வளைய சூரியகிரகணம் காலையில் தொடங்கியது.. மாலை 3 மணிக்கு முடியும்..

by எஸ். எம். கணபதி, Jun 21, 2020, 11:06 AM IST

இன்று காலை 9.15 சூரியகிரகணம் நிகழத் தொடங்கியது. ஆரம்பத்தில் காஷ்மீர், டெல்லி பகுதிகளில் நன்றாகத் தெரிந்தது.இன்றைய சூரிய கிரகணத்தைக் கங்கண சூரியகிரகணம் அல்லது நெருப்பு வளையச் சூரிய கிரகணம் என்கிறார்கள். காலை 9.15 மணிக்குத் தொடங்கி, மாலை 3.04 மணிக்கு இந்த சூரியகிரகணம் நிறைவடைகிறது. இது ஆசியா, ஆப்ரிக்கா, பசிபிக் பிராந்தியங்களிலும், ஆஸ்திரேலியா ஐரோப்பாவின் சில பகுதிகளிலும் தெரியும் என்று வானவியல் நிபுணர்கள் தெரிவித்தனர்.


தமிழகத்தில் கொரோனா நோய் பரவல் காரணமாகக் கோயில்களில் பக்தர்கள் தரிசனத்துக்குத் தடை விதிக்கப்பட்டு, பூஜைகள் மட்டும் நடத்தப்பட்டு வருகின்றன. இந்நிலையில், சூரிய கிரகணத்தை முன்னிட்டு கோயில்களின் கருவறை நடை சாத்தப்பட்டு, காலை பூஜைகளும் ரத்து செய்யப்பட்டன. கிரகணம் முடிந்ததும் நடை திறக்கப்பட்டு, கோயில் பிரகாரங்கள் அனைத்தும் சுத்தம் செய்த பின்பு வழக்கமான பூஜைகள் நடைபெறும் என்று அர்ச்சகர்கள் தெரிவித்தனர்.

சூரிய கிரகணம் குறித்து, சென்னையில் உள்ள பிர்லா கோளரங்கத்தின் இயக்குனர் சவுந்திரராஜ பெருமாள் கூறியதாவது:சூரியனைவிட மிகவும் சிறிய கோள் சந்திரன். ஆனாலும், அது பூமிக்கு அருகே இருப்பதால் பெரியதாகத் தெரிகிறது. இதனால் தான், முழு சூரிய கிரகணத்தின் போது சூரியனைச் சந்திரன்(நிலா) முழுமையாக மறைப்பதாகத் தெரிகிறது.சூரியனில் இருந்து வெகு தொலைவில் சந்திரன் உள்ள போது, அது சூரியனின் தோற்றத்தை விடச் சிறியதாக இருக்கும். அப்போது கிரகணம் நேர்ந்தால் சூரியனைச் சந்திரனால் முழுமையாக மறைக்க இயலாது. ஒரு வளையம் போலச் சூரியனின் வெளி விளிம்பு மட்டும், கிரகணத்தின் போது வெளியே தெரியும். அதனால்தான், இதை கங்கண சூரியகிரகணம் அல்லது வளையச் சூரியகிரகணம் என்று சொல்கிறோம். இது இந்தியாவில் ராஜஸ்தான், அரியானா, உத்தரகாண்ட் மாநிலங்களில் நன்கு தெரியும். தமிழகத்தில் சென்னை, வேலூர், கோவை, திருச்சி, மதுரை, கன்னியாகுமரி பகுதிகளில் தெரியும்.


சென்னையில் காலை 10.22 மணிக்கு தொடங்கி பகல் 1.41 மணி வரை தெரியும். அதிகபட்ச கிரகணம் பகல் 11.58 மணிக்குத் தெரியும். வெறும் கண்ணால் சூரியனை நேரடியாகப் பார்க்கக் கூடாது. அது கண்களைப் பாதிக்கும். இதற்காக பிரத்யேகமாக வடிவமைக்கப்பட்ட கண்ணாடிகளைப் பயன்படுத்தலாம். ஊரடங்கு காரணமாக இந்த முறை பிர்லா கோளரங்கத்தில் இருந்து கிரகணத்தைப் பார்க்க ஏற்பாடு செய்யப்படவில்லை.
இவ்வாறு சவுந்திரராஜ பெருமாள் கூறினார்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST