புற்றுநோய் மரண சாசனம் அல்ல

by SAM ASIR, Jun 27, 2019, 18:18 PM IST

ஒரு காலத்தில் புற்றுநோய் என்றாலே மரண ஓலை என்ற நிலை இருந்தது. அறிவியலும் தொழில்நுட்பமும் வளர்ந்துள்ள இக்காலத்தில் புற்றுநோய் குணப்படுத்தக்கூடியது ஒன்றுதான். அறிவியல் முன்னேற்றத்தோடு கூட புற்றுநோய் ஒரு சாபமல்ல, அது குணப்படுத்தக்கூடியதே என்ற விழிப்புணர்வும் ஏற்பட்டுள்ளது.

புற்றுநோயின் அறிகுறிகள்:

புற்றுநோயை ஆரம்ப நிலையிலேயே கண்டறிவது முக்கியம். ஆரம்ப கட்டத்தில் கண்டறிந்தால் மட்டுமே குணப்படுத்துவது சாத்தியம். அறிகுறிகளை பொறுத்து மருத்துவரின் ஆலோசனை பெற வேண்டியது அவசியம்.

தொடர் இருமல் மற்றும் தொண்டை கட்டுதல்: எப்போதாவது இருமல் வந்தால் பிரச்னை ஏதுமில்லை. மூன்று வாரங்கள் இருமல் தொடர்ந்தால் கண்டிப்பாக சிகிச்சை தேவை. எல்லா வித இருமலும் புற்றுநோயின் அறிகுறி அல்ல. குறிப்பிட்ட காலத்துக்குப் பிறகு இருமல் தொடர்ந்து இருந்து வந்தால் மார்பு எக்ஸ்ரே அல்லது சிடி ஸ்கேன் எடுக்கும்படி மருத்துவர் பரிந்துரைப்பார். நுரையீரல் புற்றுநோய் உள்ளதா என்று உறுதி செய்வதற்காக இப்பரிசோதனை செய்யப்படும்.

மலம் கழிப்பது மற்றும் சிறுநீர் பிரிதல்: வழக்கமாக மலம் கழிப்பது போல் அல்லாமல் மலம் கழிப்பதில் பிரச்னை ஏற்படுவது மற்றும் தொடர்ந்து வயிற்றுப்போக்கு ஏற்படுதல் அல்லது மலச்சிக்கல் இருந்தால் குடலில் புற்றுநோய் உள்ளதா என்று மருத்துவர் பரிசோதிப்பார். அதற்கென எண்டோஸ்கோப்பி உள்ளிட்ட சோதனைகள் செய்யப்படும். சிறுநீர் கழிப்பதில் சிரமம் அல்லது அடிக்கடி சிறுநீர் பிரிதல், சிறுநீரில் இரத்தம் கலந்து வெளியேறுதல், சிறுநீர் கழிக்கும்போது வலி ஏற்படுதல் ஆகியவை இருந்தால், அந்த அறிகுறிகள் சிறுநீரகம் அல்லது சிறுநீர்ப் பை அல்லது புரோஸ்டேட் சுரப்பி புற்றுநோய் அல்ல என்பதை உறுதி செய்து கொள்வதற்கு மருத்துவரை சந்திப்பது அவசியம்.

பசியின்மை: வேறு எந்த உடல்நலக் குறைவும் இல்லாதபோது நெடுநாள்களாக பசியில்லாமல் இருந்தால் அது சிறுகுடல் மற்றும் இரைப்பை புற்றுநோய் தாக்கத்தின் அறிகுறியாக இருக்கக்கூடும். ஆகவே, எச்சரிக்கை அவசியம்.
மச்சம் அல்லது மருவில் மாற்றம்: உடலில் இருக்கும் எல்லா மருக்களுமே புற்றுநோய் அல்ல. புதிதாக திடீரென சருமத்தில் ஏதாவது மாற்றம் தென்பட்டால் அல்லது ஏற்கனவே இருந்த மச்சத்தின் அளவு பெரிதானால் தோல் மருத்துவரை ஆலோசிப்பது நலம்.
ஆறாத புண்: புண் அல்லது காயம் ஏற்பட்டு மூன்று வாரங்களுக்கு மேலாகியும் ஆறாமல் இருந்தால் அதன் விவரங்களை மருத்துவரிடம் பகிர்ந்து கொண்டு சந்தேகத்தை நிவிர்த்தி செய்து கொள்ளலாம்.

இரத்தப்போக்கு: வழக்கமான மாதவிடாய் சுழற்சிக்கு அப்பாற்பட்டு பெண்ணுறுப்பில் இரத்தப்போக்கு இருந்தால் கண்டிப்பாக கவனிக்க வேண்டும். அது கருப்பை அல்லது கருப்பை வாய் புற்றுநோயின் அறிகுறியாக இருந்துவிடக்கூடும். இருமும் போது சளியுடன் இரத்தமும் கலந்து வந்தாலும் உடனடியாக மருத்துவரை ஆலோசிப்பது அவசியம்.

எடை குறைதல்: உடல் எடையை குறைக்கவேண்டும் என்று மெனக்கெடுவது இப்போது அதிகரித்துவிட்டது. அந்த அளவுக்கு அனைவருக்குமே அதிக உடல் எடை ஒரு பிரச்னையாக உள்ளது. ஆனால், உடல் எடை குறைவதற்கு எந்த முயற்சியும் எடுக்காமலே எடை திடீரென குறைந்தால் அல்லது அதிக அசதியாக உணர்ந்தால் புற்றுநோய்க்கான சோதனையை செய்து கொள்ளவேண்டும்.

திடீர் கட்டி: புதிதாக ஒரு கட்டி தோன்றினாலோ அல்லது ஏற்கனவே இருக்கும் கட்டியின் உருவில் மாற்றம் ஏற்பட்டாலோ மருத்துவரை அணுக வேண்டும். பல நேரங்களில் கட்டிகள் ஆபத்தற்றவையாகவே உள்ளன. ஆனால், பரிசோதித்துக் கொள்வது நல்லது. பெண்களுக்கு மார்பில் கட்டி இருப்பது தெரிய வந்தால் உடனடியாக சோதித்துக்கொள்வது அவசியம்.

செரிமானம் மற்றும் விழுங்குவதில் பிரச்னை: ஜீரண கோளாறு இருந்தால் அநேகர் சாப்பிடும் உணவுப்பொருள்களை மாற்றிப் பார்ப்பார்கள் அல்லது செரிமானத்திற்கான மருந்துகளை சாப்பிடுவார்கள். சிலருக்கு உணவினை விழுங்கும்போது வலி ஏற்படும். ஆனால் இவை தொண்டை அல்லது உணவு குழல் புற்றுநோயின் அறிகுறிகளாகவும் இருக்கக்கூடும்.

மூச்சிரைத்தல்: முதியோருக்கு மூச்சிரைப்பு இயல்பான ஒன்று. அதில் பயப்பட ஒன்றுமில்லை. மற்றவர்களுக்கு மூச்சிரைப்பு இருந்தால், மூச்சுவிடுவதில் சிரமம் இருந்தால் நுரையீரல் புற்றுநோய் அல்ல என்பதை உறுதிப்படுத்த சோதனைகள் செய்து கொள்வது நல்லது.

அறிகுறிகளை அலட்சியம் செய்திடாமல் வைத்தியம் செய்தால் புற்றுநோயின் அபாயத்திலிருந்து தப்பிக்க வாய்ப்பு உண்டு.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST