மறைந்த திமுக தலைவர் கருணாநிதியின் பாணியை பின்பற்றி தம்மை விமர்சித்த மக்கள் நீதி மய்யத்தின் தலைவர் கமல்ஹாசனுக்கு பதிலடி கொடுத்துள்ளார் மு.க.ஸ்டாலின்.
கிராமசபை கூட்டங்களை தம்மை பார்த்து திமுக காப்பிடியப்பதாக கமல் கிண்டலடித்திருந்தார். இதற்கு திமுக தரப்பில் அடுக்கடுக்கான மறுப்புகள் ஆதாரங்களுடன் முன்வைக்கப்படுகின்றன.
இந்நிலையில் புதுவையில் முதல்வர் நாராயணசாமி நடத்தி வரும் ஆளுநருக்கு எதிரான போராட்டத்துக்கு நேரில் சென்று ஆதரவு தெரிவித்தார் ஸ்டாலின். அப்போது செய்தியாளர்கள் சந்திப்பில் நடந்த நிகழ்வை எழுத்தாளர் வே. மதிமாறன் இப்படி பதிவு செய்துள்ளார்.
”அப்படியே கலைஞர்
தெளிவா புரியர கேள்வியைச் சின்ன ஓசையில் ‘…..’ புரியாத பாவனையில் கேட்பதும், அதை இரண்டாவது முறை கேட்கும் இடைவேளையில் நச்ன்னு ஒரு பதிலை யோசித்து வீசுவதும் கலைஞருக்கு மட்டுமே உரிய சமயோசித பத்திரிகையாளர் சந்திப்பு.
அதை அப்படியே நிகழ்த்தி விட்டார் திமுக தலைவர் ஸ்டாலின். இதில் உச்சம் திரு. நாராயணசாமியின் சிரிப்பு.
மெல்ல துவங்கி சத்தமா வெடிக்கும் அந்தக் கேலிச் சிரிப்பு; இந்தச் சிரிப்புக்குப் பதில் அவர் கமலை கெட்ட வார்த்தையில் திட்டியிருந்தால் கூட இவ்வளவு அவமானப்படுத்தியிருக்க முடியாது.
இவ்வாறு மதிமாறன் பதிவிட்டுள்ளார்.
