சச்சின் பைலட் திட்டத்தை முறியடித்தது எப்படி? அசோக் கெலாட் பேட்டி..

by எஸ். எம். கணபதி, Jul 18, 2020, 17:39 PM IST

துணை முதல்வராக இருந்த சச்சின் பைலட், ஒன்றரை வருடமாக தன்னிடம் பேசுவதே இல்லை என்று அசோக் கெலாட் கூறியுள்ளார். மேலும், பைலட்டின் திட்டத்தை முறியடித்தது எப்படி என்றும் கூறினார்.ராஜஸ்தானில் முதலமைச்சர் அசோக் கெலாட் தலைமையில் காங்கிரஸ் அரசு உள்ளது. அங்குத் துணை முதல்வராக இருந்த சச்சின் பைலட், முதல்வர் பதவி கேட்டு, கட்சித் தலைமைக்கு நெருக்கடி கொடுத்து வந்தார். இந்நிலையில், தனது ஆதரவு எம்.எல்.ஏ.க்களுடன் கட்சியை உடைத்து விட்டுச் செல்ல தீர்மானித்தார். அவரைக் கொண்டு கெலாட் அரசைக் கவிழ்க்க பாஜகவும் தீவிரமாகக் களமிறங்கியது. ஆனால், கடைசி நேரத்தில் பைலட்டுடன் 18 எம்.எல்.ஏ.க்கள் மட்டுமே பிரிந்து சென்றனர். அதனால், கெலாட் ஆட்சியைக் கவிழ்ப்பது புஸ் என்று போய் விட்டது.

இந்நிலையில் ராஜஸ்தான் முதலமைச்சர் அசோக் கெலாட் இன்று(ஜூலை18) தனியார் தொலைக்காட்சிக்கு அளித்த பேட்டியில் கூறியிருப்பதாவது:துணை முதல்வராகப் பதவியேற்ற சச்சின் பைலட் பதவியேற்றது முதல் கடந்த ஒன்றரை வருடமாக என்னிடம்(முதல்வர்) பேசுவதே இல்லை. ஒரு அமைச்சர் முதல்வரிடம் பேசுவதே இல்லை என்றால், எப்படி அவரது ஆலோசனையைக் கேட்பார்? ஜனநாயகத்தில் எதிர்க்கட்சிக்காரராக இருந்தாலும் பேசிக் கொள்ளாமல் இருக்க முடியாது.
நான் மாணவர் காங்கிரசில் இருந்து இளைஞர் காங்கிரசுக்கு வந்து கட்சியில் 3 முறை முதல்வராகவும், 3 முறை மத்திய அமைச்சராகவும், மாநில காங்கிரஸ் தலைவராகவும், கட்சியின் தேசிய செயலாளராகவும் இருந்திருக்கிறேன். எங்கள் தலைமுறை, கட்சிக்காகக் கடுமையாக உழைத்தது. விசுவாசமாக இருந்தது. இன்றைய தலைமுறை அப்படியில்லை. கட்சிக்குத் துரோகம் செய்யக் கூடாது.

கடந்த ஜூன் 10ம் தேதியன்று சச்சின் பைலட்டும் நள்ளிரவு 2 மணிக்கு டெல்லிக்குப் புறப்பட்டுச் சென்று, ஆட்சியைக் கவிழ்க்கத் திட்டமிட்டார்கள். நான் ராத்திரி ஒரு மணிக்கு எல்லா மாவட்டத்திற்கும் தொடர்பு கொண்டு கட்சிப் பிரமுகர்களை அழைத்தேன். மாவட்டக் கலெக்டர்களை தொடர்பு கொண்டு பேசினேன். மறுநாள் எல்லோரையும் ஜெய்ப்பூர் வரவழைத்தேன். அதற்குப் பிறகுதான், சச்சின் பைலட் முயற்சி முறியடிக்கப்பட்டது. இப்போதும் பாஜகவின் முயற்சிகளைக் கண்காணித்து வந்ததால், ஆட்சியைக் கலைக்க முடியவில்லை. எனக்கு 100 எம்.எல்.ஏ.க்கள் ஆதரவு இருக்கிறது. பைலட் பின்னால் 12 முதல் 15 எம்.எல்.ஏ.க்கள் தான் சென்றார்கள். அதை வைத்துக் கொண்டு ஆட்சியைக் கவிழ்க்க நினைப்பது சரியா?தான் பாஜகவில் சேரப் போவதில்லை என்று பைலட் கூறியிருக்கிறார். அப்படியானால் அவர் எப்போது வேண்டுமானாலும் காங்கிரசில் பணியாற்ற வரலாம். அவரை கட்டித் தழுவி வரவேற்கத் தயாராக இருக்கிறேன். பைலட்டுக்கு 3 வயது இருக்கும் போது நான் முதல் முறையாக எம்.பி.யாக தேர்ந்தெடுக்கப்பட்டேன். அப்போது முதல் அவரது குடும்பத்தினருடன் நெருங்கியத் தொடர்பு உண்டு.

இவ்வாறு கெலாட் கூறியுள்ளார்.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More India News