நாடாளுமன்ற குளிர்கால கூட்டத் தொடரில் சமூக இடைவெளி..

by எஸ். எம். கணபதி, Jul 21, 2020, 09:53 AM IST

நாடாளுமன்ற குளிர்கால கூட்டத் தொடரைத் தொடங்குவது குறித்தும், கொரோனா தொற்று பரவாமல் தடுக்க சமூக இடைவெளி பின்பற்றி இருக்கைகள் அமைப்பது குறித்தும் சபாநாயகர் ஓம் பிர்லாவுடன், ராஜ்யசபா தலைவர் வெங்கய்யா நாயுடு ஆலோசனை நடத்தினார்.பிரதமர் நரேந்திர மோடி தலைமையிலான பாஜக அரசு, 2வது முறையாகப் பதவியேற்றதும் கடந்த ஆண்டு நடைபெற்ற முதல் நாடாளுமன்ற கூட்டத் தொடரில் மக்களவையில் 35 சட்ட மசோதாக்களும், மாநிலங்களவையில் 32 சட்ட மசோதாக்களும் நிறைவேற்றப்பட்டன. அதற்கு எதிர்க்கட்சிகள் தரப்பில் எதிர்ப்பு கிளம்பியது. இதன்பின், இந்த ஆண்டு பட்ஜெட் கூட்டத் தொடரில் பல்வேறு புதிய சட்டங்கள் மீதும் நீண்ட விவாதங்கள் நடைபெற்றன.

இந்நிலையில், கொரோனா வைரஸ் நோய் இந்தியாவில் பரவத் தொடங்கியதால், பட்ஜெட் கூட்டத் தொடர் அவசரமாக முடிக்கப்பட்டது. இதன் தொடர்ச்சியாக, கொரோனா பரவல் அதிகமாகி வருவதால், நாடாளுமன்றக் குழுக்களின் கூட்டங்களும் நடைபெறவில்லை. இந்த கூட்டங்களைக் காணொலி காட்சி மூலம் நடத்த வேண்டுமென்று காங்கிரஸ் உள்ளிட்ட எதிர்க்கட்சிகள் வலியுறுத்தி வருகின்றன.இதற்கிடையே, நாடாளுமன்ற குளிர்கால கூட்டத் தொடரைத் தொடங்குவது குறித்து குடியரசு துணைத் தலைவரும், ராஜ்யசபா தலைவருமான வெங்கய்யா நாயுடுவும், லோக்சபா சபாநாயகர் ஓம் பிர்லாவும் நேற்று(ஜூலை20) 2 மணி நேரம் ஆலோசனை நடத்தினர்.

அப்போது, நாடாளுமன்றத்தில் உறுப்பினர்களிடையே சமூக இடைவெளி பின்பற்றி இருக்கைகளை மாற்றியமைப்பது குறித்து விவாதித்தனர். மேலும், லோக்சபா கூடும் போது அதன் உறுப்பினர்களுக்கு ராஜ்யசபா இருக்கைகளையும் பயன்படுத்திக் கொள்வது என்றும் ராஜ்யசபா கூடும் போது அதன் உறுப்பினர்களுக்கு லோக்சபா இருக்கைகளையும் பயன்படுத்திக் கொள்வது என்று யோசிக்கப்பட்டது.இந்நிலையில், ராஜ்யசபாவுக்கு புதிதாகத் தேர்வு செய்யப்பட்டுள்ள உறுப்பினர்கள் நாளை(ஜூலை21) பதவியேற்க ஏற்பாடு செய்யப்பட்டிருக்கிறது. புதிய உறுப்பினர்கள் 61 பேரில் 42 பேர் நாளை பொறுப்பேற்றுக் கொள்ள வருவதாகக் கூறியிருக்கின்றனர். கொரோனா காரணமாக வர முடியாத மற்றவர்கள், பின்னர் பதவியேற்பார்கள்.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More India News