வருமான வரித்துறை சோதனையை ஆயுதமாக திமுக போடும் பக்கா ப்ளான்

by Suganya P, Apr 5, 2019, 13:20 PM IST

வருமான வரித்துறையின் அதிரடி சோதனையை முன்வைத்து, வேலூர் மக்களிடம் அனுதாப ஓட்டுகளை அள்ள முழுவீச்சில் இறங்க திமுகவினர் திட்டமிட்டுள்ளது.

வேலூர் மக்களவை தொகுதியில், திமுக சார்பில் கதிர் ஆனந்த் போட்டியிடுகிறார். அவரை, எதிர்த்து அதிமுக கூட்டணிக் கட்சி வேட்பாளர் ஏ.சி சண்முகம், அமமுக வேட்பாளர் கே.பாண்டுரங்கள் உள்ளிட்டோர் போட்டியிடுகின்றனர். தேர்தல் தேதி நெருங்கிவிட்டதால், தீவிர பிரசாரத்தில் வேட்பாளர்கள்  ஈடுபட்டிருக்கின்றனர். இந்நிலையில், நான்கு நாட்களுக்கு முன்பு, திமுக பொருளாளர் துரைமுருகன் வீட்டில் இரவில் வருமான வரித்துறையினர் அதிரடி சோதனையில் இறங்கினர். இதைத் தொடர்ந்து, துரைமுருகனின் மகன் கதிர் ஆனந்த்துக்கு சொந்தமான கல்லூரி போன்ற இடங்களில் சோதனை நடத்தப்பட்டது.

முன்னதாக, தேர்தலில் தனது மகனை வெற்றி பெறச்செய்ய வேண்டும் என்ற முனைப்பில்  வேலூரில் முகாமிட்டிருந்தார் துரைமுருகன். வருமான வரித்துறையினரின் இந்த அதிரடியால், தொகுதி பிரசாரத்தில் தலைகாட்டாமல் வீட்டிற்குள் முடங்கும் நிலை ஏற்பட்டது. இதனால், வேலூரில் திமுகவின் பிரசாரம் பெரிய அளவில் பாதிக்கப்பட்டது. அடிமட்ட தொண்டர்களே கதிர் ஆனந்த்திற்காகப் பிரசாரம் செய்தனர். இது திமுகவுக்குப் பின்னடைவாகவும் அமைந்தது.

இந்நிலையில், வேலூர் தொகுதிக்கு உட்பட்ட சில பகுதியில் தற்போது பிரசாரத்தை தொடங்கியுள்ளார் கதிர் ஆனந்த். இதனிடையில், வருமான வரித்துறை சோதனை நடத்தியதால் சில வழக்கு, விசாரணைகளை எதிர்கொள்ளும் நிலையில் துரைமுருகன் இருக்கிறார். அதனால், தனது வழக்கறிஞர்களிடம் ஆலோசனையில் ஈடுபட்டுள்ளார். ஆனதால், நாளைதான் துரைமுருகன் தனது பிரசாரத்தைத் தொடங்குவார் என திமுக வட்டாரங்கள் தெரிவிக்கின்றன.

மேலும், வருமான வரித்துறை நடத்திய சோதனையைப் பிரசாரத்தில் ஆயுதமாக மாற்ற ‘பக்கா ப்ளான்’ போடப்பட்டுள்ளதாக திமுக வட்டாரங்கள் கூறுகின்றனர். இதனால், மக்களின் அனுதாப ஓட்டுகளை எளிதில் அள்ளிவிடலாம் என்கின்றனர்.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Politics News