன் என்பவர் ஒரு கண்டன போஸ்டர் ஒட்டியிருக்கிறார். அதில் ரஜினியை மறைமுகமாக வசைபாடியுள்ளார். பிழைக்க வந்த நீ பிழைத்துக்கொள்.. வணிகத்தில் அரசியலை வைக்காதே.. மதுரை விமான நிலைய சம்பவத்தை மறந்துவிடாதே.. திருத்திக்கொள்.. என்ற வாசகங்கள் போஸ்டரில் எழுதப்பட்டுள்ளது.

இது அந்த மாவட்டத்தில் உள்ள ரஜினி ரசிகர்களிடையே கொந்தளிப்பை ஏற்படுத்தியுள்ளது. தேவையில்லாமல் எங்கள் தலைவர் ரஜினியைத் சீண்டினால் தக்க பதிலடி கொடுப்போம் என ரசிகர்கள் கொந்தளித்துள்ளனர். அதே சமயம், சசிகலா தரப்பினரோ, பிரியாணி கடையில் சாப்பிட்டு விட்டு காசு தராமல் அடிக்கும் அரசியல்வாதி... 20 வயது இளம்பெண்ணுக்கு குழந்தையை கொடுக்கும் 60 வயது அரசியல்வாதி என்றெல்லாம் வசனம் எழுத வேண்டியது தானே என்று பதிலுக்கு கேட்கிறார்கள்.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST