பிரியங்கா வசித்த பங்களா.. பாஜக எம்.பி.க்கு ஒதுக்கீடு.. லக்னோவில் குடியேறும் பிரியங்கா..

by எஸ். எம். கணபதி, Jul 6, 2020, 14:18 PM IST

டெல்லியில் அரசு பங்களாவை காலி செய்யும் காங்கிரஸ் பொதுச் செயலாளர் பிரியங்கா காந்தி, லக்னோவில் குடியேற முடிவு செய்திருக்கிறார். அவர் வசித்த டெல்லி பங்களா தற்போது பாஜகவின் ஊடகப் பிரிவு தலைவருக்கு ஒதுக்கப்பட்டுள்ளது.முன்னாள் பிரதமர் ராஜீவ்காந்தி மறைவுக்குப் பிறகு அவரது குடும்பத்திற்குப் பாதுகாப்பு அளிக்கப்பட்டது. அதன் பிறகு, பிரியங்கா காந்தி, ராகுல்காந்தி ஆகியோருக்கு தனித்தனியாகக் கருப்பு பூனை படை என்றழைக்கப்படும் எஸ்.பி.ஜி. பாதுகாப்பு அளிக்கப்பட்டது. அப்போது இந்த பாதுகாப்பில் உள்ளவர்களுக்கு அரசு பங்களா ஒதுக்கப்படும். அதனடிப்படையில், கடந்த 1997ம் ஆண்டு பிப்ரவரியில் டெல்லி லோதி எஸ்டேட் சாலையில் 35ம் நம்பர் பங்களா, பிரியங்கா காந்திக்கு ஒதுக்கப்பட்டது.


கடந்த நவம்பர் மாதத்தில் சோனியா, ராகுல், பிரியங்கா ஆகியோருக்கு அளிக்கப்பட்ட எஸ்பிஜி பாதுகாப்பை மத்திய அரசு வாபஸ் பெற்றது. அதற்குப் பதிலாக அவர்களுக்கு இசட் பிளஸ் பாதுகாப்பு அளிக்கப்பட்டது. இதைத் தொடர்ந்து, அரசு பங்களாவை ஒரு மாதத்திற்குள் காலி செய்யுமாறு பிரியங்கா காந்திக்கு மத்திய அரசு நோட்டீஸ் அனுப்பியது. இதையடுத்து, பிரியங்கா காந்தி வாடகைப் பாக்கித் தொகை 3 லட்சத்து 46,677 ரூபாயை ஆன்லைனில் செலுத்தினார். மேலும், இம்மாத இறுதியில் வீட்டை காலி செய்வதாகக் கூறியுள்ளார்.

பிரியங்கா காந்தி வசித்த பங்களாவுக்குக் கடைசியாக மாதம் ரூ.35 ஆயிரம் வாடகை செலுத்தி வந்தார். ஆரம்பத்தில் அதற்கு ரூ.53 ஆயிரம் வாடகை நிர்ணயிக்கப்பட்டிருந்தது. தன்னால் அவ்வளவு வாடகை தர இயலவில்லை என்று கூறி, அதைக் குறைக்குமாறு மத்திய அரசிடம் கோரியிருந்தார். கடந்த 2003ல் வாஜ்பாய் தலைமையிலான பாஜக அரசு அதை ஏற்றுக் கொண்டு, ரூ.8800 என்ற அளவுக்குக் குறைத்தது. அதன்பிறகு, வருடந்தோறும் வாடகை உயர்த்தப்பட்டு, கடைசியாக ரூ.35 ஆயிரம் வசூலிக்கப்பட்டது.


இந்நிலையில், அந்த பங்களா, பாஜகவின் ஊடகப் பிரிவு தலைவர் அனில் பலூனிக்கு ஒதுக்கப்பட்டுள்ளது. எம்.பி.யாக உள்ள அவர் மருத்துவக் காரணங்களைக் கூறி, தனி பங்களா ஒதுக்குமாறு அரசிடம் கேட்டிருந்தார். அதனால், அவருக்கு ஒதுக்கப்பட்டுள்ளது.
இம்மாத இறுதியில் பங்களாவை காலி செய்யும் பிரியங்கா காந்தி, உத்தரப்பிரதேச மாநிலத் தலைநகர் லக்னோவில் குடியேறவிருக்கிறார். ஏற்கனவே அடுத்த ஆண்டு நடைபெறவுள்ள உ.பி. சட்டமன்றத் தேர்தலைக் கருத்தில் கொண்டு, அவர் மாதந்தோறும் அம்மாநிலத்திற்குச் சென்று கொண்டிருந்தார். இப்போது லக்னோவில் நிரந்தரமாகக் குடியேற முடிவு செய்திருக்கிறார். லக்னோவில் கோகலே மார்க் பகுதியில் இந்திராகாந்தியின் அத்தை ஷீலா கவுலுக்குச் சொந்தமான பங்களா, காலியாக உள்ளது. அந்த பங்களாவைப் பிரியங்கா காந்தி குடும்பத்திற்காகத் தயார் செய்யும் பணி தொடங்கியிருக்கிறது. சோனியா காந்தி, ராகுல்காந்தி ஆகியோர் எம்.பி.க்களாக உள்ளதால், அவர்கள் வசிக்கும் அரசு பங்களாக்களை காலி செய்யச் சொல்லப்படவில்லை.


Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More India News