தோல்வியால் விரக்தி.. உ.பி.யில் இப்தார் பார்ட்டி வைக்காத பிரதான கட்சிகள்

ரம்ஜானை முன்னிட்டு உ.பி.யில் ஆண்டுதோறும் விமரிசையாக இப்தார் விருந்து கொடுக்கும் மாயாவதியும், அகிலேஷ் யாதவும் இந்த ஆண்டு நோ சொல்லி விட்டனர். அதே போன்று காங்கிரசும் தவிர்த்துள்ளது. இஸ்லாமியர்களின் வாக்குகள் கூட தங்களுக்கு கிடைக்காத விரக்தியே இதற்குக் காரணம் என்று கூறப்படுகிறது.

நாட்டிலேயே இஸ்லாமியர்கள் அதிகம் வசிக்கும் மாநிலம் உ.பி.தான். இங்கு மூன்றில் ஒரு பங்கு மக்களவைத் தொகுதிகளின் வெற்றி தோல்வியை நிர்ணயிப்பதும் அவர்களின் வாக்கு தான் என்பதும் ஒரு காலத்தில் உண்மை.

இதனால் ஆண்டு தோறும் ரம்ஜான் நோன்புக் காலத்தில் இஸ்லாமிய மக்களுக்கு, மாயாவதியின் பகுஜன் சமாஜ் கட்சியும், அகிலேஷ் யாதவின் சமாஜ்வாதி கட்சியும், காங்கிரசும் போட்டி போட்டு தடபுடலாக இப்தார் விருந்து கொடுப்பதை வழக்கமாக கொண்டிருந்தன.

ஆனால் இந்தத் தடவையோ, சமாஜ்வாதியும், பகுஜன் கட்சியும் மெகா கூட்டணி அமைத்து போட்டியிட்டும் 80 தொகுதிகளில் 15-ல் மட்டுமே வெற்றி பெற முடிந்தது.காங்கிரசோ ஒரே ஒரு தொகுதியில் மட்டுமே வெல்ல முடிந்தது. காங்கிரஸ் தலைவர் ராகுல் காந்தியும் அமேதியில் தோற்றுவிட்டார். ஒரு இஸ்லாமியரைக் கூட களமிறக்காத பாஜகவோ இந்த முறையும் 62 தொகுதிகளை அள்ளியது.

இதனால் தோல்வி தந்த விரக்தி, இஸ்லாமியர்களின் பெரும்பான்மை வாக்கு கிடைக்காத அதிருப்தியால் இந்த ஆண்டு இப்தார் விருந்து கொடுப்பதை மாயாவதியும், அகிலேஷூம் தவிர்த்துவிட்டு, தங்கள் கோபத்தை வெளிப்படுத்தியதாக கூறப்படுகிறது.காங்கிரஸ் கட்சியும் இப்தார் விருந்து நிகழ்ச்சியை நடத்தவில்லை.

இதே போன்று உ.பி.யில் மாநில அரசின் சார்பில் இப்தார் விருந்து வைக்கும் நிகழ்ச்சியும் காலம் காலமாக நடத்துவது வாடிக்கையாக இருந்து வந்தது. ஆனால் யோகி ஆதித்யநாத் தலைமையிலான பாஜக அரசு அமைந்த பின்பு இப்தார் விருந்து கொடுப்பதை அடியோடு நிறுத்தி விட்டார் என்பதும் குறிப்பிடத்தக்கது.

எங்களுடைய தமிழ் செய்திகளை உங்கள் மெயில் இன்பாக்சில் பெறுவதற்கு இங்கே உங்கள் மெயில் ஐடியை பதிவு செய்யவும் : Tamil news RSS
மேலும் செய்திகள்
Heavy-rain-in-Kerala--red-alert-issued-and-dams-open-in-advance
கேரளாவில் கொட்டித் தீர்க்கும் கன மழை; ரெட் அலர்ட் எச்சரிக்கையால் அணைகள் திறப்பு
Priyanka-meets-firing-victims-rsquo--kin-standoff-UP-govt
சொன்னதை செய்த பிரியங்கா; பாதிக்கப்பட்டவர்களுக்கு ஆறுதல்
Air-taxi-service-to-Sabarimala-to-be-introduced-this-mandalam-season
'இனி சபரிமலைக்கு பறக்கலாம்' மண்டல, மகர பூஜைக்கு 'ஏர் டாக்சி' சேவை அறிமுகம்
karnataka-released-more-water-in-cauvery-from-krs-and-kabini-dams
கர்நாடக அணைகளில் தண்ணீர் திறப்பு அதிகரிப்பு; மேட்டூர் அணை நீர்மட்டம் உயருமா?
TRS-Leader-Beats-Up-Traffic-Cop-With-Footwear-After-He-Records-Road-Safety-Violation-on-Camera
போலீசை செருப்பால் அடித்த தெலங்கானா பெண் கவுன்சிலர்
supreme-court-released-its-judgements-tamil-transulated-versions
உச்சநீதிமன்றத் தீர்ப்பு தமிழில் வெளியானது
Chandrayaan2-launch-on-July-22-says-ISRO-days-after-first-attempt-was-called-off-due-to-technical-snag
சந்திரயான்-2 விண்கலம் 22ல் விண்ணில் ஏவப்படும்; இஸ்ரோ அறிவிப்பு
Ayodhya-mediation-panel-gets-more-time-SC-sets-Aug-1-deadline-to-submit-report
அயோத்தி வழக்கில் மத்தியஸ்தர் குழுவுக்கு ஆக.1 வரை அவகாசம்; சுப்ரீம் கோர்ட் உத்தரவு
Hafiz-Saeed-Mumbai-Attacks-Mastermind-Arrested-Sent-To-Jail-Pak-Media
மும்பை குண்டுவெடிப்பு தீவிரவாதி சிறையிலடைப்பு; பாகிஸ்தான் திடீர் நடவடிக்கை
karnataka-released-water-in-cauvery-from-krs-and-kabini-dams
கர்நாடக அணைகளில் இருந்து தமிழகத்திற்கு தண்ணீர் திறப்பு
Tag Clouds