அமமுகவை கட்சியாக பதிவு செய்ய விண்ணப்பம் .. ஆட்சேபனை இருந்தால் தெரிவிக்கலாம்

by Nagaraj, Jun 28, 2019, 20:17 PM IST

டிடிவி தினகரனின் அம்மா மக்கள் முன்னேற்ற கழகத்தை கட்சியாக பதிவு செய்ய தேர்தல் ஆணையத்தில் விண்ணப்பிக்கப்பட்டுள்ளது. இதனால் யாருக்கும் ஆட்சேபனை இருந்தால் தெரிவிக்கலாம் என தலைமை தேர்தல் ஆணையம் விளம்பரம் செய்துள்ளது.

ஜெயலலிதா மறைவுக்குப் பின் அதிமுகவில் இரு அணிகளாக பிளவு ஏற்பட்டது.திடீரென சசிகலா வகையறாக்களை கட்சியிலிருந்து நீக்கிய இபிஎஸ் அணி, ஓபிஎஸ் அணியை இணைத்து மீண்டும் ஒரே அதிமுக என அறிவித்தனர். தினகரன் தலைமையில் அமமுக கட்சி உருவானது. இந்த இணைப்பை ஏற்காத ஒரு தரப்பின் தினகரன் பின்னால் இந்தக் கட்சியின் அணிவகுத்தனர்.

ஆர்.கே.நகர் இடைத்தேர்தலில் சுயேட்சையாக போட்டியிட்ட தினகரன், குக்கர் சின்னத்தில் போட்டியிட்டு அமோக வெற்றி பெற்றதால் தினகரனுக்கு மவுசு அதிகரித்தது. இதனால் அம்மா மக்கள் முன்னேற்ற கழகம் என்ற கட்சியை தினகரன் தொடங்கினார். ஆனால் கட்சியை தேர்தல் ஆணையத்தில் பதிவு செய்யவில்லை. இதனால் தற்போது நடந்து முடிந்த மக்களவை மற்றும் சட்டப்பேரவை இடைத்தேர்தலில் குக்கர் சின்னம் கிடைப்பதில் சிக்கல் ஏற்பட்டது. உச்ச நீதிமன்றத்தில் தினகரன் தரப்பில் முறையீடு செய்தும், குக்கர் சின்னத்தை ஒதுக்க தேர்தல் ஆணையம் பிடிவாதமாக மறுத்து விட்டது. அதற்கு தேர்தல் ஆணையம் கூறிய காரணம், அமமுக கட்சியை இன்னும் பதிவு செய்யவில்லை என்பதுதான்.

இதனால் கட்சியை பதிவு செய்வதாக நீதிமன்றத்தில் உத்தரவாதம் கொடுத்த தினகரன், அனைத்து தொகுதிகளிலும் போட்டியிடும் தனது கட்சி வேட்பாளர்களுக்கு பொதுவான ஒரு சின்னம் கேட்டு, கடைசியில் போராடி பரிசுப் பெட்டகம் சின்னத்தை பெற்றனர்.

அமமுகவினர் பரிசுப் பெட்டகம் சின்னத்தை படு ஸ்பீடாக மக்களிடம் விளம்பரப்படுத்தினாலும் அச்சின்னம் தேர்தலில் கை கொடுக்கவில்லை. ஓட்டு எந்திரத்தில் சின்னத்தை அடையாளம் கண்டுபிடிப்பதே சிரமமாகிவிட்டது என்று அக்கட்சியினரே புலம்பினர்.இந்நிலையில் தான் தேர்தல் முடிந்தவுடன் கட்சியின் நிர்வாகிகள் கூட்டத்தைக் கூட்டி பொதுச் செயலாளராக தினகரன் தேர்வு செய்யப்பட்டதுடன், தேர்தல் ஆணையத்திலும் கட்சியை பதிவு செய்ய விண்ணப்பித்தனர்.

இதையடுத்து தேர்தல் ஆணையம் தரப்பில் அமமுக கட்சியை பதிவு செய்வது தொடர்பாக நாளிதழ்களில் ஒரு விளம்பரம் செய்துள்ளது. அதில், அமமுக என்ற பெயரில் ஒரு புதிய கட்சி பதிவு செய்ய விண்ணப்பம் வந்துள்ளது. இந்தக் கட்சியின் தலைவர் இன்னும் தேர்வு செய்யப்படவில்லை என்றும்,கட்சியின் பொதுச்செயலாளர் டிடிவி தினகரன் என்றும் பொருளாளர் அன்பழகன் என்றும் தெரிவிக்கப்பட்டுள்ளது. மேலும் இந்தக் கட்சியை பதிவு செய்யப்படுவது தொடர்பாக ஏதாவது ஆட்சேபனை இருந்தால் தேர்தல் ஆணைய மின்னஞசலுக்கு அனுப்பலாம் என்று அந்த விளம்பாத்தில் தெரிவிக்கப்பட்டுள்ளது.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST