எந்த உப்பு உடலுக்கு நல்லது?

by SAM ASIR, Mar 20, 2019, 17:45 PM IST
"சாப்பாடு எப்படி இருக்கிறது?" என்ற கேள்வி எப்போதும் நம்மிடம் கேட்கப்படுகிறது. பெரும்பாலும், "கொஞ்சம் உப்பு கூட இருந்தால் இன்னும் ருசியாக இருந்திருக்கும்" என்றோ, "உப்பு கொஞ்சம் ஜாஸ்தியாயிடுச்சு... மற்றபடி நன்றாக இருந்தது," என்றோ பதில் சொல்கிறோம்.
 
'உப்பில்லா பண்டம் குப்பையிலே' என்பது பழமொழி. உணவுப் பொருள்களுக்கு ருசியை தருவதில் உப்பு முக்கிய பங்கு வகிக்கிறது. ருசிக்கு மட்டுமல்ல; உடல் ஆரோக்கியத்துக்கும் சரியான அளவு உப்பு அவசியம். உப்பின் அளவு குறைந்திடவோ, கூடிவோ கூடாது. போதுமான அளவு மட்டுமே சேர்க்க வேண்டும்.
 
'உப்பு' என்று வரும்போது, தற்போது ஒரு பெரிய கேள்வி நம் முன் பொதுவாக வைக்கப்படுகிறது. "சாதாரண உப்பு, மேசை உப்பு (தூள் உப்பு) - எந்த உப்பு உடலுக்கு நல்லது?" என்பதே அந்தக் கேள்வி.
 
'சாதாரண உப்பு' என்பது, கடல் நீரை ஆவியாக்கி பெறப்படுவது. 'மேசை உப்பு' பூமிக்கடியில் உள்ள படிமங்களை வெட்டி எடுக்கப்படுவது. இந்த வேறுபாட்டை நாம் முதலில் புரிந்து கொள்ள வேண்டும்.
 
சாதாரண உப்பின் வடிவம் வேறு; மேசை உப்பின் வடிவம் வேறு. அதேபோன்று நிறத்தில் மற்றும் ருசியில் சில நுண்ணிய வேறுபாடுகளை உணர முடியும்.
 
கடல் நீர் ஆவியான பிறகு கிடைக்கும் உப்பு பெரும்பாலும் அப்படியே புழக்கத்திற்கு வருகிறது. அதிக சுத்திகரிப்புக்கு அது உட்படுத்தப்படுவதில்லை. ஆனால், மேசை உப்பு பல்வேறு சுத்திகரிப்புக்கு பின்னரே நம்மிடம் வந்து சேர்கிறது. சுத்திகரிக்கப்படாததால் மெக்னீசியம் மற்றும் பொட்டாசியம் போன்ற சில தாதுக்கள், கடல் உப்பில் காணப்படும்.
தோண்டியெடுக்கப்பட்ட உப்பினை சுத்திகரித்து கால்சியம், பொட்டாசியம் போன்ற தாதுக்களை நீக்கி மேசை உப்பாக விற்பனைக்கு அனுப்புகிறார்கள். சுத்திகரிப்பின்போது, அயோடின் மேசை உப்புடன் சேர்க்கப்படுகிறது. உடலில் தைராய்டு சுரப்பின் அளவை கட்டுக்குள் வைப்பதற்கு அயோடின் அவசியம்.
 
எல்லா உப்புமே ஒன்றுதான்! ஆம், உப்பெனப்படுவது சோடியம் குளோரைடுதான்! சிலர், கடல் உப்பில் சோடியத்தின் அளவு குறைவாக உள்ளது என்று நம்புகிறார்கள். அது தவறான நம்பிக்கை. எவ்வகை உப்பாயினும் அதில் 40 விழுக்காடு சோடியம் காணப்படும். ஒரு தேக்கரண்டி (டீ ஸ்பூன்) உப்பு எடுத்தால் ஒருவேளை, படிகமாக இருக்கக்கூடிய கடல் உப்பு குறைவான அளவிலும், தூளாக இருக்கக்கூடிய மேசை உப்பு அளவில் அதிகமாகவும் இருக்கக்கூடும். ஆனால், நாளொன்றுக்கு 5 கிராமுக்கும் குறைவாகவே உப்பினை சேர்த்துக்கொள்ள வேண்டும் என்பது உலக சுகாதார நிறுவனம் நிர்ணயித்துள்ள அளவாகும்.
 
சாதாரண உப்பு, தூள் உப்பு எதை வேண்டுமானாலும் உங்கள் விருப்பம்போல் சேர்த்துக் கொள்ளுங்கள்; ஆனால், எந்த உப்பையும் அளவுக்கு அதிகமாக சேர்த்துக்கொள்ள வேண்டாம். அது உடல் நலத்துக்கு கேட்டை விளைவிக்கும்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST