வைகோ ஆன்டி நேஷனல் சசிகலா புஷ்பா திடீர் ஆவேசம்

by எஸ். எம். கணபதி, Jul 11, 2019, 13:46 PM IST

தேசத்திற்கு எதிராகவும், பிரதமருக்கு எதிராகவும் பேசும் வைகோவை நாடாளுமன்ற உறுப்பினராக பதவியேற்க அனுமதிக்கக் கூடாது என்று ராஜ்யசபா தலைவரான வெங்கய்யா நாயுடுவுக்கு சசிகலா புஷ்பா கடிதம் எழுதியுள்ளார்.

அதிமுகவில் திடீரென உச்சாணிக் கொம்புகளுக்கு வந்தவர்கள் பலர் உண்டு. அந்த வரிசையில் மகளிரணி தலைவி, தூத்துக்குடி மேயர், ராஜ்யசபா எம்.பி. என்று ஜெயலலிதா இருக்கும் போது மிக வேகமாக வளர்ந்தவர் சசிகலா புஷ்பா. கடந்த 2016ம் ஆண்டில் அவருக்கும், திமுகவைச் சேர்ந்த எம்.பி. திருச்சி சிவாவுக்கும் இடையே டெல்லி விமானநிலையத்தில் மோதல் ஏற்பட்டது. அதற்கு முன்பு, அவர்கள் நெருக்கமாக இருப்பது போன்ற வீடியோக்கள் வெளியாகி பரபரப்பை ஏற்படுத்தியிருந்தது.

இந்நிலையில், சசிகலா புஷ்பா திடீரென ஒரு நாள் நாடாளுமன்றத்தில் ஜெயலலிதாவுக்கு எதிராக பேசினார். தன்ைன ராஜினாமா செய்ய ஜெயலலிதா கட்டாயப்படுத்துவதாகவும், தனக்கு ஆபத்து ஏற்பட்டுள்ளதாகவும் பேசினார். இது பெரும் பரபரப்பை ஏற்படுத்தியது. அதையடுத்து அவர் அதிமுகவில் இருந்து நீக்கப்பட்டார். ஆனாலும் அதிமுக எம்.பியாக நீடித்த அவர், பல பிரச்னைகளை சந்தித்தார். டி.டி.வி.தினகரன் ஆதரவாளராக கொஞ்ச நாள் வலம் வந்தார். கடைசியில் அமைதியாக ஒதுங்கியிருந்தார்.

தற்போது திடீரென அவர் வைகோவுக்கு எதிராக ராஜ்யசபா தலைவரும், குடியரசு துணைத் தலைவருமான வெங்கய்ய நாயுடுவுக்கு ஒரு கடிதம் அனுப்பியுள்ளார். அதில் அவர், ‘‘தேசத்துரோக வழக்கில் வைகோவுக்கு சென்னை சிறப்பு நீதிமன்றம் ஓராண்டு சிறைத் தண்டனை அளித்து தீர்ப்பு கூறியுள்ளது. எனினும், 2 ஆண்டுகள் தண்டனை பெறவில்லை என்பதற்காக ராஜ்யசபா தேர்தலில் அவரது வேட்புமனுவை ஏற்றுக் கொண்டிருக்கிறார்கள். 2 ஆண்டு தண்டனை பெற்றவர்களைத்்தான், தகுதியிழப்பு செய்ய முடியும். ஆனாலும் கூட, தேசத்துரோக தண்டனை பெற்றவர்கள், ஜனநாயகக் கோவிலான நாடாளுமன்றத்திற்குள் வருவது நல்ல நடைமுறையாக இருக்காது. எனவே, அவர் எம்.பி. பதவியேற்க அனுமதிக்கக் கூடாது.

வைகோவுக்கு தண்டனை விதித்து தீர்ப்பு வந்தபின்பும் அவர் தான் தொடர்ந்து அப்படித்தான் செய்வேன் என்று பகிரங்கமாக கூறி வருகிறார். அதேபோல், தேசவிரோதமாகவும், பிரதமருக்கு எதிராகவும் பேசுகிறார். தமிழக மக்களிடையே பிரதமருக்கு எதிராக தவறான கருத்துக்களை கூறி வருகிறார். தேசவிரோதமாக(ஆன்டி நேஷனல்) செயல்படும் அவர் மீது தகுந்த நடவடிக்கை எடுக்க வேண்டும்’’ என்று கூறியிருக்கிறார்.

இது குறித்து, அதிமுக முக்கியப் பிரமுகர் ஒருவர் கூறுகையில், ‘‘சசிகலாபுஷ்பாவுக்கு அடுத்த ஆண்டு எம்பி பதவிக்காலம் முடிகிறது. இனி அதிமுகவில் மட்டுமின்றி வேறு கட்சிகளிலும் சேர்ந்து அரசியல் செய்வதற்கு சசிகலா புஷ்பாவுக்கு வாய்ப்பில்லை. அதனால் அவர் பா.ஜ.க. பக்கமாக போவதற்கு வாய்ப்பை ஏற்படுத்திக் கொள்ள முயற்சிக்கிறார். அதனால், வைகோவை சீண்டி பா.ஜ.க.வில் ஆழம் பார்க்கிறார்’’ என்றார்.

முழு பூசணிக்காயை சோற்றில் மறைப்பதா? மு.க.ஸ்டாலின் காட்டம்


Speed News

  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST