42 வயது ஷக்கலக்க பேபிக்கும், 27வயது சாக்லேட் பாய்க்கும் டும் டும் டும்!

பிரபஞ்ச அழகி என்ற பட்டம் வென்ற ரட்சசகன் நாயகி சுஸ்மிதா சென், தன்னை விட 16வயது குறைவான மாடலை திருமணம் செய்து கொள்ளவுள்ளார்.

தமிழில் நாகர்ஜுனாவுடன் ரட்சகம் படத்தில் நடித்த சுஸ்மிதா சென், முதல்வன் படத்தில் இடம்பெற்ற ஷக்கலக்க பேபி பாடலுக்கு நடனமாடியவர். பாலிவுட்டில் பல படங்களில் நடித்த இவர், பல ஹீரோக்கள் மற்றும் விளையாட்டு வீரர்களுடன் கிசுகிசுக்கப்பட்டாலும், இதுவரை திருமணம் செய்து கொள்ளவில்லை.

இந்நிலையில், 42வயதாகும் சுஸ்மிதா சென், 27 வயதான ரோமன் ஷா எனும் மாடலை காதலித்து வந்தார். விரைவில் இருவரும் திருமணம் செய்து கொள்ளப்போவதாகவும் அறிவித்துள்ளனர்.

அடுத்த ஆண்டின் தொடக்கத்தில் இவர்களது திருமணம் நடைபெறவுள்ளதாக தகவல்கள் வெளியாகியுள்ளன. திருமணம் செய்யாமல் வாழ்க்கையை நடத்தி வரும் சுஸ்மிதா சென், இரு பெண்களை தத்தெடுத்து வளர்த்து வருகிறார். சுஸ்மிதா சென்னின் வளர்ப்பு மகள்களும் இந்த திருமணத்திற்கு அனுமதியளித்துள்ளனர்.

தன்னை விட 16வயது குறைந்த இளைஞரை மணம் முடிக்கப்போகும் சுஸ்மிதா சென்-னை பற்றித் தான் தற்போது பாலிவுட் முழுவதும் பரவலாக பேசப்பட்டு வருகிறது.

You'r reading 42 வயது ஷக்கலக்க பேபிக்கும், 27வயது சாக்லேட் பாய்க்கும் டும் டும் டும்! Originally posted on The Subeditor Tamil