எந்த பட்டனை அமுக்கினாலும் தாமரையில்தான் விழும்.. பாஜக எம்.எல்.ஏ. பேச்சு.. ராகுல்காந்தி கிண்டல்..

by எஸ். எம். கணபதி, Oct 21, 2019, 18:30 PM IST

வாக்கு இயந்திரத்தில் நீங்கள் எந்த பட்டனை அமுத்தினாலும் தாமரை சின்னத்தில் வாக்கு பதிவாகும், மோடி ரொம்ப அறிவாளி என்று பாஜக எம்.எல்.ஏ. பேசிய வீடியோ வைரலாகி உள்ளது. இதை தனது ட்விட்டரில் போட்டு, பாஜகவில் மிகவும் நேர்மையான மனிதர் என்று ராகுல்காந்தி கிண்டலடித்துள்ளார்.

கடந்த நாடாளுமன்றத் தேர்தலுக்கு முன்பு நடைபெற்ற மத்தியப் பிரதேச தேர்தலில் வாக்குப்பதிவு இயந்திரத்தில் பாஜக ஏதோ தில்லுமுல்லு செய்திருப்பதாக புகார் எழுந்தது. வாக்காளர் எந்த பட்டனை அழுத்தினாலும் அது பாஜகவின் தாமரை சின்னத்தில் விழுவதாக குற்றச்சாட்டு எழுந்தது. இதையடுத்து, காங்கிரஸ், கம்யூனிஸ்ட்கள் உள்பட 21 அரசியல் கட்சிகள், வாக்கு இயந்திரத்தை பயன்படுத்துவதற்கு எதிராக சுப்ரீம் கோர்ட்டில் மனுதாக்கல் செய்தன. ஆனால், அம்மனு நிராகரிக்கப்பட்டது.

இதன்பின், நாடாளுமன்றத் தேர்தல் பிரச்சாரம் முடிந்ததும் பாஜக 300 இடங்களுக்கு மேல் வெற்றி பெறும் பாஜக தலைவர் அமித்ஷா பேட்டியளித்தார். அதே போல், பாஜக 303 தொகுதிகளில் வென்றது. இந்திராகாந்தி, ராஜீவ்காந்தி, வாஜ்பாய் ஆகியோர் பெரிய வெற்றி அடைந்த போது எல்லாம் மக்களுக்கு சந்தேகம் எழவில்லை என்று மேற்கு வங்க முதல்வர் மம்தா பானர்ஜி கூறினார். தொடர்ந்து, வாக்குப்பதிவு இயந்திரத்தில் தில்லுமுல்லு செய்யப்படுவதாக புகார்கள் எழுந்தவண்ணம் உள்ளன.

இந்நிலையில், அரியானாவில் அசாந்த் தொகுதி பாஜக எம்.எல்.ஏ. பக்சிஷ்சிங் விர்க் தனது பிரச்சாரத்தின் போது பேசிய வீடியோ ஒன்று, சமூக ஊடகங்களில் வைரலாக பரவி வருகிறது. அவர், நீங்கள் எந்த கட்சிக்கு ஓட்டு போட்டாலும் எங்களுக்கு தெரியாது என்று நினைக்காதீர்கள். நாங்கள் அதை கண்டுபிடித்து விடுவோம். மோடி ரொம்ப அறிவாளி. முதலமைச்சர் கட்டார் ரொம்ப அறிவாளி. நீங்கள் எந்த பட்டனை அமுத்தினாலும் அது தாமரைச் சின்னத்திற்குதான் விழும் என்று கூறியிருந்தார்.

காங்கிரஸ் முன்னாள் தலைவர் ராகுல்காந்தி தனது ட்விட்டர் பக்கத்தில் இந்த வீடியோவை டேக் செய்து, பாஜகவில் உள்ள மிக நேர்மையான மனிதர் என்று கிண்டலடித்துள்ளார்.


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST