யமுனை நதிக்கரையில் அருண் ஜெட்லி இறுதிச் சடங்கு பிரதமர் மோடி பங்கேற்கவில்லை

by Nagaraj, Aug 25, 2019, 09:43 AM IST

முன்னாள் மத்திய அமைச்சர் அருண்ஜெட்லி இறுதிச் சடங்கு இன்று பிற்பகல் 2 மணிக்கு யமுனை நதிக்கரையில் நடைபெறுகிறது.வெளிநாட்டு பயணத்தில் உள்ள பிரதமர் மோடி, அவசரமாக நாடு திரும்புவார் என்று எதிர்பார்க்கப்பட்டது. ஆனால் தற்போது அவர் நாளை தான் இந்தியா திரும்புவார் என்று அறிவிக்கப்பட்டுள்ளது.

 


முன்னாள் மத்திய அமைச்சரும், பாஜக மூத்த தலைவர்களில் ஒருவருமான அருண் ஜெட்லி, உடல்நலக்குறைவால் எய்ம்ஸ் மருத்துவமனையில் சிகிச்சை பெற்று வந்த நிலையில் நேற்று காலமானார். அவருடைய மரணச் செய்தி கேட்டவுடன் பாஜக தலைவர்கள் பலரும் மருத்துவமனைக்கு விரைந்தனர்.

பின்னர் அருண் ஜெட்லியின் உடல் தற்போது தெற்கு டெல்லியில் கைலாஷ் காலனியில் உள்ள அவருடைய இல்லத்திற்கு கொண்டு செல்லப்பட்டு அஞ்சலிக்காக வைக்கப்பட்டுள்ளது. ஜெட்லியின் உடலுக்கு குடியரசுத் தலைவர் ராம்நாத் கோவிந்த், துணைத் தலைவர் வெங்கையா நாயுடு, பாஜக தலைவர் அமித் ஷா, செயல் தலைவர் ஜே.பி.நட்டா, மத்திய அமைச்சர்கள் உள்பட பல்வேறு கட்சிகளின் தலைவர்கள் நேரில் அஞ்சலி செலுத்தியதுடன், ஜெட்லியின் மறைவுக்கு இரங்கலும் தெரிவித்துள்ளனர்.

ஜெட்லியின் உடல் காலை 10 மணிக்கு பாஜக தலைமை அலுவலகத்தில் அஞ்சலிக்காக வைக்கப்படுகிறது. அங்கு பாஜக தலைவர்கள் மற்றும் பல்வேறு கட்சிகளின் தலைவர்களும் இறுதிஅஞ்சலி செலுத்துகின்றனர். அதன் பின் பிற்பகல் 2 மணிக்கு ஜெட்லியின் உடல் ஊர்வலமாக எடுத்துச் செல்லப்பட்டு யமுனை நதிக்கரையில் உள்ள நிகாபோத் காட் பகுதியில் இறுதிச் சடங்குகள் நடைபெறுகிறது.

ஜெட்லியின் மறைவைத் தொடர்ந்து வெளிநாட்டு சுற்றுப் பயணத்தை ரத்து செய்து விட்டு பிரதமர் மோடி அவசரமாக நாடு திரும்புவார் என முதலில் கூறப்பட்டது. ஆனால் தற்போது ஏற்கனவே திட்டமிட்டபடி பஹ்ரைனில் நடைபெறும் ஜி.7 மாநாட்டில் பங்கேற்றுவிட்டு நாளை தான் பிரதமர் மோடி நாடு திரும்புவார் என மத்திய அரசு தெரிவித்துள்ளது. அருண் ஜெட்லி உடலுக்கு பிரதமர் மோடி சார்பில் பாதுகாப்புத்துறை அமைச்சர் ராஜ்நாத் சிங் அஞ்சலி செலுத்துவார் எனவும் அரசு தெரிவித்துள்ளது.

ஜெட்லியின் மறைவுக்கு பிரதமர் மோடி நீண்ட கால நண்பரை இழந்து விட்டேன். அவரது மறைவு பெரும் வருத்தமளிக்கிறது என்று இரங்கல் தெரிவித்திருந்தார். அத்துடன் அவரது மனைவி சங்கீதா மற்றும் மகன் ரோஹன் ஆகியோருடன் தொலைபேசியில் பேசி ஆறுதல் கூறினார். அத்துடன் வெளிநாட்டு பயணத்தை ரத்து செய்து விட்டு நாடு திரும்புவதாக மோடி தெரிவித்துள்ளார். ஆனால் ஜெட்லியின் குடும்பத்தாரோ, வெளிநாட்டு பயணத்தை ரத்து செய்ய வேண்டாம் என்று கேட்டுக் கொண்டதால், பிரதமர் மோடி அவசரமாக நாடு திரும்பவில்லை என்று கூறப்படுகிறது.


Speed News

  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST