மேட்டூர் அணை திறப்பின்போது குண்டு வெடிக்கும்.. முதல்வர் எடப்பாடிக்கு மிரட்டல்.. திருப்பூர் நபர் கைது

by Nagaraj, Aug 13, 2019, 13:00 PM IST

மேட்டூர் அணையை முதல்வர் எடப்பாடி பழனிச்சாமி திறக்க வரும் போது, வெடிகுண்டு வெடிக்கும் என போனில் மிரட்டல் விடுத்த திருப்பூரைச் சேர்ந்த நபர் கைது செய்யப்பட்டார்.

கர்நாடகாவில் பெய்த கன மழையால் அங்குள்ள அணைகள் அனைத்தும் நிரம்பின. இதனால் காவிரியில் கூடுதலாக திறக்கப்பட்ட தண்ணீரால் ஐந்தே நாட்களில் மேட்டூர் அணையும் நிரம்பும் நிலைக்கு வந்துள்ளது. இன்று காலை மேட்டூர் நீர்மட்டம் 100 அடியை தாண்டிய நிலையில், அணைக்கான நீர் வரத்தும் அதிகமாக உள்ளது.

இதையடுத்து டெல்டா பாசனத்துக்காக மேட்டூர் அணை இன்று காலை திறக்கப்படும் என்றும், முதல்வர் எடப்பாடி பழனிச்சாமி அணையை திறந்து வைப்பார் என்றும் நேற்று அவசரமாக தமிழக அரசு அறிவித்தது.

இந்நிலையில், நேற்று இரவு சென்னையில் உள்ள போலீஸ் கட்டுப்பாட்டு அறைக்கு மர்ம தொலைபேசி அழைப்பு வந்தது. அதில் பேசிய மர்ம நபர் ஒருவர், முதல்வர் எடப்பாடி பழனிச்சாமி மேட்டூர் அணையை திறக்க வரும்போது, அப்பகுதியில் வெடிகுண்டு வெடிக்கும் எனக் கூறி மிரட்டல் விடுத்து விட்டு அழைப்பை துண்டித்து விட்டார்.

இதைத் தொடர்ந்து, மர்ம நபரின் செல்போன் எண்ணைக் கொண்டு போலீசார் ஆய்வு செய்ததில், வெடிகுண்டு மிரட்டல் விடுத்தது திருப்பூரை அடுத்த குழியூரைச் சேர்த்த தேவகிருஷ்ணன் என்பது தெரியவந்தது. எனவே சென்னை கட்டுப்பாட்டு அறையிலிருந்து திருப்பூர் போலீசாருக்கு தகவல் பறந்தது. இதைத் தொடர்ந்து திருப்பூர் போலீசார் தேவகிருஷ்ணனை கைது செய்தனர். வெடிகுண்டு மிரட்டல் விடுத்தது தொடர்பாக தேவகிருஷ்ணனிடம் போலீசார் தீவிரமாக விசாரித்து வருகின்றனர்.

இதே போன்றுதான் கடந்த இரு மாதங்களுக்கு முன்பும் முதல்வர் எடப்பாடி பழனிச்சாமிக்கு தொலைபேசியில் கொலை மிரட்டல் வந்தது. செல்போன் மூலம் மிரட்டல் விடுத்ததாக திருச்சியைச் சேர்ந்த புரோட்டா மாஸ்டர் ஒருவர் போலீசில் சிக்கினார். தன்னை ஓட்டல் முதலாளி வேலையை விட்டு நிறுத்திய மன உளைச்சயில் முதல்வருக்கு கொலை மிரட்டல் விடுத்ததாக அந்த புரோட்டா மாஸ்டர் கூறியிருந்ததும் குறிப்பிடத்தக்கது. இதனால் தற்போது வெடிகுண்டு மிரட்டல் விடுத்து பிடிபட்டுள்ள தேவகிருஷ்ணன் எதற்காக மிரட்டல் விடுத்தார் என்பது குறித்து போலீசார் துருவித் துருவி விசாரித்து வருகின்றனர்.

மேட்டூர் அணை நாளை திறப்பு ; தமிழக அரசு உத்தரவு


Leave a reply

Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST

More Politics News