ஆந்திராவில் படகு கவிழ்ந்த விபத்தில் 13 பேர் பரிதாப சாவு.. 35 பேரை தேடும் பணி தீவிரம்

by எஸ். எம். கணபதி, Sep 16, 2019, 09:54 AM IST

ஆந்திராவில் கோதாவரி ஆற்றில் படகு கவிழ்ந்த விபத்தில் இது வரை 13 பேர் உயிரிழந்துள்ளனர். 24 பேர் உயிருடன் மீட்கப்பட்டனர். மேலும், ஆற்றில் மாயமான 35 பேரை தேடும் பணி தீவிரமாக நடைபெற்று வருகிறது.

ஆந்திராவில் கிழக்கு கோதாவரி மாவட்டத்தில் படகு சுற்றுலா பிரபலமானது. கோதாவரி ஆற்றில் கடந்த சில நாட்களாக வெள்ளம் கரைபுரண்டு ஓடிக் கொண்டிருந்ததால், படகுகள் அனுமதிக்கப்படாமல் இருந்தது. நேற்று ஆற்றில் தண்ணீர் குறைந்தாலும் படகுகளை இயக்க அனுமதிக்கப்படவில்லை என்று கூறப்படுகிறது.

அப்படியிருந்தும் ஞாயிற்றுக்கிழமை விடுமுறை என்பதால், படகு சுற்றுலாவுக்கு அதிகமான பயணிகள் வந்திருந்தனர். இதனால், சில படகுகள் இயக்கப்பட்டிருக்கின்றன. அதே சமயம், அந்தப் படகுகள் குறிப்பிட்ட தூரம் வரைதான் சென்று வந்தன. ஒரு படகு மட்டும் கண்டி போச்சம்மா கோயிலை சுற்றிப் பார்த்த பயணிகளை திருப்பி அழைத்து வராமல், அங்கிருந்து பப்பிகொண்டலு என்ற சுற்றுலா தலத்திற்கு அழைத்து சென்றுள்ளது. அப்போது கோதாவரி ஆற்றில் வினாடிக்கு 5 லட்சம் கன அடி நீர் வெளியேறிக் கொண்டிருந்தது.

அந்த படகு குச்சலூருமண்டா என்ற கிராமத்திற்கு அருகே ஆற்றில் செல்லும் போது நீர்ச்சுழலில் சிக்கி திடீரென கவிழ்ந்தது. படகில் அதை இயக்குபவர்கள் 72 பேர் வரை இருந்ததாக கூறப்படுகிறது. படகு கவிழ்ந்ததும் அனைவரும் நீரில் மூழ்கினர். அவர்களை படகு இயக்குபவர்கள் காப்பாற்ற முயன்றனர். இதற்கிடையே, குச்சலூருமண்டா கிராமத்தினர், மீனவர்களை அழைத்து வந்து ஆற்றில் குதித்து மீட்பு பணியில் ஈடுபடத் தொடங்கினர்.

தகவலறிந்து ராஜமுந்திரி நகராட்சி ஆணையர் முரளிதர்ரெட்டி, ஹெலிகாப்டரில் வந்தார். கடற்படை ஹெலிகாப்டர்கள், மீட்பு படகுகள் வரவழைக்கப்பட்டன. ஆந்திர துணை முதல்வர் அல்லகல்லி கிருஷ்ணா சீனிவாஸ், அமைச்சர் கன்னபாபு, கோதாவரி மாவட்ட கலெக்டர் சுமித்குமார் காந்தி என்று பலரும் அந்த பகுதிக்கு வந்து மீட்பு பணிகளை கவனித்தனர்.

இது வரை 13 பேர் உயிரிழந்துள்ளனர். 24 பேர் உயிருடன் மீட்கப்பட்டுள்ளனர். மேலும் 35 பேரை தேடும் பணி இன்றும்(செப்.16) 2வது நாளாக தொடர்ந்து நடைபெற்று வருகிறது.
இதற்கிடையே, உயிரிழந்தவர்களின் குடும்பத்தினருக்கு தலா ரூ.10 லட்சம் நிவாரண உதவி அளிக்க முதல்வர் ஜெகன்மோகன் ரெட்டி உத்தரவிட்டுள்ளார். இறந்தவர்களில் பலரும் தெலங்கானா மாவட்டத்தைச் சேர்ந்தவர்கள். அவர்களின் குடும்பத்தினருக்கு தலா ரூ.5 லட்சம் வழங்க அம்மாநில முதல்வர் சந்திரசேகர ராவ் உத்தரவிட்டுள்ளார்.


Speed News

  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST