காஷ்மீர் சிறப்பு அந்தஸ்து பறிப்பு பிரச்னையை மேலும் சிக்கலாக்கும் தெஹ்லான் பாகவி கருத்து

by எஸ். எம். கணபதி, Aug 6, 2019, 09:36 AM IST

எஸ்டிபிஐ கட்சியின் தேசிய துணை தலைவர் தெஹ்லான் பாகவி வெளியிட்ட அறிக்கையில் கூறியிருப்பதாவது:

ஜனநாயக நெறிமுறைகளை காற்றில் வீசியெறிந்து வரும் மத்திய பாஜக அரசு, ஒரு மாபெரும் ஜனநாயக படுகொலையை காஷ்மீர் பிரிவு 370 சட்டப்பிரிவு நீக்கியதன் மூலம் நிகழ்த்தியுள்ளது. இதன்மூலம் முன்னாள் பிரதமர் நேரு, காஷ்மீர் மக்களுக்கும் ஐக்கிய நாடுகள் அவைக்கும் அளித்த வாக்குறுதியை முறித்து, காஷ்மீர் மக்களுக்கு மாபெரும் பச்சை துரோகத்தை நிகழ்த்தியுள்ளது மத்திய பாஜக அரசு.

பாகிஸ்தான் ஆக்கிரமிப்பு செய்த வேளையில், இந்தியாவை முற்றாக நம்பிய காஷ்மீர் மக்களுக்கு, ஏற்கனவே இருந்த காங்கிரஸ் அரசுகள் செய்த துரோகங்கள் தான் காஷ்மீர் பிரச்சினையை சிக்கலாக்கியது. பாஜக அரசின் இந்த சர்வாதிகார நடவடிக்கை மேலும் இப்பிரச்சினையை சிக்கலாக்கவும், சர்வதேச பிரச்சினையாகவும் மாற்றவுமே பயன்படும்.

காஷ்மீருக்கு மட்டுமே சிறப்பு அந்தஸ்து உள்ளது என்ற போலியான பிம்பம் உருவாக்கப்படுகிறது. மணிப்பூர், நாகாலாந்து உள்ளிட்ட வடகிழக்கு மாநிலங்களுக்கும் இதுபோன்ற பல்வேறு சிறப்பு அந்தஸ்துகள் வழங்கப்பட்டுள்ளன. ஆனால் அதைப்பற்றி பாஜக ஏன் பேசுவதில்லை?

காஷ்மீர் மாநிலத்துக்கு வழங்கப்பட்ட சிறப்பு அந்தஸ்துதான் அது இந்தியாவுடன் ஒருங்கிணைந்த பகுதி என்பதற்கான உறுதியை தருகிறது. அந்த ஒருங்கிணைப்பை உடைத்து நொறுக்கியுள்ளது மத்திய அரசு. மிகவும் பாரதூரமான பின்விளைவுகளை ஏற்படுத்தக்கூடிய இந்த நடவடிக்கை பற்றி அரசு ஏன் எதிர்கட்சிகளை கலந்து ஆலோசிக்கவில்லை? காஷ்மீர் மக்கள் பிரதிநிதிகளுடன், முன்னாள் ஆட்சியாளர்களுடன், அரசியல் கட்சிகளுடன் ஏன் விவாதிக்கவில்லை? இது மக்கள் அரசா? ராணுவ அரசா?

மக்களவை நடைபெற்றுவரும் காலத்தில் மக்களவைக்கு தெரிவிக்காமலேயே ஏற்கனவே ஒருமுடிவை எடுத்துவிட்டு ராணுவத்தை காஷ்மீரில் குவித்து, ஒரு நெருக்கடி நிலையை உருவாக்கிவிட்டு, மக்களவையில் ஒரு அறிவிப்பை மட்டும் செய்வது நாட்டின் நாடாளுமன்ற ஜனநாயகத்தை கேலி கூத்தாக்குவதை தவிர வேறேன்ன?
காஷ்மீருக்கு ஏன் சிறப்பு அந்தஸ்து என கேட்பவர்கள், மற்ற மாநிலங்களை போன்ற அந்தஸ்தை கொடுக்காமல் காஷ்மீரை யூனியன் பிரதேசமாக மாற்றுவது அம்மக்களுக்கு செய்யும் அநியாயம் என ஏன் சிந்திப்பதில்லை?

ஒரு மாநில மக்களுக்கு இழைக்கப்படும் அநீதியும் அக்கிரமும் அநியாயமும் துரோகமும் எப்படி நமது நாட்டில் அமைதியையும் ஒற்றுமையையும் உருவாக்கும்?.
சிறப்பு அந்தஸ்து மூலம் கார்ப்பரேட் முதலாளிகளிடமிருந்தும், பன்னாட்டு நிறுவனங்களிடமிருந்தும் காத்து வந்த காஷ்மீர் மண்ணை, பெரும் இயற்கை வளங்களை கொண்ட பூமியை இனி கூறுபோட்டு விற்கவும், அவர்கள் கொள்ளை அடிக்கவும் தான் இந்த நடவடிக்கையை மத்திய பாஜக அரசு மேற்கொண்டுள்ளதே தவிர, மற்ற மாநில மக்கள் அங்கு நிலம் வாங்குவதற்காக அல்ல.

நாடு ஏற்கனவே அச்சத்திலும், பொருளாதார பின்னடைவிலும் இருக்கும் நிலையில், அரசின் இந்த நடவடிக்கையினால் நிலைமை மேலும் சிக்கலாகும். மத்திய அரசின் இந்த ஜனநாயக படுகொலைகளுக்கு எனது வன்மையான கண்டனங்கள்.

இந்த விவகாரத்தில் மதங்களை கடந்து அனைத்து ஜனநயாக சக்திகளும் ஒன்றுபட்டு, காஷ்மீர் மக்களுக்கான உரிமைகளை காக்க முன்வர வேண்டும்.

இவ்வாறு தெஹ்லான் பாகவி கூறியுள்ளார்.

காஷ்மீர் தொடர்பான மசோதாக்கள் ; மாநிலங்களவையில் நிறைவேறியது


Speed News

  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST