எம்.எல்.ஏ விடுதி..! அமைச்சரின் அறை...! நள்ளிரவு சோதனை...! பிடிபட்டது என்ன? ரகசியம் காக்கும் அதிகாரிகள்

by Nagaraj, Apr 15, 2019, 10:00 AM IST

சென்னையில் எம்.எல்.ஏ க்கள் தங்கும் விடுதியில் நள்ளிரவில் வருமான வரித்துறை மற்றும் தேர்தல் பறக்கும் படையினர் அதிரடி சோதனை நடத்தினர். வருவாய்த்துறை அமைச்சர் ஆர்.பி.உதயக்குமாரின் அறையை குறிவைத்து நடத்தப்பட்ட இந்தச் சோதனையில் என்ன பிடிபட்டது என்பது பற்றிய தகவல் வெளியிடப்படாமல் ரகசியம் காக்கப்படுவதால் பெரும் சந்தேகம் எழுந்து சர்ச்சை நீடிக்கிறது.

தேர்தலுக்கு இன்னும் மூன்றே நாட்கள் உள்ள நிலையில் ஊரெங்கும் ஓட்டுக்கு பணப்பட்டுவாடா என்பது தான் ஒரே பேச்சாக உள்ளது. கடைசி நிமிடத்தில் வாக்காளர்களின் கைகளில் பணத்தை எப்படியாவது திணித்து ஓட்டுக்களை மடைமாற்ற வேண்டும் என்பதில் தான் பிரதானக் கட்சிகள் அனைத்தும் தீவிரம் காட்டுகின்றன.

இதனால் பட்டுவாடா செய்வதற்காக ஆங்காங்கே பத்திரமாக பதுக்கி வைத்துள்ள பணக்கட்டுகளையும், பரிசுப் பொருட்களையும் வெளியில் எடுக்க ஆரம்பித்துள்ளனர். இவற்றை மோப்பம் பிடிக்கும் எதிர்த்தரப்பினர் வருமான வரித்துறை மற்றும் தேர்தல் பறக்கும் படையினருக்கும் போட்டுக் கொடுப்பதால் ஆங்காங்கே கோடிக்கணக்கில் பணம் பிடிபடவும் செய்கிறது.

இது போன்ற ஒரு தகவல் தான் நேற்று நள்ளிரவில் சென்னை ஓமந்தூரார் அரசினர் தோட்டத்தில் உள்ள எம்எல்ஏக்கள் விடுதியில் அதிரடி சோதனை நடத்தப்பட்டது.குறிப்பாக சி பிளாக்கில் உள்ள வருவாய்த்துறை அமைச்சர் ஆர்.பி.உதயக்குமாரின் அறையிலும் அதை ஒட்டியுள்ள 4 அறைகளிலும் குறிவைத்து சோதனை நடத்தினர்.2 மணி நேரத்திற்கும் மேல் சோதனை நடத்தி விட்டு அதிகாரிகள் திரும்பிச் சென்றனர். அமைச்சரின் அறையில் என்னென்ன கைப்பற்றப்பட்டது என்பது குறித்து எதுவுமே தெரிவிக்கப்படாமல் ரகசியம் காக்கப்படுவதால் சர்ச்சையாகியுள்ளது.

இந்தத் தேர்தலில் தேனி மக்களவைத் தொகுதியில் போட்டி யிடும் துணை முதல்வர் ஒ.பன்னீர்செல்வத்தின் மகன் ரவீந்திரநாத்தை எப்படியாவது வெற்றி பெற வைக்க வேண்டும் என வருவாய்த்துறை அமைச்சர் ஆர்.பி.உதயக்குமார் கங்கணம் கட்டிக் கொண்டு தீவிரமாக தேர்தல் பணியாற்றி வருகிறார். இதற்காக மதுரை புறநகர் மாவட்டத்தை இரண்டாகப் பிரித்து மதுரை புறநகர் மேற்கு மாவட்ட அதிமுக செயலாளர் பொறுப்பும் சில நாட்களுக்கு முன் உதயக்குமாருக்கு வழங்கப்பட்டுள்ளது.

மதுரை புறநகர் மேற்கு மாவட்டத்தில் தேனி மக்களவைத் தொகுதிக்குட்பட்ட சோழவந்தான், உசிலம்பட்டி தொகுதிகளுக்கான தேர்தல் பொறுப்பு உதயக்குமாரிடம் வழங்கப்பட்டுள்ளது. மேலும் விருதுநகர் மக்களவைத் தொகுதியில், அமைச்சர் உதயக்குமாரின் சொந்த தொகுதியான திருமங்கலம் தொகுதியும் அடங்கும். இதனால் இந்தத் தொகுதிகளில் வாக்காளர்களுக்கு கொடுப்பதற்கான கோடிக்கணக்கான பணம் அமைச்சரின் அறையில் பதுக்கி வைக்கப்பட்டுள்ளதாக வந்த ரகசிய தகவலை அடுத்தே சோதனை நடத்தப்பட்டதாக கூறப்படுகிறது.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Politics News