இன்று 69வது பிறந்தநாளை கொண்டாடி வரும் நடிகர் ரஜினிகாந்திற்கு, நடிகர் கமல்ஹாசன் மற்றும் திமுக தலைவர் மு.க.ஸ்டாலின் ஆகியோர் ட்விட்டர் பக்கத்தில் வாழ்த்துகளை தெரிவித்துள்ளனர்.
தமிழ் சினிமாவின் சூப்பர் ஸ்டார் நடிகர் ரஜினிகாந்த் இன்று தனது 69வது பிறந்தநாளை கொண்டாடுகிறார். இதையட்டி, தமிழ் சனிமா பிரபலங்கள், அரசியல் தவைவலர்கள், ரசிகர்கள் என பலரும் பிறந்தநாள் வாழ்த்துகளை தெரிவித்து வருகின்றனர்.
அந்த வகையில், நடிகரும், மக்கள் நீதி மய்யம் தலைவரும், ரஜினியின் நெருங்கிய நண்பருமான கமல்ஹாசன் தனது ட்விட்டர் பக்கத்தில் பிறந்தநாள் வாழ்த்துகளை தெரிவித்துள்ளார்.
அதில், என் பல ஆண்டு நண்பர், சக மாணவர், சூப்பர ஸ்டாருக்கு பிறந்த நாள் வாழ்த்துக்கள். நம் நட்பும், வெற்றிகளும் தொடரட்டும் என்று குறிப்பிட்டுள்ளார்.
இதேபோல், திமுக தலைவர் மு.க.ஸ்டாலின், திரையுலக சூப்பர் ஸ்டாரும், அருமை நண்பருமான ரஜினிகாந்த் அவர்களுக்கு இனிய பிறந்தநாள் வாழ்த்துகள்! வாழ்க வளமுடன்! நலமுடன்! என்று ட்விட்டரில் குறிப்பிட்டிருந்தார்.
தொடர்ந்து, நடிகர் அமிதா பச்சனும் ட்விட்டரில், நண்பர், சக ஊழியர், உணர்ச்சிபூர்வமானவர், பிறந்தநாள் வாழ்த்துக்கள் ரஜினி என்று குறிப்பிட்டிருந்தார்.
