ஜெகன்மோகன் ரெட்டியின் உதவியாளர் எனக் கூறி பல லட்சம் மோசடி..! 4 பேர் கொண்ட கும்பல் சிக்கியது

Jun 20, 2019, 15:48 PM IST

விசாகப்பட்டினம் காவல்துறை துணை ஆணையர் மகேஷ் சந்திரா லட்டா இன்று செய்தியாளர்களுக்கு அளித்த பேட்டியில், ஆந்திர முதல்வர் ஜெகன்மோகன் ரெட்டி மற்றும் எதிர்க்கட்சித் தலைவர் சந்திரபாபு நாயுடுவின் உதவியாளர்கள் என கூறி தற்போதைய எம்.எல்.ஏ முன்னாள் எம்எல்ஏ என பலரிடம் மோசடியில் ஈடுபட்டு பணம் பெற்று ஏமாற்றி வந்த 4 பேர் கொண்ட கும்பலை கைது செய்துள்ளதாக தெரிவித்தார்.

மே 7-ம் தேதி தெலுங்குதேச கட்சியின் பெந்துர்த்தி தொகுதி எம்எல்ஏ சத்திய நாராயணவை தொடர்பு கொண்ட நபர், தாம் சந்திரபாபு நாயுடு உதவியாளர் ஸ்ரீநிவாஸ் பேசுவதாகவும், உடனடியாக 10 லட்ச ரூபாய் வழங்க வேண்டும் எனவும் இரவு சந்திரபாபு நாயுடு போன் செய்வார் என்று பேசியுள்ளார்.

இதையடுத்து சத்யநாராயண தனது டிரைவர் சன்னியாசி நாயுடு மூலமாக பணத்தை அவர்கள் கூறிய முகவரிக்கு சென்று வழங்கினர். பின்னர் முதல்வரின் உதவியாளர் ஸ்ரீனிவாசக்கு போன் செய்து நீங்கள் கூறியபடி பணத்தை வழங்கி விட்டதாக தெரிவித்துள்ளார். ஆனால் பணம் கேட்டு நான் போன் செய்யவில்லை என ஸ்ரீனிவாஸ் சத்தியநாராயணாவிற்கு தெரிவித்தார்.

பின்னர் மோசடி செய்து ஏமாற்றியதை அறிந்த எம்.எல்.ஏ சத்திய நாராயணா இதுகுறித்து சைபர் கிரைம் போலீசில் புகார் அளித்தார். இதுகுறித்து போலீசார் புகார் பதிவு செய்து விசாரணை நடத்தி வந்த நிலையில் ஜுன் 6-ம் தேதி தற்போதைய முதல்வர் ஜெகன்மோகன் ரெட்டி உதவியாளர் நாகேஷ்வர ரெட்டி எனக்கூறி, ஸ்ரீகாகுளம் மாவட்டம் பலாசா தொகுதி எம்எல்ஏ அப்பாராஜ்க்கு போன் செய்து 15 லட்ச ரூபாய் பெற்றுள்ளார் மர்ம நபர்.

பின்னர் அவை மோசடி போன் கால் என தெரியவந்தது. இதை அடுத்து போலீசில் புகார் அளித்தார். இது போன்று விசாகப்பட்டினம் தெற்கு எம்எல்ஏ வாசுபள்ளி கணேஷ், ஒய்.எஸ்.ஆர். காங்கிரஸ் கட்சியின் ஒருங்கிணைப்பாளர் ஹர்ஷவர்தன் ரெடி , முன்னாள் எம்எல்ஏ சுப்பராஜ் ஆகிய 5 பேர் அளித்த புகாரின்படி போலீசார் வழக்கு பதிவு செய்து விசாரணையை தொடங்கி 4 பேர் கொண்ட மோசடி கும்பலை கைது செய்துள்ளதாக கூறினார்.

இதில் முதல் குற்றவாளியான விஷ்ணு என்கின்ற சாகர் பி.டெக் முடித்துள்ளதாகவும், அவர் தனது நண்பர்கள் தருண்குமார், ஜெயகிருஷ்ணா , ஜெகதீஷ் ஆகிய 4 பேருடன் கூட்டாக சேர்ந்து தொழில்நுட்பத்தை தவறாக பயன்படுத்தி பணம் சம்பாதிக்க வேண்டும் என்ற நோக்கில், இணையதள அழைப்பின் மூலமாக முக்கிய பிரமுகர்களின் செல்போன் எண் வழி வழியாக அவர்களுக்கே தெரியாமல முக்கிய பிரமுகர்களுக்கு போன் செய்து பணம் கேட்டு ஏமாற்று வேலைகளில் ஈடுபட்டுள்ளனர்.

இவர்களிடமிருந்து 5 லட்சத்து 80 ஆயிரம் ரூபாய் பணம், 28 கிராம் தங்கம், 20 கிராம் வெள்ளி, 5 செல்போன்கள் பறிமுதல் செய்யப்பட்டதாக போலிஸார் தெரிவித்துள்ளனர்.. 

- தமிழ் 

'ஒரே தேசம், ஒரே தேர்தல்' ; பிரதமர் மோடியின் கருத்துக்கு பிரதான கட்சிகள் எதிர்ப்பு - அதிமுகவும் ஒதுங்கியது


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST