22 இன்ஜினியரிங் கல்லூரிகளுக்கு மூடு விழா அண்ணா பல்கலைக் கழகம் வச்சது வேட்டு!

by Mari S, May 15, 2019, 13:56 PM IST

அடிப்படை வசதிகள் கூட இல்லாமல் இயங்கி வந்த 22 தனியார் இன்ஜினியரிங் கல்லூரிகளின் உரிமத்தை அண்ணா பல்கலைக் கழகம் அதிரடியாக ரத்து செய்தது.

பிரியாணி கடைகளை போல தனியார் கல்லூரிகளின் எண்ணிக்கை தமிழகத்தில் அதிக எண்ணிக்கையில் அதிகரித்தன. இந்நிலையில், 535 இன்ஜினியரிங் கல்லூரிகளுக்கு மட்டுமே நடப்பாண்டில் அண்ணா பல்கலைக் கழகம் அனுமதி அளித்துள்ளதாகவும், சரியான வசதிகள் மற்றும் நிர்ணயித்த தகுதிக்குள் வராத 22 இன்ஜினியரிங் கல்லூரிகள் உடனடியாக மூடப்பட உள்ளதாகவும் அண்ணா பல்கலைக் கழகம் தெரிவித்துள்ளது.

தனியார் இன்ஜினியரிங் கல்லூரிகளில் போதுமான வசதிகள் இருக்கிறதா? என்ற ஆய்வை அண்மையில் மேற்கொண்ட அண்ணா பல்கலைக் கழகம் 92 கல்லூரிகளில் மாணவர்களுக்கு பாடம் நடத்த தகுதியான ஆசிரியர் இல்லை  என்றும், விளையாட்டு மைதானங்கள் மற்றும் உள்கட்டமைப்பு வசதிகள் செய்யப்பட வில்லை என்றும் கண்டறிந்துள்ளது.

இதில், பல வகையில் மோசமான சூழலில் இருக்கும் 22 தனியார் இன்ஜினியரிங் கல்லூரிகளை முதலில் மூட அண்ணா பல்கலைக் கழகம் நடவடிக்கை எடுத்துள்ளது. மேலும், 92 இன்ஜினியரிங் கல்லூரிகளில் 300 பாடப்பிரிவின் கீழ் 15 இடங்களையும் அண்ணா பல்கலைக் கழகம் குறைத்து அதிரடி நடவடிக்கையை மேற்கொண்டுள்ளது.

இந்த 92 இன்ஜினியரிங் கல்லூரிகளில் நீக்கப்பட்ட 22 இன்ஜினியரிங் கல்லூரிகளை தவிர்த்து எஞ்சியுள்ள கல்லூரிகள் கூடிய சீக்கிரத்தில் போதுமான உள்கட்டமைப்பு வசதிகள் மற்றும் தகுதியான ஆசிரியர்களை நியமிக்காத பட்சத்தில், அனைத்து கல்லூரிகளின் அங்கீகாரங்களும் ரத்து செய்யப்படும் என்ற எச்சரிக்கையையும் அண்ணா பல்கலைக் கழகம் அறிவித்துள்ளது.

அப்படியே அந்த 92 கல்லூரிகளின் விவரங்களை கூறிவிட்டால், மாணவர்களுக்கு உதவியாக இருக்கும் என்பது பெற்றோர்களின் கோரிக்கை.

விடுதலைப்புலிகள் மீதான தடை – மேலும் 5 ஆண்டுகளுக்கு நீட்டித்தது மத்திய அரசு


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST