வளையல்களை அனுப்பவா? பாக். அனுப்பிய சங்கேத வார்த்தை.. தேசிய பாதுகாப்பு ஆலோசகர் தகவல்

by எஸ். எம். கணபதி, Sep 7, 2019, 17:24 PM IST

பாகிஸ்தானில் இருந்து இந்தியாவுக்கு அனுப்பப்பட்ட சங்கேத வார்த்தைகள் அடங்கிய மெசேஜ்களை இடைமறித்து கேட்டிருக்கிறோம் என்று தேசிய பாதுகாப்பு ஆலோசகர் அஜித் தோவல் தெரிவித்துள்ளார்.

காஷ்மீர் விவகாரம் குறித்து அஜித் தோவல் அளித்த பேட்டி வருமாறு:

காஷ்மீரில் மொத்தம் உள்ள 199 போலீஸ் ஸ்டேஷன்களில் 10 ஸ்டேஷன் எல்லைக்கு உட்பட்ட பகுதிகளில் தான் இப்போது ஊரடங்கு உத்தரவு அமலில் உள்ளது. நூறு சதவீத தொலைபேசிகள் இயக்கப்படுகின்றன. அரசியல் தலைவர்கள் முன்னெச்சரிக்கை நடவடிக்கைக்காகவே காவலில் வைக்கப்பட்டுள்ளனர். அரசியல்சட்டப்பிரிவு 370 ரத்து செய்யப்பட்டதற்கு காஷ்மீரில் உள்ள பெரும்பான்மையான மக்கள் ஆதரவு தெரிவித்துள்ளனர்.

ஜம்மு காஷ்மீரில் எப்படியாவது பிரச்னை ஏற்படுத்த வேண்டும் என்று பாகிஸ்தான் முயற்சிக்கிறது. பாகிஸ்தானில் இருந்து 230 பயங்கரவாதிகள் இந்தியாவுக்குள் அனுப்பப்பட்டிருக்கின்றனர். அவர்களில் பலரை கைது செய்துள்ளோம். சிலர் ஊடுருவி விட்டனர்.

இந்தியாவின் எல்லையில் இருந்து பாகிஸ்தானுக்குள் 20 கி.மீ. தூரத்திற்கு உட்பட்ட இடங்களில் உள்ள தொலைத் தொடர்பு கோபுரங்களில் இருந்து இந்தியாவுக்கு வரும் தகவல்களை இடைமறித்து கேட்டிருக்கிறோம். எப்படி இவ்வளவு லாரிகளில் ஆப்பிள் கொண்டு செல்லப்படுகிறது. அதை உங்களால் தடுக்க முடியவில்லையா? உங்களுக்கு வளையல்களை அனுப்பி வைக்கவா? என்று பாகிஸ்தானில் இருந்து இந்தியாவுக்கு அனுப்பப்படும் சங்கேத வார்த்தைகள் கொண்ட மெசேஜ்களை இடைமறித்து கேட்டிருக்கிறோம். பாகிஸ்தான் பயங்கரவாதிகளிடம் இருந்து காஷ்மீர் மக்களை பாதுகாப்பதற்கு பெருமளவில் முயற்சிகளை மேற்கொண்டு வருகிறோம்.

இவ்வாறு அஜித் தோவல் கூறினார்.


Speed News

  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST
  • மகாராஷ்டிராவில் ஒரே நாளில்

    4878 பேருக்கு கொரோனா

    நாட்டிலேயே அதிகபட்சமாக மகாராஷ்டிராவில்தான் கொரோனா பாதித்துள்ளது. நேற்று ஒரே நாளில் 4878 பேருக்கு கொரோனா தொற்று உறுதி செய்யப்பட்டுள்ளது. இது வரை மொத்தம் ஒரு லட்ச்த்து 74,761 பேருக்கு கொரோனா பாதித்திருக்கிறது. இதில் 90,911 பேர் குணம் அடைந்துள்ளனர். இ்ம்மாநிலத்தில் 9 லட்சத்து 66,723 கொரோனா பரிசோதனைகள் செய்யப்பட்டுள்ளது.

    Jul 1, 2020, 13:43 PM IST
  • ராஜஸ்தானில் 18 ஆயிரம் பேருக்கு

    கொரோனா தொற்று பாதிப்பு

    ராஜஸ்தானில் முதல்வர் அசோக் கெலாட் தலைமையில் காங்கிரஸ் ஆட்சி நடைபெறுகிறது. இந்த மாநிலத்தில் நேற்று 354 பேருக்கு கொரோனா தொற்று பாதித்துள்ளது. இது வரை மொத்தம் 18,014 பேருக்கு கொரோனா தொற்று கண்டறியப்பட்டுள்ளது. இது வரை 413 பேர் கொரோனாவால் பலியாகியுள்ளனர். 

    ராஜஸ்தானில் இது வரை 8 லட்சத்து 24,213 கொரோனா பரிசோதனைகள் மேற்கொள்ளப்பட்டுள்ளன. இத்தனை சோதனைகளில் 18 ஆயிரம் பேருக்குத்தான் கொரோனா பரவியிருக்கிறது. ஆனால், தமிழ்நாட்டில் 11 லட்சம் பரிசோதனைகள் செய்ததில் 90 ஆயிரம் பேருக்கு கொரோனா பாதித்துள்ளது. அதே போல், தமிழகத்தில் கொரோனா பலியும் 1200 ஆக உள்ளது. 

    Jul 1, 2020, 13:40 PM IST
  • தந்தை, மகன் மரணம் குறித்த வழக்கு

    சி,பி.சி.ஐ.டி விசாரிக்க உத்தரவு

    சாத்தான்குளம் ஜெயராஜ், அவரது மகன் பென்னிக்ஸ் ஆகியோர் மர்ம மரணம் தொடர்பாக சி.பி.ஐ. விசாரணைக்கு தமிழக அரசு பரிந்துரைத்துள்ளது. இந்நிலையில், இது தொடர்பான வழக்கு மதுரை ஐகோர்ட் கிளையில் இன்று விசாரணைக்கு வந்தது. அப்போது, நீதிபதிகள் கூறுகையில், ‘‘இந்த 2 பேர் மரணம் தொடர்பான தடயங்களை மறைக்க வாய்ப்புள்ளதால்,  வழக்கை சி.பி.ஐ. விசாரிக்கத் தொடங்கும் வரை சி.பி.சி.ஐ.டி. விசாரிக்க வேண்டும்’’ என்று உத்தரவிட்டனர். 

    Jun 30, 2020, 13:33 PM IST