சர்கார் டீஸர் சாதனையை முதல் நாளிலேயே முறியடித்த ஷாரூக்கானின் ஜீரோ டிரெய்லரை, 4 நாட்களில் 10 கோடி பேர் பார்த்துள்ளனர்.
ஆனந்த் எல் ராய் இயக்கத்தில் ஷாரூக்கானின் ரெட் சில்லி எண்டர்டெயின்மெண்ட் தயாரித்துள்ள படம் ஜீரோ. வரும் டிசம்பர் மாதம் 21ம் தேதி கிறிஸ்துமஸ் பண்டிகையை முன்னிட்டு இப்படம் திரைக்கு வருகிறது.
ஜீரோ படத்தில் ஷாரூக்கான் விஎஃப்எக்ஸ் உதவியுடன் குள்ள மனிதராக நடித்துள்ளார். இந்த படத்தில் அவருக்கு ஜோடியாக அனுஷ்கா சர்மா மற்றும் கத்ரீனா கைஃப் நடித்துள்ளனர்.
படத்தின் டிரெய்லர் நவம்பர் 2ம் தேதி ஷாருக்கானின் 53வது பிறந்த நாள் கொண்டாட்டமாக ரிலீஸ் செய்யப்பட்டது. ஷாரூக்கானின் ரசிகர்கள் உலகளவில் அப்படத்தின் டிரெய்லரை டிரெண்டாக்கினர்.
இந்திய சினிமாவில் அதிவேகமாக 100 மில்லியன் பார்வையாளர்களை பெற்ற டிரெய்லர் என்ற பெருமையை ஜீரோ படம் பெற்றுள்ளது.
