பிரதமர் மோடி வாழ்த்து ட்விட்... இம்ரான் மகிழ்ச்சி!

Mar 23, 2019, 08:49 AM IST

பாகிஸ்தான் தினத்தை முன்னிட்டு பிரதமர் மோடி , இம்ரான்கானுக்கு வாழ்த்துச் செய்தி அனுப்பியுள்ளார்.

புல்மாவா தாக்குதல் அடுத்து, பாகிஸ்தானுக்கும் இந்தியாவுக்கும் போர் ஏற்படும் அபாயம் உருவானது. விமானப்படை விமானி அபிநந்தன் பாகிஸ்தானிடம் சிக்கினார். அபிநந்தன் மீது கை வைத்தால், பாகிஸ்தான் மீது கடும் தாக்குதல் நடத்தப்படும் என்று இந்தியா தரப்பில் இருந்து பாகிஸ்தானுக்கு எச்சரிக்கை விடுக்கப்பட்டது. அதோடு, பிப்ரவரி 27- ந் தேதி ராஜஸ்தானில் 12 தரையில் இருந்து ஏவப்படும் ஏவுகணைகளை இந்தியா நிறுத்தியது. பாகிஸ்தானும் தன் தரப்பில் ஏவுகணை தாக்குதலுக்கு தயாரகவே இருந்தது. இதைத் தொடர்ந்தே உலக நாடுகள் சமாதானத்தில் ஈடுபட்டன. முக்கியமாக அமீரகம் இருநாடுகளுக்கிடையே அமைதி ஏற்பட கடுமையாக போராடியது. முடிவாக விமானி அபிநந்தனும் விடுவிக்கப்பட்டார்.

இந்நிலையில் . நேற்று வெள்ளிக்கிழமை பாகிஸ்தான் தினம் கொண்டாடப்பட்டது. வழக்கமாக இஸ்லாமாபாத்தில் நடைபெறும் கொண்டாட்டங்களில் பங்கேற்க இந்தியா சார்பில் பிரதிநிதிகள் அனுப்பப்படுவார்கள். இந்த முறை காஷ்மீர் பிரிவினைவாதத் தலைவர்களுக்கு பாகிஸ்தான் அழைப்பு விடுத்திருந்தது. இதனால், இந்திய பிரநிதிகள் பாகிஸ்தான் தின நிகழ்வுகளை புறக்கணித்தது. எனினும், இந்திய பிரதமர் மோடி வாழ்த்து தெரிவித்துள்ளதாக பாகிஸ்தான் வெளியுறவுத்துறை அமைச்சகம் தெரிவித்துள்ளது. பிரதமர் மோடி அனுப்பியுள்ள செய்தியில், 'துணைக்கண்டத்து மக்கள் சமாதானத்துடன் இணைந்து முன்னேற்றப் பாதையை காண வேண்டும். தீவிரவாதம் இல்லாத நிலை உருவாக வேண்டும்' என்று தன் வாழ்த்துச் செய்தியில் கூறியுள்ளதாக பாகிஸ்தான் கூறியுள்ளது.

பிரதமர் மோடி அனுப்பிய வாழ்த்துச்செய்தியை தன் ட்விட்டர் பக்கத்தில் பகிர்ந்துள்ள இம்ரான் கான், மகிழ்ச்சி தெரிவித்துள்ளார்.


Speed News

  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST
  • மகாராஷ்டிராவில் ஒரே நாளில்

    4878 பேருக்கு கொரோனா

    நாட்டிலேயே அதிகபட்சமாக மகாராஷ்டிராவில்தான் கொரோனா பாதித்துள்ளது. நேற்று ஒரே நாளில் 4878 பேருக்கு கொரோனா தொற்று உறுதி செய்யப்பட்டுள்ளது. இது வரை மொத்தம் ஒரு லட்ச்த்து 74,761 பேருக்கு கொரோனா பாதித்திருக்கிறது. இதில் 90,911 பேர் குணம் அடைந்துள்ளனர். இ்ம்மாநிலத்தில் 9 லட்சத்து 66,723 கொரோனா பரிசோதனைகள் செய்யப்பட்டுள்ளது.

    Jul 1, 2020, 13:43 PM IST
  • ராஜஸ்தானில் 18 ஆயிரம் பேருக்கு

    கொரோனா தொற்று பாதிப்பு

    ராஜஸ்தானில் முதல்வர் அசோக் கெலாட் தலைமையில் காங்கிரஸ் ஆட்சி நடைபெறுகிறது. இந்த மாநிலத்தில் நேற்று 354 பேருக்கு கொரோனா தொற்று பாதித்துள்ளது. இது வரை மொத்தம் 18,014 பேருக்கு கொரோனா தொற்று கண்டறியப்பட்டுள்ளது. இது வரை 413 பேர் கொரோனாவால் பலியாகியுள்ளனர். 

    ராஜஸ்தானில் இது வரை 8 லட்சத்து 24,213 கொரோனா பரிசோதனைகள் மேற்கொள்ளப்பட்டுள்ளன. இத்தனை சோதனைகளில் 18 ஆயிரம் பேருக்குத்தான் கொரோனா பரவியிருக்கிறது. ஆனால், தமிழ்நாட்டில் 11 லட்சம் பரிசோதனைகள் செய்ததில் 90 ஆயிரம் பேருக்கு கொரோனா பாதித்துள்ளது. அதே போல், தமிழகத்தில் கொரோனா பலியும் 1200 ஆக உள்ளது. 

    Jul 1, 2020, 13:40 PM IST
  • தந்தை, மகன் மரணம் குறித்த வழக்கு

    சி,பி.சி.ஐ.டி விசாரிக்க உத்தரவு

    சாத்தான்குளம் ஜெயராஜ், அவரது மகன் பென்னிக்ஸ் ஆகியோர் மர்ம மரணம் தொடர்பாக சி.பி.ஐ. விசாரணைக்கு தமிழக அரசு பரிந்துரைத்துள்ளது. இந்நிலையில், இது தொடர்பான வழக்கு மதுரை ஐகோர்ட் கிளையில் இன்று விசாரணைக்கு வந்தது. அப்போது, நீதிபதிகள் கூறுகையில், ‘‘இந்த 2 பேர் மரணம் தொடர்பான தடயங்களை மறைக்க வாய்ப்புள்ளதால்,  வழக்கை சி.பி.ஐ. விசாரிக்கத் தொடங்கும் வரை சி.பி.சி.ஐ.டி. விசாரிக்க வேண்டும்’’ என்று உத்தரவிட்டனர். 

    Jun 30, 2020, 13:33 PM IST