என் உயிருக்கு ஆபத்து பாஜக எம்.எல்.ஏ. மகள் வெளியிட்ட அலறல் வீடியோ

by எஸ். எம். கணபதி, Jul 11, 2019, 11:29 AM IST

உத்தரப்பிரதேச மாநிலம், பெய்ரேலி மாவட்டம், பிதாரி செயின்பூர் தொகுதி எம்.எல்.ஏ. ராஜேஷ் மிஸ்ரா, பா.ஜ.க.வைச் சேர்ந்தவர். இவரது மகள் சாக்‌ஷி மிஸ்ரா(23), வீட்டில் இருந்து வெளியேறி விட்டார். அவர் தற்போது எங்கிருக்கிறார் எனத் தெரியவில்லை.

இந்நிலையில், சாக்‌ஷி ஒரு வீடியோ வெளியிட்டிருக்கிறார். அதில், தான் அஜிதேஷ் குமார்(24) என்ற தலித் வாலிபரை காதலித்து திருமணம் செய்து கொண்டதாகவும், இதனால் தனது தந்தை, சகோதரர் மற்றும் அவர்களது அடியாட்கள் மூலம் தங்களின் உயிருக்கு ஆபத்து ஏற்பட்டுள்ளதாகவும் பேசியிருக்கிறார்.

இன்னொரு வீடியோவில், பெய்ரேலி மாவட்டத்தில் உள்ள எம்.பி.க்கள், எம்.எல்.ஏ.க்கள் யாரும் தனது தந்தைக்கு உதவக்கூடாது என்றும் தங்்கள் உயிருக்கு பாதுகாப்பு ஏற்படுத்திக் கொடுக்க வேண்டும் என்றும் பேசியிருக்கிறார்.

இந்த 2 வீடியோக்களும் சமூக ஊடகங்களில் வைரலாக பரவி வருகிறது. இதையடுத்து, பெய்ரேலி டி.ஐ.ஜி.யான ஆர்.ேக.பாண்டே செய்தியாளர்களிடம் கூறுகையில், ‘‘அந்த பெண்ணும், அவரது காதலரும் எங்கிருக்கிறார்கள் என்பதை கண்டுபிடிக்க முயற்சித்து வருகிறோம். அவர்களுக்கு தகுந்த பாதுகாப்பு அளிக்க காவல்துறையினருக்கு உத்தரவிட்டுள்ளேன்’’ என்றார்.

சமீப காலமாக, பா.ஜ.க. ஆளும் மாநிலங்களில் அந்த கட்சியின் எம்.பி.க்களும், எம்.எல்.ஏ.க்களும் ஏதாவது சர்ச்சையில் சிக்கி, கட்சிக்கு கெட்டப் பெயர் ஏற்படுத்தி வருவது அதிகரித்துள்ளது. மத்திய பிரதேசத்தில் அக்கட்சி எம்.எல்.ஏ. ஆகாஷ் வர்கியா, நகராட்சி அலுவலரை கிரிக்கெட் பேட்டால் அடித்தார், உ.பி.யில் ஆக்ரா எம்.பி. ராம்சங்கர் கத்தாரியாவின் பாதுகாவலர் துப்பாக்கியால் சுட்டது, உத்தரகாண்டில் பா.ஜ.க. எம்.எல்.ஏ. குடிபோதையில் துப்பாக்கியுடன் டான்ஸ் ஆடியது என்று வரிசையாக வீடியோக்கள் சமூக ஊடகங்களில் வெளியாகி சர்ச்சையை ஏற்படுத்தியது குறிப்பிடத்தக்கது.

டோல் பிளாசாவில் தகராறு; துப்பாக்கியால் சுட்டு மிரட்டிய பாஜக எம்.பி.யின் பாதுகாவலர்


Speed News

  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST