கோடிக்கணக்கில் மோசடி.. மெரிடியோ டிரேடிங் கம்பெனி நிர்வாக இயக்குனர் கைது.. பங்குதாரர்களுக்கு போலீஸ் வலை..

by எஸ். எம். கணபதி, Jul 7, 2020, 11:02 AM IST

மக்களிடம் கவர்ச்சிகரமாக விளம்பரம் செய்து, கோடிக்கணக்கில் முதலீடுகளைப் பெற்ற மெரிடியோ டிரேடிங் கம்பெனி நிர்வாக இயக்குனர் சரவணன் கைது செய்யப்பட்டார். தலைமறைவான மற்ற பங்குதாரர்களை போலீசார் தேடி வருகின்றனர்.சென்னை மற்றும் கோவையில் இயங்கி வந்த மெரிடியோ டிரேடிங் கம்பெனி(Meridio Trading Corporation), நூற்றுக்கணக்கான முதலீட்டாளர்களிடம் பல கோடி ரூபாய் வசூலித்து பங்குச் சந்தை மற்றும் தங்கம், வெள்ளி, கச்சா எண்ணெய் நிறுவனச் சந்தைகளில் வர்த்தகம் செய்து வந்தது. மாதந்தோறும் முதலீட்டுத் தொகையில் குறைந்தபட்சம் 10 சதவீதத்தை லாபமாகத் தருவதாக இந்த கம்பெனி ஒப்பந்தம் செய்ததை நம்பி, பலரும் இதில் லட்சக்கணக்கில் முதலீடு செய்தனர்.

இதன் நிர்வாக இயக்குனராக கோபிசெட்டிபாளையம் அம்பிகா நகரில் வசித்த ஜி.சரவணன், பங்குதாரர்களாக ஈரோடு மாவட்டம், கருங்கல்பாளையம் கிருஷ்ணமூர்த்தி தோட்டத்தில் வசித்த ரவிக்குமார், கோபிசெட்டிபாளையம் மாதேஸ்வரன் கோயில் தெருவில் உள்ள வாசு லேஅவுட்டில் வசித்த எம்.வி.மகாதேவன் ஆகியோர் உள்ளனர். இவர்கள் பல மாதங்களாக முதலீட்டாளர்களுக்கு மாதாந்திர லாபத் தொகையும் தராமல், முதலீட்டுப் பணத்தையும் திருப்பி தராமல் மோசடி செய்து வந்தனர்.

கடந்த ஜனவரி மாதமே இந்த மோசடி கம்பெனியை பற்றி செய்தி வெளியிட்டிருந்தோம். வாசிக்க : கோடிக்கணக்கில் வசூலித்து மோசடி.. மெரிடியோ டிரேடிங் கம்பெனி மீது முதலீட்டாளர்கள் பகீர் புகார்..?.

பின்னர், நிர்வாக இயக்குனர் சரவணன், பங்குதாரர்கள் ரவிக்குமார், வைத்தீஸ்வரன், மகாதேவன் ஆகியோர் மொத்தப் பணத்தையும் எடுத்துக் கொண்டு தலைமறைவாகி விட்டனர். இதையடுத்து, பலரும் இவர்கள் மீது போலீசில் புகார் கொடுக்கத் தொடங்கினர்.

கோவை ஒண்டிப்புதூர் காமாட்சி புரத்தைச் சேர்ந்த கருணை லெனின் என்பவர் தன்னிடம் ரூ.1.5 லட்சம் மோசடி செய்து விட்டதாகப் புகார் கொடுத்திருந்தார். இதனடிப்படையில் கோவை பொருளாதாரக் குற்றப்பிரிவு காவலர் மோசடி வழக்குப் பதிவு செய்து நிர்வாக இயக்குனர் சரவணனைக் கைது செய்தனர். மேலும், தலைமறைவான மற்ற பங்குதாரர்களையும் வலை வீசி தேடி வருகின்றனர். இந்த மோசடிப் பேர்வழிகள் சுமார் நான்கைந்து கோடி வரை மக்களிடம் வசூலித்திருக்கலாம் எனத் தெரிய வந்துள்ளது.

இது குறித்து, கோவையைச் சேர்ந்த முதலீட்டாளர் கூறியதாவது:நானும், எனது நண்பர்களும் இந்த நிறுவனத்தில் ரூ.3 லட்சத்திற்கு மேல் முதலீடு செய்திருக்கிறோம். இந்த நிறுவனம் ஆரம்பத்தில் வாடிக்கையாளர்களுக்கு முறையாக 10 சதவீத பணத்தை லாபமாக அளித்து வந்தது. ஆனால், அதற்குப் பிறகு வாடிக்கையாளர்களுக்கு மாதாந்திர லாபத்தையும் தராமல், முதலீட்டுப் பணத்தையும் திருப்பித் தராமல் ஏமாற்றத் தொடங்கினர். பணத்தைத் திருப்பி கேட்ட முதலீட்டாளர்களை, நிறுவனத்தில் பணியாற்றும் சில ஊழியர்களைக் கொண்டு மிரட்டினர். எப்படியாவது பணத்தை மீட்க வேண்டுமென்பதற்காகப் பலரும் புகார் கொடுக்காமல் காத்திருந்தனர். ஆனால், தற்போது ஒரு புகாரில் சரவணன் மட்டும் கைது செய்யப்பட்டுள்ளார். மற்றவர்களையும் கைது செய்ய வேண்டும். மேலும், அவர்களின் சொத்துக்களைப் பறிமுதல் செய்து விற்று, முதலீட்டாளர்களுக்கு அவர்களின் தொகையைத் திருப்பித் தர வேண்டும். இதற்காக முதலீட்டாளர்கள் ஒன்று சேர்ந்து சட்டரீதியாக முயற்சிகளை மேற்கொள்ள வேண்டும்
இவ்வாறு அவர் தெரிவித்தார்.

இந்த பதிவை வாசிக்கிற நீங்களும் இந்நிறுவனத்தால்(Meridio Trading Corporation) பாதிக்கப்பட்டிருந்தால் +91 90031 05904 என்ற எண்ணைத் தொடர்பு கொண்டு தங்கள் கருத்துக்களைத் தெரிவிக்கலாம்.


Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More India News